١٧‏/١٠‏/٢٠٠٧

لسه في أمل

ا/ عمرو خالد

د/ طارق سويدان

د / عائض القرني

الداعيه الشاب / مصطفي حسني

الداعيه الشاب /معز مسعود

الناس دول لما بشوفهم و بسمع لهم بحس ان اسلامنا الحقيقي ممكن يرجع تاني من خلال تصرفاتنا و افعالنا مع بعض و مع نفسنا
و بحس ان مجتمعنا ممكن يخرج منه تاني ناس عظماء زي عظماء تاريخنا الاسلامي المشرف بس لو بداءنا بنفسنا و مع الناس الاي حوالنا

بحس و الله ان لسه في أمل
و أمل كبير ان شاء الله

هناك ١٠ تعليقات:

mohamed hassan يقول...

و الله يعني هو في امل بس مش عارف حضرتك هل الناس دي
تستحق واحد قالك الوصلة حرام و التاني بيقول ما تاخدش
الدين بدماغك وكتير بقى عاهات ماشاء الله
الامل هو ان احنا نتقدم بعملنا مش بالمظاهر
اننا نحاول و نشغل عقلنا بدل كل شوية نتبع ناس عجيبة
ودة رأيي و أنا حر

الطائر الحزين يقول...

الأمل فى الله
وان الخير فى الأمة ما دامت السموات والأرض
الأمل فى أنفسنا تقواها وكيف نحافظ على تزكيتها
الأمل أن فى أبناءنا و غرس الدين فى صدروهم والعلم فى عقولهم

بارك الله فيك

دنـيـا محيراني(ايناس لطفي يقول...

عزيزي محمد رايك يحترم و اهلا و سهلا بيك مخالف معارض موافق المهم الناقش و الحوار عشان دماغ كل واحد تفضل شغاله
بالنسبه رايك ان اومن ان مافيش حد صح علي طول الخط حتي لو كانوا دعاه فهم بشر من حقهم ان يخطواء و لكن عشان هما ناس مختلفة بيتراجعوا عن اخطاءهم و بيعترفوا بيهم و يمكن ده الاي بياكدوا احترامي ليهم المشكله فينا احنا المجتمع اصبح لا يتناقش و يفكر بس بيزعق و يشتم و يهاجم عمرو خالد اختلف معه في اشياء و اخذوا منه اشياء و احترامه اكثر عندما يعترف بخطاءه و هذا حدث بالنسبه لموضوع الوصله واحد في علمه و شهرته لا يخجل من الاعتذار يستحق مني الاحترام
و اقصد بلامل ان الناس ده بتزرع جوانا الامل بالرجوع لدينا و تعاليمه بشكل مختلف و هو من خلال تصرفتنا و افعالنا مع الناس يعني مش دين صلاه و صوم و زكاه بس مع الاهتمام طبعا بالجزء ده بس بيهتموا و بقلوبنا و افعالنا عشان كده بقول انهم بيزرعوا الامل بداخلي
الاختلاف في راي لا يفسد للود قضيه
تحياتي
--------------------------
بارك الله لك و لاهلك يا طائري الحزين

حسن ارابيسك يقول...

الحقيقة
معاكي حق في كل كلمة
حتى لو في قبس صغير من النور في حياتنا لازم نتعلق بيه ونؤمن بيه ونحاول نكبره

نفسنا يقول...

نفسنا مجلة بتعبر عننا

Tamer Nabil Moussa يقول...

لو راح الامل

مات الانسان


تحياتى

رينـــــــــــا يقول...

السلام عليكم
كل سنه وانتى با الف خير يارب

harmless يقول...

عندما نسمع شخصا لاول مره ونبدأ فى استيعاب كلامه يبدأ عقلنا فى عمليات سريعه ومحمومه لهدف واحد فقط
هو ان نضعه فى احد جانبين لا ثالث لهم
هذا كويس
وهذا وحش

ان هذا السلوك الذى نفعله جميعا من اسوأ ما يكون فى رأيى وذلك فى معظم الحالات

اولا لانه محاوله لاغلاق عبئ التفكير الدائم فى طبيعه ما يأتى من هذا الشخص
فمن وضعناه فى الجانب الجيد نقبل كل كلامه ومن وضعناه فى الجانب الاخر نرفض كل كلامه

مع انى اعتقد بشده ان افضل خلق الله يتعمد الله ان يجعلهم يخطئون حتى لا يفتتن احد باحد وحتى نتذكر دائما ان المعصوم هو النبى محمد فقط

مثلا
عمرو خالد
ظاهر كلامه جيد ودوره نشيط وله فعاليات وتأثير لم بحققه من يفوقه فى العلم الف مره
اخطأ فى موضوع الوصله واعترف فى القاهره اليوم بخطأه
بعضنا او الكثير منا وضعه فى الجانب الاسود فقط لهذه العثره

مثلا
الشيخ الشعراوى على علمه الرهيب وتدينه الذى لا يختلف عليه احد اخطأ خطأ فاحش مع السادات ورأيت الكثيرين لا يذكرون له الا هذا الخطأ

الامثله كثيره
واتمنى ان نتعامل مع البشر بصفتهم بشر
نقبل منهم ونرد عليهم
ولا نفتتن باحد ولا نفتش فى نفس احد

تحياتى لكى ولمواضيعك الجميله

دنـيـا محيراني(ايناس لطفي يقول...

oveحسن ارابيسك
قبس من النور تعبير غايه في الرقه و الامل شكرا يا حسن
---------------------------
تامر نبيل
عندك حق تحياتي
---------------------------
رينا
حبيبتي رينا كل سنه و انتي بالف صحه و خير
-----------------------
هارمليس
دائما دائما ارائك تعجبني
موافق جدا علي تعليق
تحياتي

احساس لسه حى يقول...

عزيزتى
انا معاكى ان العلماء دول اجلاء وكويسين واجرهم كبير ان شاء الله
بس اظن ان فى علماء علمهم بالدين اعلى منهم وافضل منهم بس مش اعلاميين
اظن العالم الحق مش اللى يظهر على تليفز بس
لاكن اللى ليه كتاب واتنين يتميز بيهم بين العلماء ويكون كلامه مرجع لعلماء تانيين
تحياتى على اهتمامك بدينك وايمانك بدور العلماء فيه
سلاااااااااااااام