27‏/3‏/2008

حق حرية الاختيار


استيقظت من نومي مثل كل يوم يوم عادي من ايام حياتي يمتاز بالتكرر و الملل الذي اعتادت عليه منذ وقت طويل و انا اقوم بنفس الاعمال و الاشياء المعتادة اليومية في حياتي نظرت في المرآه و ظللت واقفه اتامل نفسي و كانني لم اشاهدني منذ زمن زحفت بعض الشعيرات البيضاء الي راسي فتذكرت انني اتممت 31عام منذ ايام و بدات السير في خط التلاتين و بدات الهواجس تنتاب عقلي و اسال عن سنيني الماضيه ماذا فعلت و انجزت بحياتي و هل ساعيش 31عام اخري و هل فعلت شيء يرضيني في 31سنه الاولي لكي افكر في 31سنه الاتيه و اجتاحتني ذكرياتي عمري و كانه حدث امس حتي انني اتذكر احداث و انا عمري 5سنوات حمدت الله انني مازالت اتمتع بقوة الذاكره و لم يصيبني الزهايمير المبكر و خرجت بنتائج كثيره من هذه الذكريات انني في اهم اجزاء حياتي
لم اختار شيء لها مما اتمنه كنت مسيره لكل شيء لم اشعر بارادتي فيها
لم اشعر بحقي في الاختيار و توصلت الي
انك تستطيع ان تختار عندما تملك حق حريه الاختيار
و انني في حياتي لم املك هذه الحريه معوقات - ظروف -امور خارجه عن الاراده- الاهل و تحكم رائيهم و فرضه
-كوني انثي - نظام عقيم فاشل يداير به بلادك و بيؤثر بالتالي علي نظام حياتك امور تفرض عليك و انت رافض و لا تملك سوء الرضوخ لامر الواقع و زادت الاسئله في راسي احقا نحن مخيرون ام مسيرون في هذه الحياه
و احتارت بين القولين اللذان يقولا
(حياتنا فيها اشياء مخيره و اشياء مسيره )
( كل خلق لما مسير له )

برغم انني قرات كثيرا في هذه المساله الا ان الاسئلة دائما لا تتركني و لا الاجابات و التحليلات في الكتب تريحيني

و اسئلة عجيبه تطرق راسي مثل هل الله سيحاسب من يملكون حق اعطاء الناس بعض من حرية لاختيار
في امور و اساسيات حياتهم مثل الحكام واولي الامر و الاهل او اي انسان مسئول عن ناس اخري
فما يتصرفون بالمنع او المنح لحقوق حريتهم ام حريه الاختيار هي مساله فردية بحته و ليست جماعية
واما كل واحد فينا مسئول عن حريته و حقه فيها؟؟
وهل الله يمنح لناس حرية الاختيار و آخرون لا ؟؟
فانا منذ ان ولدت احمل احلام كبيره في نفسي لم احقق منها شيء يذكر غير نجاحات صغيره لم تجعلني راضيه عن نفسي بعد و هنا يكمن الحل السحري لما اعانيه وهو الرضا ذلك الكنز المفقود في انفسنا

من يملكه يملك راحة باله و عقله و لاسف انني لا املكه
و كل لحظه ادعو الله ان يمنحه لي
فانا في اشد الحاجه لهذه النعمه لا ستريح
و اتسال هل تتعارض الاحلام و الامال و شعورك برضا عن حياتك اجد انها لا يوجد تعارض بل تكامل
فكلما حققت ما تحلم بيه يزداد احساسك بالرضا وان حدث العكس فتحمد الله علي ما انت فيها
وانك لم تكون في حال اسوء منه
عندما تكلمت مع احد الاصدقاء في هذا الموضوع فجاءني بجملة غريبه جدا قال لي
دنيا انتي ينتابك ازمة منتصف العمر تفجاءت
لاني معلوماتي ان هذه الازمه نتعرض لها و نحن في بدايات الاربعينات او منتصفها و اكثرها تتعلق بالامور العاطفيه و لكنه فجاءني بتحليل اخر ان الانسان يتذكر حياته و يقف امامها و يقول ماذا فعلت فيها و
يظل يندم حاله و يحاول تعويض ما فاته
اخذت افكر في هذا التحليل و اقتنعت به بعض الشيء
وتساءلت هل من الممكن ان احقق ما فاتني ؟
و هل من الممكن ان املك حق الحريه في الاختيار كما احلم ؟
هل من ممكن تعويض ما فاتني ؟
فكانت اجاباتي انني في الماضي كنت املك حريه اكثر مما انا فيه الان و ان كانت هناك معوقات في الماضي امام اختياريتي فاليوم توجد حواجز امام اختيارتي
مشيت من امام المرآه و نظرت الي اطفالي النيام وفكرت كيف يمكني ان امنحهم بعض من حرية الاختيار في حياتهم علي قدر المستطاع و ان احاول معهم ان يحققوا ما عجزت عما افعله
ليتني استطيع منحهم هذا ليتني

