14‏/2‏/2008

كيس مكرونة


بشوق و لهفة يمسك كيس المكرونه من يد امه ينهمه نهم
و عيناه تملاءها السعاده والمتعه
وهو يستمتع باكله ينهي علي ما باقي في الكيس يقطعه ليفتحه
و يلعق منه حبات الصلصه المتبقيه في شراهه
يتطلع الي امه وفي براءه يطالبها بكيس اخر فهو لم يشبع
كيس واحد لا يكفيه و لا يسد جوعه
تذغده في صدره وهي تقول (كفاية كده عشان الباقي ياكلوا)
ينظر الي اخوته وهم ياكلون مثله يتمني
لو احد منهم يعطي له نصيبه فهو يعشق كيس المكرونه هذا

فهو امنيته و سعادته اليوميه في المسك به
و الضغط علي منتصفه ليملاء به فمه و بطنه
وكم يشعر بالسعاده في تذوق حبات الصلصه التي تنقط من حبات المكرونه
كل يوم ياكلها فهي غذاءه ولا يعرف لمتعه طعام غيرطعمها
فامه لا تملك غير كيس مكرونه واحد تقدمه له
بعد يوم عمل شاق تاخذ منه القليل
لتسد به جوع ابنائها و بعد الانتهاء من اكله يظل يحلم بكيس الغد
و يمني نفسه ان يتذوق طعم الشبع منه حتي لو مره واحده
و يتمتم بداخله (نفسي اشبع منك)
يظل يجلس بجانب الباب منتظر قدوم امه باكياس المكرونه كهلال العيد
في سماءه و في يوم تاخرت امه
معدته تصرخ من الجوع و لا مجيب خرج من بيته المعدم يبحث عن امه
يريد كيسه الان
مشي غاضبا ناظرا حوله المباني الشاهقة و السيارات الفارغة
يريد ان يسأل كل من حوله
عن امه و كيس المكرونه الخاص به
ظل يمشي متمتما بكلمات سب ولعن تاخيرامه
عيناه تسمرت برؤيه خمسه جنيهات
علي الارض اخذها بسعاده بالغه و ظل يفكر ماذا يفعل بهذا الكنز؟؟؟؟
لمعت عيناه بفكره جعلته يطير من علي الارض يجري مسرعا
كمن يمسك في يده نجوم السماء
و ذاهب بهم لشراء جنته
خرج من الشارع دخل الي الاخر حتي وقف امام محل و ظل يتامله و كانه
يشاهد اجمل صور الدنيا في عينه
دخله و ظل متسامر وهو يراقب حركات العمال فيهم حتي صرخ فيه احدهم بصوته المفزع
(عايز ايه يابني) ارتعد جسده ومدله يداه بالخمس جنيهات وهي ترتعشان
(عايز بيهم كلهم اكياس مكرونه وكتر الصلصه وحياة ابوك)
جمع له العامل اكياس المكرونه في كيس كبير اخذها منه جري بسرعة كبيره وبفرحه اكبر

اختبي في زاويه ضيقه في الشارع واخذ يراقب كل من حوله ليتاكد ان احد لا يراه ادخل يداه في الكيس الكبير
يتحسس اكياس المكرونه الساخنه في متعه و سعاده كانه يلامس مجوهرات علي بابا و الاربعين حرامي
بداء ياكل بشراهه و سعاده وهو يسمع نفسه بصوت عالي (اخيرا هاشبع منك)

هناك 29 تعليقًا:

تــــايه ومش تـــايه يقول...

طيب ده حالو احسن من غيرو ده بيلاقى الاكل مره فى اليوم هوا اه مش بيشبع بس اهو فيه اكل .فيه ناس اتنست فى الدنيا خالص .الناس دى لو انفجرت وخرجت وكسرت الدنيا محدش يقدر يلومهم .علشان من حقهم يقولو احنا موجودين ولينا حقوق عندكم

الطائر الحزين يقول...

