٣١‏/٨‏/٢٠٠٧

فخ لكل رجل


وقفت تتامل اجمل لحظات حياتها معه في البوم الصور

هذه خطوبتهما--- بعد قصه حب جميله دامت لاكثر من سنتين

و هذا حفل زواجهما--- كانا غير مصدقين ان الحلم تحقق

وهذا ابنهما---- اول زهرات عشقهما

و هذا الثاني ---- ليكمل حديقه حبهما

و هذا صديقه القديم و بجانبه زوجته --- زوجته--- الفخ الذي ادخلته بيديها فيه

مات الصديق و كان يجب ان يقف بجوارها هي و اولادها فهو دائما الرجل الشهم

و هذا هو سره و نار جاذبيته في هذا الزمان الذي قل فيها هذا النوع من الرجال

رأت اللمعان في عينياه هي تعرف هذا اللمعان فهي اول ما جربته

رايته المعجب -- المفكر في غيريها و هولا يعلم بما فيها

اخفيت نيران قلبها و تركته يذهب يستطلع الارض الجديده

كانت تعلم انه قد يرحل اليها و يترك ارضه القديمه

و لما لا أليس الرجال يعشقون التجوال؟؟

كل من عرف سرها اتهمها بالجنون كيف تترك طائرها يذهب لغيرها

كيف تسمح بالنار تحرق ارضها

كان ردها انه فخ اعداه القدر له وانا اريد ان اعرف هل سينجو اما لا

فالعشق الذي بيننا يستحق الأختبار و الأختيار

و مرت الشهور كالدهر عليها هو اهتمامه يزداد و هي للترقب تنحاز

و جاءت اللحظه المرتقبه احست بقلب المرأه ان الوقت قد حان لأختيار

حزمت امتعتها و انتظرته لتخبره بقرارها انه وقع في الفخ و لا وقت لاستمرار في الاختباء

دخل عليها يحمل باقه من الورود التي تعشقها

احتضنها كأنه كان مسافر منذ وقت طويل و همس لها قائلا

عرفتها --- فأحببتك انت اكثر

ضحكت عيناها و عرفت ان حبهما نجا من الفخ

و لكن ظل الشك يروادها

فهي اولا و اخيرا امرأه تعشق رجلها الشهم

٢٦‏/٨‏/٢٠٠٧

الجانب المظلم في نفسنا

ليه احنا ازدواجين في حياتنا و تفكرنا و افعالنا ؟
ليه احنا بنعيش بوشين مع نفسنا و مع الناس ؟
اسئله ده تحمل الجانب السلبي و الجانب المظلم
الجانب السلبي و اقصد به الجانب المخلاف للظاهر امام الناس و امام نفسنا
يعني مثلا كثير من الرجال الاي بيدعوا الفضيله و رافعين رايه القيم و الاخلاق يقعدوا يشتموا و يسبوا في الاغاني الخليعه و المغنيات العرايا الاي و جعين دماغنا و عيونا طوال اليوم في الكليبات
و هما يروح بالليل يقعدوا يشغلوهم و يسمعهوم و يستمتعوا اوي بحركاتهم الخليعه و مش بعيد
و يحيولوا علي قنوات البرنو علشان تكمل الليله
ناس تانيه رافعين شعارات الصدق و الحق و العدل في اعمالهم و هم يفعلون افعال الفساد و الخراب و الكذب
و يدوسوا علي رقاب الناس
و ناس تانيه عامله نفسها متدينه و هي متحلفه مع الشيطانين للوصول لاغراضهم
بس اسواء الناس من وجهه نظري من يظهر الحب و القرب والاي في قلبه هو الكره و الحقد و عند اول فرصه يطعنك بلا تردد لتكتشف الخدعه الكبري
و مظاهر تانيه غريبه في حياتنا مثلا
اخوي يقطع رقبتي لو شفني مع حد و هو بيمسك ايد البت بتاعته عادي
جوزي يطلقني لو عرف بكلم حد عادي و هو نازل ضحك و هزار مع زميلات العمل
ابوي يموتني لو صممت اختار و اتجوز الاي انا عايزه و هو يعرف و يخون و يتجوز علي امي
الحكومه تسجني لو سرقت جنيه و هي و كله مال النبي و مال بلدنا
الناس تمشي وراء اشاعه و كدبه و تعملها فتنه و هم متاكدين ان كل ده غلط في غلط
جوانب سلبيه كتيرررررر اوي القلب بيتوجع لما بيقول عليها و يشوفها

