اخيرا العداله تتحقق

اخيرا عداله السماء نزلت علي سماء مصر بدل من استاد باليرمو
بحبك يا بلدي 
:))))))

راي بعض الناس اللي بره الفيس بوك في الاستفتاء

دائما ما احب ان اتكلم كثيرا مع الناس اللي بره الفيس بوك اللي مالهاش فيه يعني كل معلوماتها عليه ان شويه شباب تقعد عليه وتتكلم وخلاص بس زاد الاهتمام به مع شويه جديه تظهر عليهم لما يجي الكلام عنه بعد ثوره 25 يناير 

المهم الناس اللي بره الفيس بوك دول بالنسبه لي هم الترمومتر بتاعي عشان اعرف  حال الناس في البلد عامل ايه وبيفكروا ازي مع اختلاف تفكيرهم واقدر اقول انها عينه الي حد ما تجمع  الكثير من صفات المصريين العادين اوي اللي بيقدورا بالملايين اللي سمهم بعض الناشطين بحزب الكنبه اللي منزولش الميدان اللي كانوا بيتابعوا الثوره في التلفزيونات الملايين اللي تفنن النظام السابق ان يجعلهم جهلاء مرضنين زي الحمير دائرين في ساقيه لقمه العيش اقسي احلامهم غداء بكره وسقف يحميهم ويدعوا ربنا يبعد عنهم اولاد الحرام

اكلمكوا عن اول عينيه من مجتمعنا وانا جزء منه ومش بعمل حاجه غير اني بتأملهم في صمت حزين  ---الموظفين --بحكم عملي في وزاره حكوميه الناس ديه غلابه جدا وبتكلم عن الموظفين الصغيرين اللي مرتباتهم بتخلص 5 في الشهر  اللي عايشين علي الجمعيات والشغلانات التاتيه اللي فاتحينها في مكاتبهم اللي فاتح مكتبه بوتيك بالتقسيط او محل اجهزه كهربائيه برضوه بالتقسيط ده حتي منهم فاتح مكتبه للتوابل والاعشاب الطبيه والاقل منهم بقي شويه في القيمه الوظيفيه اللي هم السعاه والفراشين والعمال فدول بقي منه

قهوجيه الوزاره و منهم اللي فاتحين مطاعم للموظفين ومتهم السعاه الستات الشاطره اللي بتوفر للسيده العامله كل الاكل والخضار متقشر جاهز علي الطبخ ده غير خدمه الدليفري للاكل المستو بشكل نهائي ديه خدمه جديده اضيفت مؤخرا ومنهم كمان اللي يجي ينضف البيوت بس اهم حاجه محدش يعرف وطبعا الكل بيبقي عارف ومنهم الشاطر اللي حافظ مركزه بيكون متعلم صنعه ويروج لنفسه عشان الموظفين تجيبوه يصلح المكسور عندهم في بيوتهم  ومافيش مانع لو كان الدفع برضوه بالتقسيط 

عالم الموظفين هو  صاحب الشعار الاكبر التقسط والجمعيه ايد واحده 

طبعا اكبر ما يميز الموظف انه مش بيشتغل ايون مش بيشتغل القسم اللي فيه 10 الشغل يستحق يتوزع علي 3 افراد بس وهو ده اللي بيحصل 3 يشتغلوا وشغل خفيف كمان والباقي يشرب الشاي ويفطر ويقرا الجرنال ويقعد ينم ويرغي ويتخانق علي مكأفاه بعشره جنيه جئت للاوضه اللي جنبه وهو لا تعليم الموظفين بيختلف من مكان للتاني بس بيجمع اغلب الدرجات التعليميه اللي معه اعداديه واللي معه ثانويه واللي معه معهد وطبعا الجامعه كولكشن حلو كده من التفاوت التعليمي في مكان واحد الافكار بقي اللي علي هئيه كلام تروح وتيجي بين الجميع في شكل رائع من التأمل ليهم في حد يرغي وهو مش فاهم وواحد يسمع ومكبر وواحد قرفان وواحد مش فارقه معه نهائيا وكتير اوي يقعد يسب ويشتم ويدعي علي الحكومه وحتي بعد الثوره برضوه بيشتموا 