تتأرجح الأحلام تبعا للأحوال

فمنا من يحلم بطعامة

وغاية أمنيتة ان يبات ومعدته لا تتضور جوعا

وأخرون يؤرقهم تراب غطى نعل حذائهم نعم نعل حذائهم

لأن اقدامهم لم تطأ الأرض

حسبنا الله

تحياتى

عصفور المدينة يقول...

فعلا كما في أول تعليق آخرون لا يجدون هذه الخمسة جنيهات

bota يقول...

السلام عليكم

بجد مش قاده اتصور اني فيه ناس كده
دايما الحقيقه بتبقى مره
وبجد الواحد مش عارف ايه الحل بس نفسه الناس كلها تبقى زي بعضها مش لازم زي بعضها بس على الاقل مبيقاش فيه حد معدم

ربنا يوفقك

غير معرف يقول...

سوف يسألنا الله جميعا عنه فماذا نقول؟
حسبنا الله و نعم الوكيل..أبو خالد

خمسة فضفضة يقول...

السلام عليكم ورحمة الله وبركاته

نموذج موجود منه كثير حولنا ، وسيزداد اكثر مع الزيادة الرهيبه في السعار

ربنا يعدي ايامنا علي خير

الساحرة يقول...

هذا ما وصل اليه الحال في بلدنا شخص كل احلامه هذا الكيس وشخص اخر يفكر كيف يحرمه منه رحمنا الله

دنــــيــــــا مـحـيـرانـي يقول...

تايه ومش تايه:
عندك حق الناس ديه مشروع قنابل موقوتة ربنا يستر
---------------------
الطائر الحزين
حسبنا الله و نعم الوكيل الناس دول ربنا هيسال المسئول عنهم يوم القيامة
هايكون حسابهم عسير
---------------------
عصفور المدينة
انا قصدت انه يجد الفلوس صدفه ليس اكثر وفي العادي لا يجد شيء ربنا معهم
----------------
بوته
لا و الله في ناس اقل من كده كمان
شكرا علي وجودك
-----------------
ابو خالد
عندك حق
-----------------
خمسه فضفضه
لو فضل التجاهل و الفقر في زياده قولي علي بلدنا السلامه
-----------------
الساحره
فهمت بالفعل ماذا اريد ان اقول ان الاحلام قلت اوي و تفهت ووصلت لمجرد الحلم بالشبع
شكرا لك

Mohamed Hamdy يقول...

يعنى هى ناقصه حزن

بس تحياتى ليكى .. مكتوبه باحترافيه جامدة اوى .. بس فى اسلوب تانى فى كتابه نفس الاحداث هبقا اقولك وجهه نظرى فيه لما افوق بس من الهم الى انا فيه

سلام

صاحب المضيفة يقول...

جميلة ورايقة

مع اني مختلف في صرفه للخمسة حنيه اللي لاقاها

بس برضو هو عيل وبيحب المكرونة

تحياتي على الديباجة الحلوةوالجميلة

دنــــيــــــا مـحـيـرانـي يقول...

محمد حمدي تؤمي
انتي فين يا بني مختفي و كلماتك بتقول في حاجه طمئني عليك يا اخي
تشجعيك لي دائما بيرفع من معنوياتي احب اعرف الطرق التانيه عشان اتعلم ابعتلي حتي علي الايميل اصلي مش بقعد علي ماسينجير كتير مستناه اخبارك
تحياتي
-------------
صاحب المضيفه
كل واحد بيحلم علي قد سنه و علي قد قدراته و احتياجاته للحلم
اهلا بيك في زيارتك الاولي لي اتمني وجودك دائما تحياتي

حسن ارابيسك يقول...