اما الجانب المظلم الاي قصده ده بقي حكايته حكايه و يمكن البوست ده مكتوب عشان الجانب المظلم ده
اعتقد انه في حياتنا نحن الشرق فقط ده و حهه نظر شخصيه جدا مش جايبها من عند حد
ماشي يا ستي انت تقصدي ايه بالجانب المظلم ؟
هاشرحه اهو
اقصد ان في حاجات كتير في حياتنا بنتكلم عليها و متحمسين ليها اوي و نظهرها للناس
بس لما نقعد مع نفسنا و نراجع كلامنا نلاقينا مش مقتنعين بكلامنا ده بس قولنا عشان نسير الجو و كمان عشان محدش يقول علينا منعرفش ده احنا نعرف كل حاجه – ما هو ده الاي جايبنا وراء –
و في حاجات تانيه مانعرفهش او مش متاكدين من صدقها او عايزين نعرف بس مكسوفين خائفين محروجين
ما احنا لازم نكون ولاد ام العريف
فنعد نجيب كلمه من الشرق و تانيه من الغرب و نردد كلام سمعنها و احنا مش مقتنعين و لا عارفين حاجه
و نعقد مع نفسنا و نلومها انتي مش عارفه طب بتكلمي ليه
و ده بيقودني لنقطه اكتر من مهمه
ليه احنا مش صراحاء مع نفسنا و مع الغير
و الغير مش متقبل الصراحه ده و ليه نفسنا نسال اسئله كتير في حاجات كتير
و مكسوفين و محرجين
مثلا مثلا
في بعض الناس متحيرين في بعض جوانب في الدين و عندهم اسئله كتير في مواضيع معينه
يعني دماغهم شغاله شويه بيفكروا ده حقهم و لما يعرضوا اسئله غريبه شويه او غير معتاده
يبتدا الهجوم عليهم و علي طول التهمه متوجه انت كافر لا تعرف شيء
طب فهمني قبل ما تتهمني
و نسال اسئله تانيه
طب اتواجه لمين ؟ و مين الجهه الاي اثق في كلمها و حجتها؟
و مين الاي هايحترم عقلي و اسئليتي و ليه ممنوع الاقتراب من هنا او هنا؟

انا بضرب مثل و ممكن يكون كلامي ده نوع من الازدواجيه الاي اتربينا و عيشنا فيها

مثال تاني علي الجانب المظلم و هي العلاقه بين قلوب الناس ايوه قلوب الناس
احنا بنحمل الاف من القلوب و المشاعر الازدواجيه و احنا بنتعامل مع الناس ده هاتعامل معه
و هاكون مئه مئه معه عشان عنده مصلحه ليه امامه حبيبي و في قلبي هاخد مصلحتي منك و بعدين بالجذمه
بين الزوجين مثلا ايوه يا حبيبي ايوه يا حبيبتي و في القلوب بلوي متلاتله
غضب علي خيانه علي اساءه علي شويه قرف و زهق من عاميله او عاميلها و مافيش صراحه
سكتم بكتم
و السب اهي حياه و ماشيه و اتجوزنا و خلاص
عشان كده البيوت الحقيقه بتكون في القلوب مش المظاهر الخداعه الكذابه

