2‏/5‏/2009

قررت اكتب كل يوم


عايزه اكتب كل يوم حتي لو هاكتب شخبطه لخبطه بهدله
عايزه احس بقيمه القلم من تاني في ايدي
عايزه احس بالافكار وهي بتخرج مني علي الورق زي السيل
عايزه اخرج كل حاجه جوايا حلوه وحشه المهم تخرج
عايزه احس اني قويه بكلمتي حتي لو كل حاجه جوايا ضعيفه
عايزه احس اني لسه قادره اتكلم واقول من غير خوف من غير كسوف من غير هم يركبني ويقيد قلمي وعقلي
عايز احس اني مازالت احيء بكلماتي
عايزه ادرب نفسي علي كده يمكن اقدر في يوم اكون شيء كبير
عارفه ان العمر بيعدي والسن بيكبر بس عندي امل
امل في بكره لابس نظاره سوداء بس امل جوايا وبيكبر يوم عن يوم بيمسك خيوط الحلم ويحاول يجمعها في لوحه كبيره
مافيش حاجه ظاهره او بتقول انه ممكن بس ليه لا حتي ان لم يتحقق الحلم والامل
يكفيني انني اتنفس كلماتي
يكفيني ان امسك الكلام ليجتاز قيود عقلي لينطلق عبر السطور
يكفيني ان اري كلماتي وهي تتراقص في الفضاء بعد ان اطلقت سراحها
يكفيني انها تتنافس الحريه تشم رائحه الانطلاق بعيدا عن عقلي
انا قررت قرار خطير جدا ومش عارفه هاقدر عليه ولا
قررت اني اكتب كل يوم

هناك 4 تعليقات:

مـحـمـد مـفـيـد يقول...

دوسي علي كل هذه الهواجس وتحرري منها
وانطلقي بقلمك وعبري عما يجول في خاطرك

ابن المليونير يقول...

أنصحك بحجز كورس عند نوارة نجم (رويتر الشرق) ، هتلاقى نفسك مش بتكتبى كل يوم لكن كل ساعة :)

دنـيـا محيراني(ايناس لطفي يقول...

ربنا يسهل يا جماعه واقدر التزام بهذا القرار الجامد

الست فرويد يقول...

اكتبى
ولا يهمك
فكى قيود روحك
متعة الوجود فى حرية اروحنا حتى لو لحظات على ورق