النهارده كان حوار عن التعديلات الدستوريه ومين هايروح يقول لا او نعم وليه شويه كلام عجب عجب سيبكوا بقي من الفيس بوك وحوارتنا المثقفه المعبره اللي بتخرج مننا بالشوكه والسكينه هاعرض كده شويه اراء للمعرفه هذا العالم اللي بره حياتنا الافتراضيه 

واحد قالي :طبعا هاروح واقول نعم الشيخ في الجامع قالي لازم اقول نعم لاحسن يلغوا الماده التانيه هم عايزين مننا ايه احنا مسلمين وهانفضل مسلمين 

حاولت افهموا ان ده مالوش علاقه بده طبعا لا حياه لمن تنادي 

واحده تانيه بقي دماغ :انا مالي اروح اقول ايه نعم ايه ولا لا ايه انا لا رايحه ولا جئيه المهم معرفتش اخبار المكأفاه جئيه امتي الواد عندي عايزه اديلوه درس للانجليزي 

واحد تاني -يا مدام طبعا نعم احنا عايزين الاستقرار يرجع تاني والجيش يمشي عجبك كل يوم المظاهرات علي ابواب الوزاره ويوقولك تعينات جديده هو احنا عارفين نقعد لما يجيبوا ناس جديده --ايه علاقه ده بده متعرفش وبلاش نقاش احسن 

شابه بقي صغننه كده تقول ديه اكيد كانت في التحرير ----انا - هاتروحي تصوتي  

هي : لا لا انا خطيبي قالي لا يعاي ايه واحده بنت تروح مكان وتعمل كده 

وشي طبعا جاب الف لون ونظرات الاسبهلال علي وشي ولا نطقت بكلمه 

المدير بقي قولت راجل فاهم وواعي --طبعا نعم --وقعد يرغي ويتكلم لو خرجت بكلمه مفيده منه كنت قدرت اكتبها 

حد تاني --انا الصراحه لسه مقررتيش --انا قولت حلو اهو ده اقدر اتكلم معه ونتناقش لغايه ما قال اللي قالوه 

-- بصي حضرتك اللي احنا فيه ده غضب من عند ربنا  احنا مش عارفين عايزين ايه احنا كل اعملنا منيله عشان كده ربنا مش هايوهدنا للصح 

انا قمت من قداموه عشان بس متشلش 

قليل اوي اللي قالي لا وياريت حتي فاهم لا ليه 

خلاصه الحوارت اللي دارت في مجتمع الموظفين ياما نعم وخلاص ياما نعم للاسباب دينيه يا ما  مش رايح وهاكبر ياما  لا وده قليل اوي بس اللي شيء الواحد اللي كل متفق عليه بلا استثناء انه محدش فاهم حاجه وماشين وراء اي حد بيقول  اي حاجه وخلاص اما حد يقف ويفكر قليل اوي اللي قابلته في المجتمع ده وعايز يعمل كده 