الحمد لله الحمد لله ان مشاعرنا ملهش رائحه كانت هاتكون مصيبه كبيره سبحان الل
ه

طب ايه الحل ؟

نحاول نكوين صادقين مع نفسنا اولا لان الصدق مع النفس بدايه الحل
و كره الازدواجيه و محاوله اكون خارجي مثل داخلي
بعد كده احاول اكون صادق مع الغير احاول ابذل محهود و اعقد النيه علي كده اكيد ربنا هايوقف معنا
اما بالنسبه للجانب المظلم ده مشكله كبيره و حله لازم يكون حل جماعي مش فردي
يعني المجتمع لازم يتقبل افكار الغير و يتعامل معه بعقل و ليس بتهم و هجوم
و يعطي الفرصه و الحريه انه يسأل عن أي شيء مش عارفه
من غير كسوف او خجل او نظره استصغار له و افكاره
يعني دعوه لتحرر العقل و الافكار بهدف المعرفه و الثبات علي الحق
الصراحه الصراحه تؤلم و لكن تدوي الجروح و تسهل الطريق من بدايته
ده مجرد افكار بس ياتري انا نفسي هاعرف اطبقها
و هاقدر اتغلب علي اتزرع جوايا من حولي و من المجتمع
هاحاول ربنا يساعدني
-------------------------------------------

١٦‏/٨‏/٢٠٠٧

غنوه جاءت علي الجرح


خناقات بين اهل الوطن الواحد-المسلم بيرفض القبطي و العكس-المرتد عن دينه و خناقاته و بين رفضه و المطالبه بقتله-الشرطه و عاميلها في الشعب - الفساد و رخص الانسان المصري

وما حداش بقي طايق حد--و--و--و

حاجات غبيه و غريبه بشوفها كل يوم و بسمع و بقراء عنها


و فجاءه سمعت غنوه منير بتقول الاي عايزه اقوله



ما نرضاش يخاصم القمر السما
ما نرضاش تدوس البشر بعضها
ما نرضاش يموت جوه قلبي ندا
ما نرضاش
تهاجر الجذور أرضها ما نرضاش قلبي جوا يغني واجراس تدق لصرخة ميلاد
تموت حته مني
الاجراس بتعلن نهاية بشر من العباد
دي الحكمة قتلتني و حيتني وخلتني أغوص في قلب السر
قلب الكون
قبل الطوفان ما ييجي خلتني أخاف عليك يا مصرواحكيلك على المكنون
مين العاقل فينا مين المجنون
مين الي مدبوح من الألم
مين اللي ظالم فينا مين مظلوم
مين اللي ما يعرفش غير كلمة نعم
مين اللي محميلك خضار الفلاحين غلابة
مين اللي محميلك عمار عمالك الطيابة
مين اللي ببيع الضمير مين يشتري مين يشتري بيه الدمار
مين هو صاحب المسألة والمشكلة والحكاية والقلم
رأيت كل شيء وتعبت على الحقيقة
قابلت في الطريق عيون كتيرة بريئة
أعرف بشر عرفوني لأ لأ ما عرفونيش
قبلوني وقبلتهم
بمد ايدي لأ طب ليه ما تقبلنيش
لا يهمني اسمك لا يهمني عنوانك لا يهمني لونك ولا ولادك ومكانك
يهمني الانسان ولو ما لوش عنوان
يا ناس يا ناس هي دي الحدوته
حدوته مصرية



١١‏/٨‏/٢٠٠٧

لحظه ما بين الحياة و الموت – قصه قصيره



اصوات عاليه ترن في اذني و هرج و مرج من حولي اسمع من يقول


نبضات قلبه توقفت اعطيني الصادم الكهربائي


اين انا ماذا حدث لي لا اري شيء

لالالا بداء يظهر شيء ما هذا النفق المظلم انني أنني ادخل به ماهذا النفق؟؟؟
ما الذي يدفعني نحوه
الاصوات من حولي تعلو و القلق يظهر في نبرات صوت اسمعه
القلب لا يستجيب
النفق طويل ما في اخره ياتيني صوت عميق من داخل النفق
في اخره ميزان اعمالك في الدنيا

ميزان اعمالي ابتدي ايقن الحقيقه
اهو الموت يا الهي الموت انا لست مستعد له انا لست مستعد له ليس الان
ياتني الصوت العميق من النفق