أولاً تحياتي على ذلك البوست الجميل
رغم وجود تراجيديا عاليه به

ولكن أود أن أتناول الموضوع من ناحية أخرى
في تاريخنا المعاصر يعني من وقت تولي عبد الناصر حتى وقت طويل كانوا دائما يصورون لنا الأثرياء ما قبل الثورة ظالمين وفجرة ولا يعرفون الله
ولكن اذا قرأتي مثلاً كتاب لأمين هويدي
سوف تذهلي حينما تعرفي ما كان يقدم من قبل هؤلاء الأثرياء لفقراء مصر وكيف كان موضوع الوقف هذا منتشر جداً بين أغنياء مصروأثرياء في جميع الاتجاهات من انشاء ومدارس ومستشفيات ومضيفات وأموال لليتامى وغير ذلك الكثير وطبعا يوازي هذا هي الوقف الذي كانوا يجعلون ريعه يذهب لكل مشروع خيري
رحم الله اثرياء وأغنياء زمان
كيف كانوا رحماء بفقراء مصر
أما أثرياء ورجال الأعمال فلا هم لهم الا أن يكنزوا الأموال ولو طالو أن يمصوا دماء هؤلاء الغلابة والفقراء لفعلوا
حزين عليكي يامصر
وحزين على ولادك
وفين خيرك يامصر
مابين ايدين أغرابك
حزين على بلدي وناسي
وكل مصري بيقاسي
قلبي فاكرهم مش ناسي
حزين عليكي يامصر

فاتني التعليق على رثاءك للراحل مجدي في وقتها ولكنني قدمت عزائي لكي ولكل مصر في بوستك السابق
تحياتي
حسن ارابيسك

يا مراكبي يقول...

أنا بأشوف الموضوع ده من وجهة نظر فلسفية .. عقد بقى

تخيلي لما يكون أقصى طموح لبطل القصة هو إنه يشبع من أكياس المكرونة

تخيلي قد إيه الدنيا ضيقة عليه لدرجة إن سقف طموحاته يكون هو ده

قيسي بقى الكلام ده على أغلب أفراد الشعب المطحونين مع إختلاف الأمثلة .. هتلاقي إن قصتك دي بتفسر حاجات كتيرة جدا عن سلوكيات وردود أفعال الشعب تجاه حكوماتنا

مرة واحد صاحبي قالي وهو بيوصف واحد فقير يعرفه ومات: الله يرحمه .. مات قبل ما يشبع من الطعمية

خالص تحياتي

دنــــيــــــا مـحـيـرانـي يقول...

حسن ارابيسك
انت شرحت الاختلاف الشديد بين اغنياء زمان و اغنياء اليوم اضفت للبوست ناحيه مهمه جدا لم اصفها شعرك موجع جدا يا حسن دائما تضيف لبوستي
يا عزيزي تحياتي
-------------------
اه يا مراكبي انت تحفه يا بشمهندس انا اقصدت كل كلمه انت كتبتها فعلا من منظور فلسفس سقف الاحلام للفقير ان يشبع من اكلته اليوميه منتهي القسوه و الحزن علي فكره قصه صاحبك ديه حقيقه و الله
تحياتي

رئيس جمهوريه نفسى يقول...

تعبتيلى قلبى بجد

دنــــيــــــا مـحـيـرانـي يقول...

رئيس جمهورية نفسي
سلامه قلبك يا عزيزي كلمتين صغيرين بس انا عارفه احسك بيقول ايه تحياتي

محمد الجرايحى يقول...

أختى الفاضلة : دنيا
السلام عليكم ورحمة الله وبركاته
أحيى قلمك الراقى ومشاعرك الراقية
دائماً تسطرين لنا بقلمك آلام وأوجاع إخوان لنا يعيشون بيننا وقد لانشعر بهم ولابآلامهم وأوجاعهم ..
وهم فى أشد الاحتياج لمن يشعر بهم ويمد لهم يدى الرحمة...

فجزاك الله خيراً
ونسأل الله تعالى أن يجعلنا ممن يقدمون يد العون لإخوانهم فى السراء والضراء

تقبلى تقديرى واحترامى
أخوك
محمد

دنــــيــــــا مـحـيـرانـي يقول...

محمد الجرايحي
دائما تخجلني بكلماتك المشجعة لي شكرا لك يا اخي تحياتي

shayma يقول...