-----------------------------------------------------------------

و انا بكتب سمعت اغنية الدنيا ريشة في هواء لمحمد منير حسيت انها بتجاوب علي كل خواطري و افكاري

23‏/3‏/2008

وحشتوني


بجد مش عارفه اقول ايه انا اختفيت شوية بس و الله مش بارادتي جهازي الغريب كان بياظ يتصلح و يضرب تاني فكنت مضطره اعمله صيانة كامله و ده خد وقت و الحمد لله اخيرا و بعد طول انتظار رجع و رجعت روحي تاني انا ماكنتش عارفه اني ارتبط بالتدوين و ناسه بالشكل ده كل شيء كان واحشني شكل مدونتي و مدونات الاصحاب كانوا وحشيني جدا واضح كده اني بقيت مدمنة تدوين و مدونات

و لما راجعت و اقرائيت تعليقات الناس و سؤالهم علي في الفيس بوك انبسطت اوي حسيت ان لي اصحاب حقيقين قلقنين علي فعلا الاحساس ده بساطني جدا يمكن عشان انا ماليش اصدقاء حقيقين في الحياة الواقعية فانا لم اخرج من هذه الحياة الاي صديقة وحيده طلعت منها من الدنيا و كل همومي و مشاكلي و فرحي و حزني عندها ساعات كنت بشفق عليها من كتر الاي بيرميه عليها و اقولها اعذرني انا ماليش صديقة غيرك وقتها فكرت ليه انا مخرجتش من الدنيا ديه غير بها بس ووصلت لمرحلة في حياتي اني بتعامل مع الاي اعرفهم جديد بمنهتي البرود لاني متاكده اننا مش ممكن نكون اصدقاء و فقدت القدرة من تصديق او عمل صداقه حقيقه مع احد لانها لن تستمر عيب في في غيري مش هايفرق المهم كل الاي جاي ماشي تاني مناسبة الكلام ده ان الموضوع اتغير خالص جوايا بعد دخولي عالم التدوين لاني تذوقت نوع تاني من الصداقه و المشاعر الحقيقه فكل ما اعلق عنده او يعلق عندي باستمرار انشاء نوع من الاهتمام و الالتحام بالكلمات و الافكار كل يوم اول ما اصحي افكر يا تري شهروزه كتبت حاجه جديده محمد عبد الغفار كاتب ايه النهارده احمد شقير هيبدعني بايه اليوم شريف عبد العزيز ماذا يكتب ليمتع عقلي و احمد القاضي و قصصه الاي تخلب القلب و العقل و اخبار عصفور المدينه و الطائر الحزين بسمه النهارده كتبت في مجلتها البنات عايزه ايه موضوع بيتكلم عن ايه ومحمد حمدي اخباره ايه شيماء الجيزي حلت مشكلتها و لا لسه انجي وطارق اتجوز و لا لسه حسن ارابيسك رسم حاجه جديده و لا و ناس تانيه كتير كتير اسفه ان لم يتسعفني الذاكره الان لاذكرهم و فوجئت ان هذه المشاعر الصديقه متبادله مع كل الاشخاص دول و غيرهم كمان الاي بيسل عني الاي زعلان مني عشان مختفيه الاي ارسلي كروت معايده لعيد ميلادي و الاي بيشد من ازري لما اكون مضيقه كل ده بدون مصالح او مقابل متبادل شيء واحد بس هو المطلوب المعزه و الود و حب افكار بعض و الاهتمام بعقول و قلوب بعض لم امنع نفسي من السعادة البالغة بهذه الصداقه الجديده علي و اكتشفت ان من الممكن يجتمع ناس علي حب بعض بدون مصلحه او منفعه ماديه في هذا الزمن

يمكن ده اكتر شيء اثر في من تجربتي التدوينيه كلهم لم ارائهم او يرواني يجمعنا عالم تخيلي من صنع ايدينا و افكارنا يربطنا رابط الصداقه الحقيقه و المحبة شيء جميل ان استراجع احساس الصداقه الذي فقدته منذ زمن طويل انا اتكلمت كتير بس انا كنت عايزة اعبر شويه عن الاي في قلبي لكل مدون صديق احببت كلماته و اعتزازت بافكاره و احترمت اراه حتي لو كنت مختلفه معه فباقه زهور مني لكل صديق و صديقه في هذا العالم الافتراضي الحقيقي بالنسبة لي

وحمرة خجل علي وجهي علي كل سؤال عني و كلمه اعجاب بافكاري

و محبة كبيره يمتليء به قلبي لكل المدونيني اصدقائي

شكرا لكم لانكم ارجعتوا لحياتي معني كبير كنت نسيته و افتقدته منذ سنوات طويله

و هي الصداقه الحقيقة بدون مصلحه او اي شيء

صداقه للصداقه

شكرا لكم

13‏/3‏/2008

حوار محبط جدا


انا :انا مضطهدة لاني محجبه و اغلب الاعمال الان لا تقبل المحجبات بناء علي تجارب طويله في حياتي العملية بالرغم انني عملت و لكني كنت غير راضيه بهذا العمل و لكني قبلته لانه قبلني بحجابي

