30‏/7‏/2007

عيب عليك يا راجل






كنت في جلسه مع بعض الاصحاب يجتمعوا بين الحين و الاخر و كان فيهم زوج و احده صاحبتي
ست محترمه جدا الراجل ده انا مش بصدقه في كل حاجه بيقولها او بيعملها تقدر تقول

انه الاي جوه مش زي الاي ظاهر منه يمكن عشان عامل مظاهر الملتزم المتدين من تربيه ذقنه

الي الكلمات المرتبطه بالالتزام و افكاره المتدينه الاي يحب يقولها دائما و يربط بيها أي شيء بيتكلم فيه
و برغم كده بيصدر منه بعض الافكار و الافعال تحس انه بعيد خالص عن الجو الاي عامله ده قدمنا و قدم مراته طبعا।

انا ملاحظه كده استنوا هاكشفه دلوقتي بس ضيقي منه بيزيد اوي لما بفتكر انه بيشتغل

في منصب خطير جدا من وجهه نظري و شغلنتوه ده لازم يكون فيه

صادق مع نفسه و عقله و افكاره عشان الناس الاي متعلقه في رقبته بحكم معاملاته معهم
المهم مش هي ده القضيه القضيه ان في ناس كتير يحبوا يعبروا عن فكره جواهم بس مكسوفين خائفين يقولها بصدق فيحورها بشكل تاني وياسلام بقي لما يكون الغلاف باسم الدين و الهدف يكون هو الاصلاح و المساعده في حل المشاكل المجتمع و الكلام الكبير ده
ما تحكي بقي يا بينتي صدعتي دماغنا
حاضر انا جيه في الكلام اهو الحديث دار بينا كده :
احد الازواج : و الله انا شايف مادام الراجل قادر ماديا انه يتجوز تاني يتجوز
هو بقي فصيح اللسان: لا لا انا مش من راي حضرتك الجواز التاني لازم يكون له هدف


و مبرر مش مجرد انك عندك فلوس و تقدر تصرف
انا و نويه عن كشفه: حضرتك تقصد ايه
هو : احنا في مجتمع اسلامي و لازم يكون لنا هدف انساني اصلاحي اسلامي
بحت في الموضوع ده
(نا في نفسي: ابتدنا في الكلام الكبير يبقي نوي يشتغلنا ماشي خليني معاه للاخر)
هو : اليوم احنا بنواجه مشكله حقيقيه في العنوسه و البنات الاي مش عارفه تتجوز احنا عندنا 9 مليون واحده عانس
انا و بحاول امسك نفسي : حضرتك ممكن تقول 18 مليون فتاه و راجل عوانس
هو يكمل من غير ما يدي كلامي اهتمام يعني هواء مش مهم :
عشان كده انا شايف ان الرجاله المتجوزه لازم يكون لها دور في حل المشكله ده يعني فيها ايه
لما الواحد يتجوز بنيه وهدف اصلاحي و يكون ايجايبي في حل المشكله د
ه
انا بنظر لمراته اشوف رد فعلها لقيتها بتبص له و وشها احمرررر
هو بيكمل المحاضره : مش كده و بس ده كمان نيتنتنا تكون بهدف ستر عرض اخت مسلمه
انا في نفسي يا سلا م م م)م )
هو : ده بقي غير الثواب الاي هياخده الراجل و مراته الاوله انهم هايدخلوا السعاده و البهجه


علي اخت مسلمه لازم يا جماعه تكون ده نيتنا عشان نحاول نساهم في حل المشكله ده
انا في نفسي : اصل خلاص انت صلحت كل شيء و فاضل ده)ه )
هو : غير بقي يا جماعه ده سنه عن الرسول صلي الله و عليه و سلم و الصحابه كمان


عملوا كده كل صحابي كان متزوج علي الاقل اتنين
انا في نفسي : افتي ي ي ما هو ده الاي ناقص)ص )
اتننح عشان نوي اكشفه فعلا
انا: يعني حضرتك اذا تزوجت هاتكون بسبب الاي حاجات ده كلها الاي قلتها و تاخد ثواب الفتاه و اهلها بس صح
هو : طبعا هو في اسباب تانيه غير كده
انا في خبث : تمام تمام طب ايه راي حضرتك انا عندي فكره افضل ة هاخليك تاخد الثواب مرتين
هو ينظر متسائلا متفاجا من كلامي : ازي يعني؟
انا : حضرتك بتشغل منصب مهم يعني ممكن تساعدني في انشاء جميعه تكون متخصصه في مساعده الشباب الاي عايزه تجوز و احنا بقي نساعدهم الاي عايز فلوس الاي ممكن نساهم في شراء عفش او شقه و مادام حضرتك قادر تدفع و معك فلوس ممكن نختار شباب في بدايه جوزهم و نعطيهم مبلغ شهري كمساهمه منا لصرف الشهري علي اسرتهم ما انت لما تتجوز هاتصرف طب بقي الاي هاتصرفه علي واحده اعطيه لتانين و بكده حضرتك هادخل البهجه سعاده علي قلبين مش قلب واحد و تاخد الثواب علي اتنين مش واحد و هاتحل مشكله العنوسه لاتنين مش واحد ايه راي حضرتك نبتدي امتي تنفيذ المشروع؟؟؟
لم اجد غيرالصمت الرهيب منه و احمرار وجهه والاي قاعدين بيبصولو مستنين رده
طبعا لازم يخرج من الموقف ده
هو في ضيق واضح : فكره حلوه اوي يا مدام حضرتك ممكن تكلمني في مكتبي بكره