كلامي ممكن يطلع غلط وتأملاتي كمان عشان اكيد مصر مش في العينيه ديه وبس 

انا حبت انقل صوره صغيره واعمل عليها زوم عشان نشوف بعض الناس اللي بره الفيس بوك 

بس اللي هو اكيد اني عايزه اهرب من دماغي شويه واكتب عن حاجات شايفها وعايزه انقلها 

ثوره مصر

اصعب واجمل وافضل 18 يوم في حياتي

 كان حلم بل كان مستحيل ان يتحقق ما كان يدور في بالنا 

سقط نظام مبارك بقيام ثوره 25 يناير  

كان امر اشبه بالخيال العلمي لكن كان هناك الملايين يحلمون بهذا مرددين

الشعب يريد اسقاط النظام 

الشعب يريد اسقاط النظام 

وتحقق المستحيل وصار الحلم حقيقي 

سعاده -فرحه -خوف -قلق -ترقب -حذر -امل -طموح -تفاؤل 

كم من المشاعر المتضاربه بداخلي لكن بالتاكيد ان غدا سيكون افضل من اليوم 

اليوم الذي طالما حلمنا به وهاهو يتحقق بعد صمود 18 يوم 

الحمد لله الحمد لله 

تعيشي يا بلدي حره 

تعيشي يا بلدي حره 

بحبك يا مصر 

بحبك اوي اوي 

شخبطة حروف

لااعلم سبب هروبي من حروفي يمكن لاني اريد ان اهرب من نفسي من مخاوفي من صدقي 

ولما الهروب والكلمات تتكلم بداخلي تقفز في عقلي كقفزات طفل صغير سعيد بطفولته 

انا في حاله كلام دائما مع نفسي مع مخاوفي مع اوهامي 

طالما اشعر انني اعيش في عالم اخر يسمي نفسي احاول ان اجد اجابات لاشياء لا اجابه لها 

اتسلق اشجار احلامي لعل اصل الي نهايتها وانظر من علي قمته كيف  للعالم شكل اخر بعيني 

عيني ؟؟

كيف تري عيني العالم ؟كيف تري من حولي ؟كيف تري نفسي 

كلمات وحروف تكتب ولا تعلم لم تكتب ولم تسكت ولا تكتب 

اهجر حروفي وارجع لها منهزمه مكسوره ابكي اليها وعليها 

كيف لها ان تتركني وحيده 

وحيده ؟؟

ما معني ان تكون وحيد وحولك كل البشر ؟ما معني ان تكون وحيد والكل يحسدك علي نعمه الناس ؟كيف تكون وحيد وانت تجري وتلهث وتعمل كل شيء كما هو المطلوب منك من اجل الاخرين اولا وتاتي انت في ذيل افعالك 

لا تشعر بشيء خاوي وحيد في حاجه للحب 

الحب ؟؟؟

ما هو الحب ان تعشق وتعشق اما ان تهتم باحد ويهتم بك 

ان تعطي بلا حدود وتبتسم في سعاده لذلك 

اما انك ترضي بما حولك مهما كان صغيرا اما كبيرا 

اما هو ان تظل في انتظارالحب الذي لاياتي كما تريد  

علي ماذا تبحث؟؟ 

عن الحب عن السعاده عن النجاح عن تحقيق الاحلام ام تبحث عن اهم الاشياء نفسك 

نفسك ؟؟؟

نفسك التي ضاعت بين دقات الساعه والانتظار 

نفسك التي تتوه كل يوم علي امل تتمني ان تتحققه 

نفسك التي اتقنت التمثيل والكذب والخداع لكي تستمر ان تعيش في امان بعيد عن عيون قريبه وبعيده في انتظار وقوعك  

اما نفسك التي تتذوق كل يوم حبيبات الحزن والوجع من اقرب الناس اليك وعليها ان تمضغها وتبلعها في سعاده مزيفه حتي تبعد نفسك عن نيران شرهم وغضبهم 

نفسك التي تبحث عن مرفأ امان تنام فيه وعلي شفتيك ابتسامه صادقه راضيه 

اما نفسك التي ضعت بين الزمن والناس 

اما نفسك الطفله التي تراها في احلامك وتندم علي انك لم تعلم قيمتها الا عندما انهزمت نفسك امام الزمن وصرت كهل الاحساس و القلب 

اهرب من حروفي وكلماتي دوما 

ودوما ارجع اليها باحثه عن نفسي 

فلا اجد نفسي ولا اجد حروفي 

لم اسدل عنها جلبابها

اراقبها منذ ان وقفت علي رصيف المترو فطريقه حديثها وثيابها يجعل الكل يهرب منها الا انها اجتذبتني لاتاملها عن بعد حتي لا يصيبني منها اذي  -هكذا ظننت فيها بدايه الامر - ترتدي جلباب منزلي  كان ابيض اللون يزينه ورود مازالت محتفظه بلونها الاخضر تغلق فتحه صدره بقماش اصفر لونه من كثره لبسه يزينه ايضاء ورود لكنها باهته الالوان 

