٢٥‏/٨‏/٢٠٠٨

مواقع تغطيه الحفله




الحفله كانت جميله جداااااا برغم ان عددها اقل من الحفل الاول ولكن المشاعر الفياضه التي راينها وشعرنا بيها بيننا كانت كفيله ان تغطي علي اي شيء سلبي كان موجود المكان كان واسع ويطل علي النيل في منظر رائع الشكل والاحساس ناس كتير كانوا موجودين اتعرفت علي ناس محترمه جدا واتجددت اللقاءت مع ناس اخري اكن لها كل الحب والاحترام وعلي المستو الشخصي اسعدني بشده تعرفي علي
ابو المدونين
ابو خالد ووجدت نفسي اخاطبه بكلمه بابا بشكل
تلقائي غريب لاني شعرت بالفعل انه ابي العزيز
وتعرفت علي مدوني المفضل واول من ش
جعني علي التدوين من خلال قراءتي له ولافكاره المحترمه والجاده
شريف عبد العزيز صاحب مدونه العداله للجميع

وناس اخرون اشكر تواجدهم معانا في هذا اليوم الجميل لا اريد ان انسي احد فالذاكره في النازل لاسف ولكني احب ان اقول انني سعدت بكل مدون تعرفت عليه في هذا الجمع الجميل وكل مدون لم اتعرف عليه فهذا سوء حظ من عندي
اتمني الكتاب ينال رضاءكم واتمني كل من لديه نقد ان يرسل لنا فانتم ترمومتر هذه التجربه الجميله
مدونين اصدقاء غطوا الحفله بشكل مفصل وافضل مني في سرد احداثها
مدونه انا وصاحبي و مدونه رحايا العمر ومدونه رقصني يا جدع و مدونه الشاعر
ومدونه قلب مصري مدونه احمد الصباغ
ومدونه دكتور حر ومدونه احمد فياض
مدونه بنت القمر

--------------------------
عزيزي احمد البوهي كنت الحاضر الغائب في الحفله وشعرت انك معانا
برغم بعد المسافات
يارب نكون قدرنا نحافظ علي حلمك يارب

هناك ٢١ تعليقًا:

خالد كامل يقول...

ياااااااااه و كمان لينك المدونة بتاعتى عند حضرتك ؟؟؟
دا انا كدة عديت خلاص
بعد كدة اللى يعوز يكلمنى يبقى ياخد معاد من السكرتيرة
هههههههههههههههههههههههه
ٌعلى فكرة أنا كمان اتعرفت على مدونى المفضل و اللى شعجعنى على الكتابة علشان كان نفسى أبقى زيه
اللى هو استاذ أشرف توفيق
بصراحة الحفلة كانت تحفة
و على فكرة انا قررت انى مفوتش ولا حفل توقيع للكتاب ... سواء نازلى فيه حاجة أو لأ
و كفاية ان الواحد يقعد مع كل الناس الجميلة دى

Ahmed Kamal يقول...

يا إيناس إنت كنت نجمة الحفل ، مبروك لنا جميعا ، و عقبال كل مرة إن شاء الله ، بس أنا لي عند مدونات مصرية للجيب كلمة :)

ِِAdem El-Mahdy يقول...

ياريتنى كنت معاكوا

فعلا اليوم دا كان شاق بالنسبالى جداا

خير ملخوقة فى العدد الثالث
وبس

محمد عبد الغفار يقول...

مبروك ومن نجاح لنجاح بإذن الله

مـحـمـد مـفـيـد يقول...

الاخت ايناس
كما قلت لكي
تشرفت بأن أكون أحد المكرمين بأسم مجموعه ايناء مصر
وانتم تستحقوا كل الخير با رك الله لكم
بالنسبه لكلمه البوهي
فوالله انا اتكلمت كويس الي ان جاءت كلمتي عن البوهي فكنت مش مجمع وعمال اتلجلج واجيب كلمه من الشرق وكلمه من الغرب
البوهي يستحق التقدير
وانتي يا ايناس
تحيه لوفاءك

محمد فاروق الشاذلى يقول...

أستاذة إيناس
أرجو أن تتقبلى شكرى العميق على المجهود الذى شاركتم به لإخراج الحفل بهذه الصورة وإخراج الكتاب بهذا الشكل والمضمون الرائع.

بذلتم جميعا مجهود فوق الوصف والشكر أقل كثيراً مما تستحقون.

mohammed alsha3r يقول...

زى ما قلت للواد الصباغ

ام العروسه

انتى بقى واحمد كنتوا شايلين الليله

ربنا يوفقكم

ويوفقك الجميع

والي الامام ولنجاح يتبعه نجاح

كان يوم جميل مع انى روحت البيت الساعه 3

دمتم بخير حال

!!! عارفة ... مش عارف ليه يقول...

بالتوفيق دائماً يا إيناس
ومن نجاح إلى نجاح

تحياتي
وليد

دنـيـا محيراني(ايناس لطفي يقول...

