خلي عندك صوت ---خلي عندك امل

من النهاره كل واحد يقدر يطلع بطاقه انتخابيه دون التقيد بتاريخ او مهله فقد صدر

قرارا اداريا بخصوص إلزام وزارة الداخلية بفتح الباب لاستصدار البطاقات الانتخابية طوال العام لكن لاسف كانت الصحف تعلن عن ذلك في استحياء وتواضع غريب كانها عايزه تقول ماتاخدوش في بالكوا

لكن لوسمحت خد بالك ايوه انت وانا وهو وهي لازم ناخد بالنا ان ده حقنا الطبيعي اننا نملك صوت انتخابي بطاقه انتخابيه

الحق في الاختيار لو كلنا اتفقنا ان لنا الحق في ده ويجب التمسك به ويجب الادلاء به سنجبر اي حد الا يزور الا يجبرنا علي ما لا نرضاه

كثير من الاراء اليأسه تقول مافيش فائده ---اللي عايزينه هايعمله

طيب نمشي خطوه خطوه طلع بطاقه الاول ديه هي الخطوه الاولي ان تشعر ان لك صوت

ان لك كيان

ان لك حق الاختيار

احساس كله بالامل في بكره

الامل في التغير

الامل في التعبير

حتي لو مافيش فائده واللي عايزينه هايعمله اصواتنا هي اللي تمنعهم اصواتنا هي اللي هاتوقف اي غش او تزوير

تخيل معي لو 30 مليون مصري قال رايه صح وراح انتخب ببطاقته مش ممكن 30 مليون اراده هاتتزور

بس الاول نحرك الاعداد ديه لاستخراج البطاقات

كل واحد ايجابي طلع بطاقه يحاول يقنع علي الاقل 5 افراد يعرفهم انهم يستخرجوا بطاقتهم تخيل لو كل واحد قدر ياثر في 5 بس

اكيد هانجيب الرقم ده

ممكن اكون بحلم زياده عن اللزوم لكني مؤمنه ان اي حلم بعيد كانت بدايته فكره وتنفيذ اول خطواته

الان كل واحد يقدر يطلع بطاقته في اي وقت

مواليد 92 ل 82 حسب قانون الانتخابات الحالي من حقهم التوجه لقسم الشرطة التابعين له حسب شهادة الميلاد واستلام بطائقهم لانهم مدرجين في القوائم تلقائيا

احلم انك هاتقدر تغير حالك وحال بلدك صدقني ليه لا مافيش حاجه بعيده وكل شيء ممكن

بس ابدا بالخطوه الاولي وخلي عندك صوت

وشارك معنا وشجع الناس اللي حواليك

خلي عندك امل

خلي عندك صوت انتخابي