18‏/4‏/2008

حلمنا اتولد اليوم

تحديث ،،،،،

اقراء عنا في المصري اليوم الدعاية بدات وان شاء الله هاننجح
اقراء عنا علي موقع ابناء مصر
===================================

انا نفسي في حاجه مجنونه نفسي اروح لكل مدون واخبط علي بابه و اقوله ممكن تنديني احلامك

اقصد بوستاتك بجد و الله ده فعلا احساسي نفسي كل مدون يكون معانا نفسي كل واحد شايف ان كلامه

يستحق ان يخرج للنور ان يشارك معانا
حاسه انه حلمي خرج من جوايا من مجرد حلم شخصي الي حلم كبير كلنا بنحلم بيه و بنشارك فيه

و بقي اهتمامي الاكبر مش كلامي يتنشر اكبر من كلام كل مدون يتنشر و يخرج للنور

احساسي بكل مدون انه انا وهو انا احلامه احلامي و اماله امالي ومخاوفه هي مخاوفي

اليوم شهدت اول لحظات ولاده حلمنا الجميل كنت في عمربوك ستورز و شهدت علي اعلان ولاده حلمنا

من ا/ يحي هاشم صاحب ومدير دار النشر اكتب الاي هاتقوم بنشر اول كتاب للمدونينين

و برغم عدم تواجد ناس كتير من المشاركين غير احمد البوهي و احمد مهني اصحاب الفكره

و شخصي المتواضع المشارك معهم لكننا كنا نشعر ان مدوني مصر كلها باروحهم معانا سعداء مثلنا

الامل ملئيهم و الحلم بيدفعهم وثقتهم في الله كبيره انهم ينجحوا انا حبيت اشاركوا معي سعادتي

الاي هي سعادتكم برضه التي كنت اشعر بها تطوف حولي و ترسم ابتسامات امل و احلام لكل المدونينين

==============================

المهم بقي انا هاكتب كيف ترسل لنا اعمالك عشان الاي مش عارف يعرف و الاي عارف يعرف غيره

يالاه يا جماعه الوقت بيجري عايزين الكل معانا

للمشاركه ارجو كتابه مايلي علي الايميل المرسل لنا :

1- عنوان الميل تصنيف البوستات الخاصه بك التي تريد ان تشارك بها ادبي – اجتماعي – سياسي
او انك لاتريد تصنيف بوستاتك يكتب اسم مدونتك ولكن يفضل التصنيف لسهوله الفرز و التحديد

2-بياناتك الشخصيه في الميل هكذا :
*الاسم :------- * هل ترغب في نشره (نعم / لا )-----
*الاسم المستعار: ------
*اسم المدونة : -----
*عنوان المدونه :www -----
*الايميل الشخصي : ------
*رقم الموبايل :-----(يفضل لسهوله الوصول اليك مع التاكيد علي سره البيانات وعدم تدوالها)
*تليفون ارضي : ---------
*تاريخ الميلاد: ------
*نعم اوافق علي النشر----
*اهم نقطه : لينكات البوستات المختاره مع كتابتها ضروري جدا لا تكتفي بوضع اللينكات فقط ارجو كتابتها
---------------------------------------------------------------
هنا ايميلات باقي الفريق وهما
احمد المهني
ahmed_mahana_me@yahoo.com
احمد البوهي
ahmed.elbohy@yahoo.com
ايناس لطفي mailto:enas_lotfy_4@hotmail.com
عنوان الجروب علي الفيس بوك

ان اردت الاستفسار عن اي شيء يرجوا المراسله وكتابه كلمه استفسار في عنوان الميل
ليرد عليك اعضاء المجموعه
وللعلم فقد تم تقليص المده المفتوحه للعدد الاولفاخر وقت لتلقى الاعمال للنشر بالعدد الاول هو 22/4/2008 اى فى خلال 4ايام واى عمل بعد تلك الفتره يرحل للعدد الثانى وما بعده ---------------------
وفي النهايه ادعو كل مدون مصري ان يثق في كلماته و يشارك معنا في ان تخرج افكاره وكلماته في كتاب مطبوع ويساهم معنا في نشر الفكره ودعواه الاخرين للمشاركه معنا
مع تمنياتي بالتوفيق دائما
تحياتي

هناك 22 تعليقًا:

shaimaa samir يقول...

دار نشر اكتب
دارجد محترمة
واستاذ يحيى
من الناس
اللى بجد
عايزة تساعد الشباب

ربنا يوفق الجميع

الطائر الحزين يقول...

وفقكم الله واعانكم

واللى مش عارف ايه عنده يستحق النشر يعمل ايه


اعانكم الله وبالتوفيق ان شاء الله

تحياتى

حامد يقول...

