16‏/8‏/2007

غنوه جاءت علي الجرح


خناقات بين اهل الوطن الواحد-المسلم بيرفض القبطي و العكس-المرتد عن دينه و خناقاته و بين رفضه و المطالبه بقتله-الشرطه و عاميلها في الشعب - الفساد و رخص الانسان المصري

وما حداش بقي طايق حد--و--و--و

حاجات غبيه و غريبه بشوفها كل يوم و بسمع و بقراء عنها


و فجاءه سمعت غنوه منير بتقول الاي عايزه اقوله



ما نرضاش يخاصم القمر السما
ما نرضاش تدوس البشر بعضها
ما نرضاش يموت جوه قلبي ندا
ما نرضاش
تهاجر الجذور أرضها ما نرضاش قلبي جوا يغني واجراس تدق لصرخة ميلاد
تموت حته مني
الاجراس بتعلن نهاية بشر من العباد
دي الحكمة قتلتني و حيتني وخلتني أغوص في قلب السر
قلب الكون
قبل الطوفان ما ييجي خلتني أخاف عليك يا مصرواحكيلك على المكنون
مين العاقل فينا مين المجنون
مين الي مدبوح من الألم
مين اللي ظالم فينا مين مظلوم
مين اللي ما يعرفش غير كلمة نعم
مين اللي محميلك خضار الفلاحين غلابة
مين اللي محميلك عمار عمالك الطيابة
مين اللي ببيع الضمير مين يشتري مين يشتري بيه الدمار
مين هو صاحب المسألة والمشكلة والحكاية والقلم
رأيت كل شيء وتعبت على الحقيقة
قابلت في الطريق عيون كتيرة بريئة
أعرف بشر عرفوني لأ لأ ما عرفونيش
قبلوني وقبلتهم
بمد ايدي لأ طب ليه ما تقبلنيش
لا يهمني اسمك لا يهمني عنوانك لا يهمني لونك ولا ولادك ومكانك
يهمني الانسان ولو ما لوش عنوان
يا ناس يا ناس هي دي الحدوته
حدوته مصرية



هناك 16 تعليقًا:

شـــــهــــروزة يقول...

أصبح حلم بعيد

كلما نقترب منه ونتناسى آلام الماضى

يطفو على السطح من ينبش فيه مرة أخرى وبقسوة
كما لو كنا قد خلينا من الهموم ولم يبق لنا الا البحث عنها لتلهينا فى وقت الفراغ المسيطر على رفاهيتنا وترهلنا فى الحياة

وكأن من مصلحة المستبد المتحكم فى رقاب العباد
أن يظل العباد فى شغل شاغل عنه
وفى لهو عما يفعله هو وزبانيته

فرق تسد
السياسة الاستعمارية الأقوى والأنجح على مر العصور
والتى تنال نجاحها من استحمار الآخرين وقبولهم استغفال المستعمر لهم

مستعمر منا وفينا

ألا يفقهون؟؟

تحياتى

sendbad يقول...

فعلا اللي بيحصل حاليا حدوتة بس مش مصرية لان مصر عمرها ما كانت كده
انا شخصيا مش عارف ايه اللي بيحصل ورايحين لحد فين
كل يوم مبادئ واخلاقيات وعادات وتقاليد بتنقرض ربنا يدينا القدرة عليا لتحمل ومعرفة الخطامن الصواب
تحياتي للبوست الجميل

الطائر الحزين يقول...

الموضوع ليس بهذه الصورة المرعبة التى يصورها الاعلام لحاجة فى نفسة
تضخيم الامور و اعطاءها أكبر من حجمها

انا ممكن افهم أن الأمر عندما يكون ضخم فى هذا الاتجاه على الاعلام تهدئتة للمصلحة العامة

لكن العلام يهول اشياء يجب تهدئتها
ويغض الطرف عن اشياء مهولة فى الأصل

تحياتى

و القادم....أجمل يقول...

السلام عليكم أنا مع رأي

الطائر الحزين

الموضوع مش بالصورة دي

بس الاعلام بيكبر أوووووووي

أوووووووووووووووووووووووي

عشان يشغل الشعب

دا رأيء الصراحه

تحياتي و تقديري للجميع

:)

EGYPT EYES يقول...

عامله ايه دنيا أن شاء الله تكوني بخير
أحييكي على المعنى الي عايزه توصليه فعلا أحنا محتاجين معاني زي دي في حياتنا وناس زيك متسامحين بطبعهم
تحياتي وتقديري

بهلوله يقول...

فعلا حدوته مصريه
عايزه اقولك طول ماحنا فى مصر ياما هنشوف من الحواديت

دنــــيــــــا مـحـيـرنـي يقول...