شعرها قصير لكنه مهندم بشكل ملفت يطغي ابيضه عن الاسود الذي يعلن عن نفسه بوضوح وجهها مازل يحمل جمال قديم لكن

الزمن رسم وشمه عليه باقتدار.لا تفرق بين رجليها وصندلها الممزق فاللون الاسود يغطي كل جزء فيهما  وان اقتربت قليلا منها ستستنشق رائحه ارض مازالت تحتفظ بقطرات الندي الفجري فتنفر قليلا حتي تجذبك الرائحه مره اخري 

تحمل في يديها شوال متوسط الحجم تمسكه بحرص وفي اليد الاخري كيس اسود صغير 

اشاهدها تتكلم في هدوء لفتاتين يقفين بعيد عنها يتحدثان لها في حرص اتلصص علي الحوار فياتي المترو ضاربا للكلمات فتتكسر علي رصيف الانتظار ولا اسمع شيء اتمني ان تركب نفس العربه حتي استمر في مراقبتها اصعد -- ابحث عنها--- اجدها جلست علي اقرب مقعد لها ويحيطها حلقه فارغه من الناس لا احد يريد الاقتراب منها تنظر لهم في ازدراء تخرج كلمات هامسه بين الجميع 

اصحاب العقول في نعيم -----ربنا يشفي ----ابعد عنها يا بني -----ربنا يوصيلنا علي خير 

تستعد سيده طويله للنزول في المحطه التاليه 

يدي السيده تلامس شعرها الابيض بدون قصد 

يخرج منها السباب بلا انقطاع 

يا بنت ------- ده انتي ست -------طيب انزلي كده وانا اوريكي يا --------و)

انا معي اقززتين اكسرهم في وشك اجيبك الارض يا بنت -------وو)و

لا احد يرد لا احد يتكلم الصمت يحيط العربه 

لا ترد عليها السيده وتنزل في المحطه ومازالت هي تسب وتلعن 

الكل ينظر لها في حرص وخوف  

اقرران اجلس بجانبها وبمجرد احساسها انني بجانبها تستدير بمنتهي العصبيه لي 

يرضيكي اللي عملتيه الست ------ووو-

معلشي ماكنش قصدها- 

لا ديه ست ------ووو-

معلشي حقك علي متزعليش- 

-وانتي مالك يا بنتي انتي شكلك طيبه واميره ده انا لسه مضروبه ورايحه ابلغ في البوليس اهو شايفه ايدي

ترفع ذراعيه لتكشف عن بقعه زرقاء كبيره مستديره حول ذراعيها 

-مين اللي عمل فيكي كده 

-حراميه يا بنتي كان معي 5000 جنيه كنت رايحه احجز بيهم شقه طلعوا علي مسكوا راسي وقعدوا يخبطوها في الحيطه وباللكمات والشلاليت لغايه ما اغمي علي وخدوا الفلوس وجروا وسابوني فقلت اروح ابلغ عنهم منهم لله ولاد -----وو

-انت مالكيش ولاد 

-انا لي ربنا -

-ربنا يقويكي خالي بالك من نفسك 

-ربنا يكرمك يا بنتي انتي شكلك اميره وطيبه 

انا هانزل هنا عايزه حاجه 

-خدي حاجاتك متنسيهش 

تجرجر شوالها والكيس الاسود وصوتها يردد: سرقوا ال5000 جنيه منهم لله 

اراقبها حتي تنزل فالاحظ من شباك العربه ان جلبابها مرفوع ليكشف عن ساقيها من خلف 

اغضب من نفسي انني لم اسدل عنها جلبابها الذي كان ابيض اللون يزينه ورود خضراء مازالت محتفظه بالونها 

انت اللي هايتغير لما يكون لك صوت

انا مش هاينفع اسيب البلد ديه لا عندي حد قريب يقدر يشدني علي بلد خليجيه ولا عندي مؤهلات تنجحني للحصول علي تاشيره هجره لبلد اوربيه