انا مضطهده لاني اهلي كانوا ناس عادين و علموني تعليم عادي و الحقوني بمدارس عربيه و ليست لغات و طفحوا الدم الي ان وصلت للمرحلة الجامعيه و الحقت بكليه الشعب قسم عربي بعد السبع دوخات في نظام الثانويه العميه الفاشله و بناء علي ما سبق انا مرفوضه من جهات عمل كثيره لاني ليست خريجت لغات او كليه ذات صيت جيد

انا مضطهده لاني تزوجت و انجبت و سني عدي ال30واغلب جهات العمل يطلبون خريجين جدد ذو العشرينات بدون مسئوليات اجتماعيه و انشغالاتي باطفالي و زوجي سيعطلني عن العمل

انا انسحبت مؤقتا من سوق العمل لاربي اطفالي الصغار لانهم كانوا في حاجه لي و لم يطاوعني قلبي ان اتركهم بدون رعايه كافية في هذا السن الحرج و عندما اريد النزول مره اخري اجد صعوبات الف مره من بدايه تخرجي

نفسي : كلمه مضطهده ديه جامده شويه مش شافيه يا دنيا انك مكبرها شويه يعني عشان قبلت شويه صعاب تبقي مضطهده انتي عايزه تضحكي عليكي الناس

انا: عنك حق الواحد لازم يكون عنده شويه صبر لكن الصعوبات بتزداد يوم عن يوم انا محجبه و سعيده بكده وزوجه و ام ودول مش ينقصوني في شيء

نفسي : خليكي واقعيه يعني صاحب الشغل هاسيب البت الحلوه الاي عندها 22سنه و مش محجبه و عامله في نفسها حاجات علي الموضه اوي و خرجيت مدارس لغات و جامعه محترمه و هايبوصلك انتي فوقي بقي

انا : بلاش الكلام الاي ينرفز ده يعني المحترم في البلد ده ما ينفعش ولاد الناس العاديه في البلد ده ما ينفعوش يعني لازم اكون علي البحري و اكون بنت ناس اغنياء صرفوا جامد علي اعشان اعرف اعيش في ام البلد ديه

نفسي : ايوه ارتحتي بقي البلد ما بقتش بتاعتنا بتاعات الناس التانيه الاي صرفوا كتير اوي علي عيالهم و اتخرجوا بقي عشان يتعينوا بالالف الجنيهات فيلموا الفلوس الاي صرفوها تاني معادله سهله و بسيطه

انا: يا سلام علي عم اليأس و الاحباط لا البلد بلدنا و من حقنا زي ما علمونا يوفروا لينا الشغل المناسب بظروف مناسبه

نفسي : انتي هبله و عبيطه و بتدني في القمر مش مالطه و امال الشباب الرجاله الاي زي الورد يعملوا ايه علي الاقل انتي في كنف راجل يقدر يصرف عليكي اما دول مين يصرف عليهم فوقي شويه من الوهم الاي انتي عايشه فيه و بصي حولكي و انتي تعرفي حال الناس و البلد مشكلتك ابسط كتير من المشاكل التانيه يعني الاي يشوف مشاكل الناس تتنسف مشاكله اعقلي و اهدئي

انا : معني كلامك ان مستقبل عيالي زي الطين لو اديتلهم زي الاي ادولي اهلي يبقي مافيش فايده تعليم زفت و مافيش عمل طب انا خلفتوهم ليه و يعانوا زي ليه؟؟؟؟؟

نفسي : انتي غبيه و مش عايزه تفهمي الفلوس بتنادي الفلوس رايحي دماغك بقي عايزه تشتغلي اقبلي بالموجود القليل عشان انتي قليله تعليمك قليل شكلك قليل يبقي فلوسك هاتبقي قليله من الاخر

انا : واضح اني محبطه و كلامي متلخبط و دماغي هاتضرب خلاص

نفسي : عارفه يا دنيا ناس البلد ديه ملهاش غير رب كريم هو الاي بيمشي حياتهم و امورههم عشان كده رايحي دماغك و قولي يارب هو بس القادر علي فعل المعجزات

انا : انا مضطهده

نفسي : ما احنا قولنا بقالش الكلام الكبير ده الشعب اغلبه مضطهده مش انتي و بس

انا : حتي الكمبيوتر بتاعي اضطهادني الويندز اتضرب مرتين في خلال تلات ايام و رايح عند المهندس و هاقعد في البيت وشي في وشي الحيطه انا قلت انا مضطهده و محدش مصدقني

نفسي : المنحوس منحوس ولو علقوا علي بابه فانوس