بجد حلوة اوى

الامانى البسيطه لناس بسيطه
كل امله انه يشبع من المكرونه
دى سخريه الاقدار بجد

بس فعلا كل واحد عنده امنيه ممكن تكون بسيطه لغيرنا بس لينا هيا الدنيا وما فيها

بجد حلوة
سلامى يا جميل
:))

دنــــيــــــا مـحـيـرانـي يقول...

شكرا اوي يا شيماء علي هذا الاطراء الجميل الامنية اقل من البساطة في هذا الموقف بل هو احتياج اكثر منه امنيه
سعيده انها نالت من اعجبك تحياتي

YHYيــوســف الـمصـرى يقول...

السلام عليكم ورحمة الله وبركاته
............................
كيس مكرونة واحد لا يكفى !
حلوة بجد ... اسلوب حلو تسلم ايدك مش على المكرونة لاء تسلم ايدك على البوست :)
تحياتى

احساس لسه حى يقول...

عزيزتى
المشكلة الاكبر مش كيس المكرونة

ولا الجوع لان محدش فى بلدنا هيموت من الجوع بس هعيش جعان فى اوقات كتير

المشكلة ان بلدنا مليانه خير احنا منستهلش العيشة دى

وربنا يمهل ولا يهمل

واملهم كتير اوى واخرتهم قربت ان شاء الله

طبعا كلام على الحكام رجال الاعمال واجهتهم وشركائهم

تحياتى
سلام

رينـــــــــــا يقول...

الحمد لله الذى فضلنا على كثيرا من خلقه
وربنا يجازى الناس اللى معاها ومش بتساعد الناس دى

دنــــيــــــا مـحـيـرانـي يقول...

يوسف المصري
شكرا لك علي الثناء
----------------------
احساس لسه حي
المشكله كلنا مشاركين فيها ناس عاديع غنيه الحكام رجال الاعمال كلنا مشاركين فيها تحياتي
-----------------
رينا
الحمد لله اولا و اخيرا
شكرا علي تواجدك

غير معرف يقول...

أنتظر بوستك الجديد ..متغيبة أنتى عسى أن يكون المانع خير..أبو خالد

بيجاسوس المصرى يقول...

حين ميسرة

فهل ثورة الجياع قادمة ؟

سؤال مش عارف له اجابة ولا عزاء على الفقراء فى وطن اضاع كرامة شعبه

EGYPT EYES يقول...

بوست اكثر من رائع رفيقتي العزيزه
يقول تشى جيفارا إننى احس على وجهى بالم كل صفعة توجه الى مظلوم فى هذة الدنيا فأينما وجد الظلم فذاك وطنى وعلى هذا تحيه للفقراء والمحرومين في كافة أنحاء العالم وإلى غد نصنعه لأجلهم
قصه رائعه تحياتي

Ahmed Al-Sabbagh يقول...

الصديقة العزيزة

صورة أدبية رائعة بجد

عجبتنى اوى

بجد اسلوبك رائع وبسيط ومحترف

تقبلى تحياتى

أحمد الصباغ

دنــــيــــــا مـحـيـرانـي يقول...

ابوخالد
شكرا علي السؤال جهازي في حاله صيانة احدثكم الان من نت كافيه
تحياتي
--------------------
بيجاسو
عزيزي معتز عاش من شاف كلامك يا دكتور الثورة جايه جايه و القاده من العراه و جعاه الوطن لا تتعجل قادمون قادمون تحياتي
----------------------------
رفيقي ايجيبت ايزي
جيفار ممن يحسون بالمظلومين و الضائعين هل من الممكن ان يوجد جيفارا العرب بيننا الان اتمني وجوده عندنا
منورني دائما بتشجيعك لي
-------------------------
عزيزي احمد الصباغ سعادتي لا توصف بكلماتك المشجعه لي بالذات عندما يخرج الراي من اصحاب المدونات المحترمين مثلك يا عزيزي
تحياتي