عزيزي خالد
والله انا حسيت انك اخوي الصغير
يارب تبقي موجودمعانا في كل حفله ان شاء الله
----------------
احمد كمال
انت يا فندم بهدوئك وابتسامتك الصافيه سر تالقك مبروك لك يا فندم
----------------
ادم
معلشي المره اللي جايه تبقي موجود ان شاء الله
-----------------------
محمد عبدالغفار
شرفتنا وسعدتنا بوجودك معانا يا محمد
ربنا يكرمك دائما
---------------
محمد مفيد
اخي العزيز بالفعل والله يا محمد انت دائما بتشجعنا وبتدفعنا لامام ربنا يكرمك وانا حسيت بيك اوي لما ابتدت تتكلم عن البوهي بس هانعمل ايه دنيا
ربنا يوفقه وشكرا لك دائما
------------------
قلب مصري
شكرا لك يا عزيزي حظي سيء انني لم اتعرف عليك اكيد ان شاء الله في الحفله القادمه
--------------
محمد الشاعر
يا عزيزي ازي تكون في الحفله ولا اسلم عليك بجد انا زعلت كنت عايز اتعرف عليك يا فندم معلشي في الحفله القادمه ان شاء الله وشكرا كتير علي الصور الحلوه الي خدتها لي حسستني اني مهمه
هههههه شكرا لك
-------------
وليد
شكرا لك يا صديقي كنت اتمني وجودك بس انا عارفه انك بره مصر يارب الحفله اللي جايه تكون موجود
تحياتي

غير معرف يقول...

كان نفسى احضر

بس ان شاء الله تكون تانى مره من الالاف المرات


ربنا يكرمكم

وميض ابتسامة يقول...

عزيزتى ايناس

يارب مزيد من النجاح .. فقد كان هذا ثمرة جهودكم وتشجيعكم للمواهب المتعددة .. وبصراحة انا وصلت الحفل متأخر ولكن سعدت بلقاء المرموق احمد كمال ..و المتألقة بنت القمر .. ولم يسعنى الحظ فى التعرف عليك ...
مرة أخرى الف مبروك ودائما فى مزيد من النجاح

جنّي يقول...

مبارك وعقبال العدد الثالث ان شاء الله .. وجمعكم الله دائما في الخير ..

للأسف منعتني ظروفي من الحضور

كل سنة وانتي طيبة

(احمد سكر ) يقول...

ايناس لطفى

سعدت جدا بالتعرف عليكى

وسعدت اكثر بتوقيعك على كتابى

كل سنه وانتى طيبه

تحياتى

احمد سكر

harmless يقول...

ما اجمل ان تتحقق الامال وتكبر الاحلام وتعرف الامانى الطريق الى الواقع

دائما ما اتخيل ان اجمل تجمعات هى التجمعات الفكريه واجمل صداقات هى صداقات العقول والافكار

واحيانا اصدم من وجود من يخافون الفكر ويتوجسون شرا من الاراء ويطاردون اصحاب الكلمات

حفظكم الله

جنّي يقول...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

دنـيـا محيراني(ايناس لطفي يقول...

وميض ابتسامه
الحفله القادمه ان شاء الله نتعرف علي حضرتك ونتشرف بيك وشكرا اوي علي تشجيعك المستمر لنا - تحياتي
--------------
جني
شكرا لك اخي العزيز وكل عام وانت دائما بخير
--------------
احمد سكر
سعدت بالتعرف عليك واجمل ما في الحفله انها جعلتني اتعرف علي ناس محترمه زيك
شكرا لك
------------
هارمليس
صديقي الغائب من فتره
وانا الاخري اشاركك الراي اتمني الحفله القادمه ان تكون معانا ان شاء الله
تحياتي

دكتور حر يقول...

فضل من الله ونعمة


مبروك لينا كلنا


والى الامام كل يوم ان شاء الله



كل سنه وانتي طيبه

محمد فكري يقول...

أختي الكبيرة...أستاذة إيناس
.........................
بجد من الناس اللي احترمتهم جداً..ولمحت أد إيه بيحملوا فكر وثقافة
........................
أما بالنسبة لحفل التوقيع..فـ بجد كان رائع
كفاية المشاعر الأخوية المتبادلة بين كل الحضور..
وإن شجرة العدد الأول وإصرارنا على النحاج..طرح لينا العدد التاني..اللي بلا شك..يعرفنا..إن مصر مليانة بالمبدعين والمثقفين..خصوصاً من جيل الشباب اللي اتهامات كتير بتقول ان كله..مش مهم عنده إلا إيه نوع موبايله وإيه اخر تسريحة شعر..
.................
ان شاء الله من عدد لعدد هانغير المفهوم ده..والعالم العربي كله هايحترم المدون المصري المثقف :)
...................
شكراً..على كل شيء..
...........
محمد فكري
...........

!!! عارفة ... مش عارف ليه يقول...

كل عام وأنتم بخير

اللهم تقبل منا صيامنا وقيامنا وركوعنا وسجودنا

رمضان كريم
وليد

أبو خالد يقول...

أبنتي الغالية ايناس
بارك الله في عمرك و جزاك الله عني خيرا
الشعور متبادل شعرت أنك أبنتي بحميمية
ربنا يبارك في أعمالك رغم تعبك و أنشغالك كنتي حاضرة مع الجميع فإلي المزيد و المزيد من النجاح
بوركتي و جزيتي الجنة بمشيئة الله

ibn_abdel_aziz يقول...

اشكرك يا ايناس على المجهود
انتي شعلة نشاط بجد
واشكرك علي ترحيبك بيا واكرامك ليا
مش عارف اقوللك ايه

وبعدين ايه حكاية مدونك المفضل
دي :)

الناس حتصدق اني بعرف اكتب بلاش مبالغة الله يكرمك

ان شاء الله نشوفك قريبا