يعني قعده قعده لا وكمان عندي اطفال مسؤله عنهم اني اعلمهم

اعلمهم الايجابيه ---حقهم في الاختيار في الحياه ----اعلمهم الاعتراض علي اي حاجه غلط يشوفوها

لكن قبل ما اقولهم كل ده لازم اقولوه لنفسي

ايوه انا سلبيه وخائفه وقعده في بيتنا وناقمه علي كل شيء من غير ما اعمل حاجه

احوال البلد منيله فساد وغلاء وتزوير وبهدله ووساطه والفلوس هي اللي بتتكلم

واللي ملوش ضهر ينضرب وتعليم بايظ وعلاج مسمم يعني من الاخر خربانه خربانه

لكن ما ينفعش اقعد اقول واكتب الكلام ده وانا في بيتنا او وانا قدام الكمبيوتر اطلع كام كلمه مخنوقه جوايا وخلاص

ما انا لازم اتحرك واعمل حاجه صح لا هاقول مظاهرات ولا خناقات الحاجات ديه من وجهه نظري لا تقدم ولا بتغير شيء مجرد شحنه عاطفيه تخرج في شكل اصوات

عشان كده لما فكرنا نعمل الحمله ديه كان هدفنا نعمل شيء ايجايبي عملي

معك بطاقه انتخابيه روح استخدم حقك في الاختيار

طبعا الاغلب هايستهزاء من كلامي

وهايردد الكلمات المعروفه الانتخابات مزوره مزوره واللي هم عايزينوه هو اللي هاينجح

حتي لو كان ده حقيقي انا قررت اني ما كونش من الاصوات اللي هاتتزور

هاروح وابطل صوتي مش هخلي حد يستخدم حقي بنيابه عني

ممكن نكون مجانين بس اي حاجه كبيره بدات صغيره وبدات بناس قليله بتحلم ومتمسكه بحلمها

انت وانا جربنا القعده في البيت والشتيمه في الظروف علي الفاضيه والمليانه

طيب ما تجرب وتنزل وتستخدم حقك

موعدكش ان النتيجه هاتتغير بس هو اللي اكيد انت اللي هاتتغير علي الاقل قدام نفسك مش مشارك في التزوير

مش مشارك في الغلط

انزل واستخدم حقك

انزل واختار ما تريده

انزل واقول رايك حتي لو هاتبطل صوتك

خلي عندك امل

خلي عندك حلم ليك ولاولادك

خلي عندك صوت

لينك الموقع هنا 

والفيديو الاول 

الفيديو الثاني 

الفيديو الثالث

وجروبنا علي الفيس بوك 

الثلاثه خذلوني

النساء في حياتي هن الخزلان بنفسه احكي لكم ماساتي احببت الاولي بجنون ولكنها لوعتني واذقتني الامرين بسبب جمالها الطاغي ودلالها الزائد كانت الحب كله ولكني وجدت نفسي اموت كل لحظه وانا معها ااتوسل لها ان تمنحني حبها تنظر لي بتكبر وتتركني في احزاني قررت ان انسها واعرف غيرها وليتني لم افعل تلاقتني الثانيه كانت حاده الذكاء بهرني عقلها وطريقتها معي كل ما احاول ان اهرب منها اجدها تلاحقني كدت اصيب بالجنون منها احيانا اشعر انها تدخل عقلي وتهمس لي  في اذني بحبها لي كانها شيطان خنقني حبها فقررت ان اهرب منه واثناء هروبي قابلتها ما اروعها كانت ترتدي اللون الابيض الذي احبه اخذتني من يدي كطفل صغير قالت لي انا مرساك فابقا معي لم استطيع ان اقاومها وكانت نهايتي علي يداها لقد تزوجتها وانا احدثكم الان من موقعي هذا انشدكم الا تكررو مأساتي 

اخوكم انسان من داخل كيس بلاستك كبير