شهروزه عزيزتي انهم لا يفقهون الاهم عندهم السلطه و يدوسوا علي رقاب الناس لك الله يا مصر لك الله
--------------------------------
سندباد
عندك حق يا عزيزي
---------------------------------
الطائر الحزين
حضرتك لو قصدك عن حكايه حجازي ممكن اوفق حضرتك لكني بتكلم عن الجو العام يعني الاعلام مش مزودها في حكايه الشرطه و افعالها في الناس و كمان حياتنا مع بعض اصبحت شيء غريب من السلوكيات و التعامل المتبادل انا اقصد الجو العام مش حاله معينه
تحياتي
---------------------------------
القادم اجمل
ردي عليكي يا عزيزتي مثل الطائر الحزين
منوره دائما عندي
--------------------------------
egypt eyes
شكرا ليك يا صديقي
---------------------------------
بهلوله
منوره مدونتي المتواضعه
مصر ام الحواديت مش حدوته واحده
تحياتي يا جميل

Hany يقول...

الأخت الكريمة
الصورة من تلك الزاوية ليست قاطمة إلي هذا الحد ، فالتسامح مازال موجوداً
أما الحواديت المصرية بعد حدوتة منير كثيرة جداً فالمصريين فقدوا قيم الذوق والصدق
وبالمناسبة أنا علي بعد أمتار من حادثة شهيرة وقعت في الإسكندرية بين المسلمين والأقباط وضخمها الإعلام بشكل غريب وكأنهم يعتمدون سياسة النجاح أن تتحول الحبة إلي قبة

مع خالص تحياتي

wahed يقول...

احييكي كتير علي هذا البوست

معلهش انا اتاخرت شويه


رغم الظرووف اللي بتمر بيها مصر لكن ستظل مصر عظيمه وقويه


تحياتي لكي

4xmisr يقول...

تم افتتاح مدونات
4xmisr
لتعليم التدوين على بلوجر باحتراف
spot-weblog.blogspot.com
الثانية للتعامل مع الانترنت بأمن
4xpert.blogspot.com
(تحت الانشاء)
باقى المدونات للربح من الانترنت لمن يهتم بذلك
شاكرين لكم سعة صدركم مقدما
وأرجو التواصل معنا بابداء الأراء والتوجيهات شكرا

دنــــيــــــا مـحـيـرنـي يقول...

عزيزي هاني دائما بتفديني بكلامك و املك الكبير في حياتنا
-----------------------------
واحد دائما منورني

شيماء الجيزى يقول...

عارفة يا دنيتى

انا ضقت ذراعا بهم بجد
دى مش مصر
مش حدوتة مصرية ابدا
عمرى مشوفت مصر كده

الا يفقهون على رأى شهروزة؟
الا يفهمون؟
الا يعرفون؟

احنا عايشين على الارض دى ..يعنى لو قام زلزال هياخدنا كلنا
مش هينقى؟

لو قام بركان هيحرقنا كلنا
مش هيختار

بضم صوتى لصوتك

بجد
اجت على الجرح

تحياتى وقبلاتى
يا صديقتى الجميلة

يا مراكبي يقول...

لازم الغنية تيجي على الجرح .. على جروح كتيرة قوي

وشعبنا لا فاهم ولاواعي ولا حتى اللي بيفهموا فيه فاضيين يوعوا الباقيين

شوية كده وهتختفي من المنطقة الهوية المصرية .. وهتشوفي

البنت الشلبية يقول...

سلام عليكم ازيك يا جميلة
عارفة انا كمان منيرية اوى وبموت فى منير
مع ان اغانيه بتدينا امل لكنها فى الاخر مجرد اغانى
والناس زى ماهى
والله لو عملتلهم ايه فى ناس دماغها زى الحطب متبرمجة لوحدها
وسنة الحياه هيا الاختلاف والكره والحب والمشاحنات والتآخى
هيا دى الحياه
welcome to life
سلام يا جميلة

دنــــيــــــا مـحـيـرنـي يقول...

صديقتي العزيزه جدا شيماء الجيزي
الجرح كبير و محدش سامعنا ربنا معنا
--------------------------------
مراكبي
بشره وحشه اوي معقوله لا لا اديني امل شويه لسه اكيد الاغاني ممكنه
--------------------------------
البنت شلبيه
علي رايك يا عزيزتي هي ده الحياه

بحر الحياه يقول...

للاسف هى دى الطريقه المعروف فرق تسد وبكده يكون التحكم فى المقدرات صعبه ومفيش اتفاق على حاجه والمستفيدين كتير حكومه فاسده اجانب ليهم مصالح فى البلد