فكره جميله .. وإن كان هناك بانر دعائى أو ما شابه ذلك سأضعه بمدونتى مشاركه منى لكم ..والله المستعان

شيماء الجيزى يقول...

طبعا انا متحمسه جدا
ومقتنعه جدا بالفكرة
واظن ان انا فعلا
سعيده بيها بشكل كبير
اظنك انتى عارفه كده
تحياتى لاحمد مهنى واحمد البوهى
وليك يا ايناس يا جميلة

ويارب الفكرة تتعم بشكل دولى على الاقل فى الوطن العربى

تحياتى لكِ

دنــــيــــــا مـحـيـرانـي(ده حالي اما اسمي ايناس لطفي يقول...

حلمنا هايتحقق بيكوا يا اصدقائي

محمد عبد الغفار يقول...

الله المستعان بردو

أبو مروان يقول...

فكرة ممتازة وإن شاء هنشارك معاكم ونرسالكم

مع أني أعرف أن ما لدي لا يستحق

coca يقول...

فكره روعه عرفت عنها من شويه

وحقيقي فكره اكتر من روعه

في ناس كتير متعرفش حاجه عن المدونات ولا الانترنت

ووجود كتاب صغير يمكن يوصل الكلام احسن واكتر

انا هبعتلكوا ان شاء الله

بنت القمر يقول...

يعني نبعت علي انهي ميل تحديدا

WhItE HeArT يقول...

فكرة انا مش مصدق انها فعلا هتتحقق

رائع بجد

انا متحمس معاكم جدا

وبالفعل انا ارسلتلكم

تحياتي

يا مراكبي يقول...

أنا أكتر حاجة فرحتني هي الحماس والإيمان بالفكرة .. شيء بجد نادر في الشباب المصري في آخر كام سنة

ربنا يوفقكم جميعا ويجعلكم دايما نواة لطموحات وآمال أكبر من كده كمان

محمد الجرايحى يقول...

الأخت الفاضلة : دنيا
السلام عليكم ورحمة الله وبركاته
أحييك على هذه الفكرة الطيبة والأكثر من رائعة
وأشكر كل القائمين عليها والمشاركين بها
كما أشكرلك دعوتك الكريمة لى للمشاركة معكم وأدعو الله تعالى أن أكون عند حسن الظن
وإن شاء الله أرسل لك تدويناتى
وفقكم الله إلى مافيه الخير والصلاح
أخوك
محمد

دنــــيــــــا مـحـيـرانـي(ده حالي اما اسمي ايناس لطفي يقول...

ان شاء الله هاننجح مادام انتو معانا ومتحمسين زين للفكره و اهم شيء تدعوا لنا بالتوفيق و النجاح يا رب

Rainbow يقول...

ربنا يوفقكم جميعا و كل حد يشارك تكون مشاركته من احلى المشاركات

جني يقول...
أزال المؤلف هذا التعليق.
جني يقول...

الأخت إيناس
السلام عليكم
لقد تم الإرسال بالفعل على إيميل البوهي .. ولكن للاسف لا استطيع إرسال كل البينات المطلوبة في الوقت الحالي .. وياليت يكون هناك رد على الإرسال ..
تحياتي
said

Ahmed Al-Sabbagh يقول...

ربنا يوفقك يا ايناس يارب انتى مهنى والبوهى

وبحد يحيى هاشم ده انسان محترم


تحياتى ليكى

احمد

غني يابهيه يقول...

اول زياره
واتمنى تكونى فاكرانى يا ايناس

واشكرك ومعاكى الأحمدين
وطبعا استاذ يحي ودور النشر

واتمنى اكون فى العدد الأول بعد ما ارسلت بياناتى الى احمد البوهى
وياريت لو فى جديد تردى عليا

bos bos يقول...

يارب الحلم يتحقق ونشوفه قدامنا وفى ايدينا ياااااااااااااااااااارب

تحياتى لكى وبالتوفيق ان شاء الله

أحمد منتصر يقول...

معرفش ليه حترحلوا أعمال للعدد التاني؟ ما تقعدوا مدة كافية براحتكم وتمخمخوا كده عشان العدد الأول يطلع مستواه زي الفل

Sally يقول...

ازيك يا أنوس
التحديث ده بجد جرعة تفائل جامدة جدااااااا

يا مسهل يارب

دمتى بخير اختى انتِ ورفاق الكفاح

سالى

دنــــيــــــا مـحـيـرانـي(ده حالي اما اسمي ايناس لطفي يقول...

دعائكوا معانا يا جماعه ربنا يسهل ان شاء الله