20‏/1‏/2008

زمان و انا صغير


زمان وانا صغير كنت بحلم ابقى كبير
تعب القلب واتحير من الدنيا ومن المشاوير

الحلم كان برئ مفروش بالورود
والقلب كان جرئ مليان بالوعود
ولما كبرت قلت ياريت ما كنت حلمت ولا اتمنيت
قلت ياريتني فضلت صغير
زى زمان

انا من صغر سني حاسس بشئ جوايا
وحلمت زمان اغني والكون يسمع غنايا
غنيت غنيت وفى وسط الغنوة بكيت
ولقيت الكون كله بيتغير
قلت ياريتني فضلت صغير
زى زمان

حلمت زمان ببيت وبقلب يكون معايا
ومن الاحلام صحيت على جرح مالوش نهاية
وداريت وداريت الجرح فى قلبي داريت
ولقيت العمر يا دنيا قصير
قلت يا ريتني فضلت صغير
زي زمان

زمان … وأنا صغير

-----------------------------------

غنوة هشام عباس زمان وانا صغير
كام واحد فينا كان نفسه يفضل صغير ؟؟؟

هناك 13 تعليقًا:

آلام وآمال يقول...

ااااااااااااااه لو بايدي ارجع تاني صغير وافضل صغير
الاحساس ده بيراودني بقالو فترة والله

بس ما باليد حيلة
كبرنا وكبرت همومنا معانا ومفيش ادامنا غير المواجهة والصبر والشغل بجدية

احمد العزيزي يقول...

ليه نرجع مبحبش الاحساس ده كأنه استسلام وهزيمة وفرار
مبحبش الضعف

خمسة فضفضة يقول...

السلام عليكم ورحمة الله وبركاته

مافيش حد مانفسوش يفضل صغير ومايكبرش ابدا
لذة الاشياء واكتشاف الجديد واحنا صغيرين كانت بتدي للحياه طعم تاني ، طعم احلي من العسل

رئيس جمهوريه نفسى يقول...

انا طول عمرى بحلم اكون صغير وبستعيد طفولتى مع اولاد اخواتى ربنا يخليهم لينا يارب

محمد عبد الغفار يقول...

لا يفيد البكاء على اللبن السكوب ، الأفضل نتعلم كيفيه اقتناص الجمال فى كل مرحلة

دنــــيــــــا مـحـيـرانـي يقول...

آلام و آمال:
مافيش غير المواجهه عندك حق و الله
------------------------
احمد العزيزي
هو فرار صح لكن مش ضعف
حنين ممكن يكون هو ده الاحساس الاي اتكلمت بي مش ضعف
شكرا لوجودك
---------------------
عزيزتي فضفضه
طعم احلي من العسل نفسه و الله
-------------------
رئيس جمهورية نفسي
ربنا يخليهم ليك و تعيش دائما بقلب طفل برئ
----------------------
محمد عبد الغفار
انت دائما كده بتوجهني بالحقيقه علي طول طب نحلم شويه نحن شويه بس اقولك ايه كلامك صح جدا كل مرحله فعلا لها جمالها بس مافيش من جمال الطفولة
تحياتي يا واقعي

bos bos يقول...

زماااااااااااااااااااان وانا صغير
الأغنية دى دايما على باااااااالى

mohand يقول...

السلام عليكم

قول يا عم هشام عباس قول

الطائر الحزين يقول...

ياليتنا نبقى فى الطفولة دوما


تحياتى

حاول تفتكرنى يقول...

تري ما فى الطفولة يجعلنا حلم بآلة الزمن التى تعيدنا إليها
أكيد هناك أشياء كثيرة جميلة وبريئة .
لكن هناك -أيضا - ملايين الأشياء فى حاضرنا تجبرنا على التأقلم مع الواقع ، ونتاقلم معه بالفعل ، ولا يبقى لنا غير أمنيات مستحيلة

تحياتي

دنــــيــــــا مـحـيـرانـي يقول...

شيء حلو اوي اني اجد كثيرا منكم يشاركوني نفس الاحساس القلوب عند بعضها

S H A H يقول...

ده انا ادفع عمري اللي فاضل كله و ارجع صغير تاني

من و انا صغير بحب كلمات الاغنية دي:)

Sara يقول...

اعتقد الانسان بيحس الاحساس ده لما يحس بالعجز او الهموم خلاص خنقته ساعتها بيفتكر نفسه وهو صغير وممكن يكون كمان وهو صغير عنده هموم بس ساعتها مبيشوفش غير الايام الحلوةاللى عدت عليها وهو صغير عشان عايز يهرب ولو لحظات من همه ويفتكر حاجة حلوة حصلتله
ده رايي !!!