الاي للموت وقت؟؟؟

يا الهي سلم يارب
الموت اتي و ماذا فعلت في حياتي؟
كثير من الذنوب قليل من الحسنات
خصمت كثير من اهلي صرخت كثير في والدي
اكلت بعض من الربا
ظلمت هذا و هذه
نمنمت علي هؤلاء و اغتبت هولاء
حسدت هذا و كرهت هذا و حقدت علي هذا
قتلت نفوس كثيره بكلماتي و افعالي

سلم يارب سلم يارب
نظرت لهذه الفتاه بشهوه
و احببت المال بكثره

وركبت السلطه بقوه
و نسيت الله في سهوه


سلم يارب سلم يارب


لم اكن مسلما بحق و خذلت نبيك ببعدي عن سنته و افعاله


و لكني صليت و صومت و زكيت و عبدتك ياربي
يمكن دعاء هذه العجوز التي اعطتها يوما بقلب و نيه سليمه يشفع لي
يمكن دمعه نزلت من عيني يوميا خشيه من الله بصدق القلب و النيه تنجيني
يمكن ركعه في ظلمه الليل ركعتها بكل خشوع و تضرع لله تحميني
يمكن بآيه قرائتها في كتابك الكريم و عملت بها تنقذني
و لكن الذنوب كثيره و الحسنات قليله
سلم يارب سلم يارب

الان فقط عرفت قيمه الحياه التي و هبتها لي يا الهي
الان فقط ادركت انني كنت في غفله عن يوم لقاءك
الان فقط اريد ان اعود للحياه لاصلح ما افسدته
لارتب يوم لقاءك بالحسنات لا بالسئيات
الان فقط اتمني ان اعود


يارب يا رب يارب

اخرج من النفق بسرعه رهيبه

هناك نور اتي علي في اخر النفق
يارب يارب يارب
افتح عيني و اسمع كلام من حولي
الحمد لله يا دكتور اتكتبله عمر جديد الحمد لله
ادقق النظر فيما حولي اين انا في الجنه ام في النار؟

اجد يد رقيقه تربط علي كتفي و صوت الفه
حمد لله علي السلامه كنت هاتروح مننا
ابتسم و اقول بصدق: الحمدلله الحمد لله
احمد لله كثيرا في سري و اعقد النيه انني ساخرج من هنا انسان اخر

انسان يحاول يصلح ما افسده و يحاول ان يجهز زاده من الحسنات للقاء ربه القريب جدا
فقد عرفت الان ان بين الحياه و الموت لحظه
و عرفت قيمه هذه اللحظه

--------------------------------------------------------------------------

اصدقائي هذه القصه التي الفتها اذكر بها نفسي اولا و اعرضها عليكم

و اهدئها لروح الزميله العزيزه شيماء صاحبته مدونه شيكو اون لاين
التي لم اعرفها الاي بعد موتها

فهي من الهمتني بهذه الكلمات و الافكار

انا لله و انا اليه راجعون


اصدقائي العزاء غبت قليلا لعطل في جهازي و خط تليفوني و الحمد لله عدت الي عالمي الجميل و بدات اتصفح احوالكم

ففوجدت بخبر هزني بشده قراءته عند سمراء النيل و شيماء الجيزي و ذو النون و بيجاسو

وهو وفاة الزميله لعزيزه شيماء صاحبه مدونه شيكو اون لاين و اتي لم يسبقني معرفتها لاسف

لقد استراد الله وديعته و توفها من ايام قليله و هي ذات 28سنه فقط فلم اجد غير ان اطالب نفسي و اطالبكم بقراءه الفاتحه و الدعاء لها بالرحمه و المغفره فهي في اشد الحاجه لدعاءنا و استغفارنا لها

و طلب الرحمه و الصبر لاهلها و اقرابها

اللهم اغفر لها و ارحمها و هي و كل اموات المسلمين جميعا


انا لله و انا اليه راجعون

و اشهد ان لا اله الا الله

و ان محمد رسول الله
------------------------------------------------------
تحديث: الف شكر واجبه لاخينا بيجاسو علي تصميمه البانر الخاص
بالحداد علي اختنا شيماء جزاءه الله الف خير