و نحاول نعمل الموضوع ده مع اني شايفه صعب شويه
انا مستنكره : صعب ليه اكيد غي رجاله كتير زي حضرتك عايزين يساهموا في مشكله العنوسه
هو و محاوله لتغير الموضوع : اه طبعا طبعا بس حضرتك بتعرفي تفكري كويس زوجه
حضرتك ست هائله
زوجي يبتسم لي ابتسامه اعرف معناها اني اخف بقي
اوزع ابتساماتي علي زوجي و الراجل و مراته المسكينه
طبعا اكيد هايجي في بال كتير من الاي هايقراء الكلام ده اني بناقش قضيه العنوسه و الزواج الثاني و انا ضده


لا لا لالا لا لا
مش ده الموضوع الموضوع الاي اقصده
ليه ناس محترمه و كبيره في السن و المقام و المنصب يطرون للكذب ويكونوا ازدواجين
ويقوموا برسم نفسهم انهم اصلاحين و يحملون اهداف ساميه و نبيله لحل المشاكل و هم مش كده

و بيستخبوه وراء اقنعه مزيفه عشان ما يظهروش نواياهم الحقيقه و يكبروا الموضيع
و يحلولها علي انها مشاكل كبيره
و هما بقي الاي هايحلوها بس برضوه باهوائهم الشخصيه
الراجل ده عايز يتجوز تاني طب ماتجوز و تقول كده ده حقك انت حر بس ليه الحكاوي و الكلام الكبير اوي ده

يعني لو غيرت في كلامك و خبيت الاسباب الحقيقه الاي خلتك عايز تتجوز مراتك هاترضي يعني
ناس غريبه و نماذج بشريه اغرب
بس بقي عرفت بعد كده من صاحبيتي انهم في اليوم ده اتخانقوا اوي و جوزها مش طايق يسمع سيرتي و الله انا ماكنش قصدي يتخانقوا انا كان قصدي افاوقه و اقوله عيب كده خليك صادق
مع نفسك ومع الناس الاي حواليك و بلاش تعيش في دور مش لايق عليك
عيب يا راجل

هناك 28 تعليقًا:

sendbad يقول...

عجبتني قوي فكرة الهجوم الجوي والبحري اللي عملتيه علي الراجل علي العموم في ناس كتير قوي من النوعية دي دنيا الاقنعة كلنا لابسين اقنعة وبنعيش بروحين نادر لما تلاقي حد صادق مع نفسه ومع الناس في وقت واحد انما في الاخر لا يصح الا الصحيح
تحياتي

مدونة كسبان يقول...

ربط وبلورة الدين بالأهواء الشخصية والمطامع السياسية
والتستر وراء الدين بالرغم من سوء النوايا الداخلية
هو بالفعل اخطر أمراض العصر

كسبان

Mohamed Hamdy يقول...

موضوع جميل كالعادة .. بس انا مش ضد الرجل كانسان بيظهر عكس ما يبطن .. انا ضد اى كائن بيعمل كدة .. حتى دودة الحلزون الى بتشبه البيئه الى بتعيش فيها عشان محدش يشوفها بتستفزنى !!

تحياتى ليكى

EGYPT EYES يقول...

عجبني اوي البوست فعلا أحنا عايشين في زمن الأقنعه وأقدم الأقنعه في التاريخ هو القناع الديني يمكن من خلاله تبرير الكثير والكثير واللهم لا أعتراض

shams يقول...

انا بقى ما غظنيش في الموضوع كله انه بيكدب اكتر من انه متستر في الدين
لان في ناس بتتخدع تحت ستار الدين

ابو مفراح يقول...

يبدوا ان دقت المركب فى اتجاه الرياح دائما .... اخشى من انقلابها فتغرق

الطائر الحزين يقول...

السلام عليكم ورحمة الله

بداية ارفض كلمة عامل مظاهر الملتزم من تربية ذقنة والكلمات المرتبطة بالالتزام
وكأن هذا السلوك اذا صدر من اى شخص يكون عادى جدا ومقبول منه وكأن هذا الشخص خلق من من شىء أخر غير الطين

استاذة فى النهاسة كلنا بشر متساوون وليس معنى ان هناك شخص ملتحى انه لا يخطىء
يعنى هضرب لحضرتك مثال

لو تعرض أحد منا لمنظران شخص ملتحى بيشرب سيجارة وأخر غير ملتحى يحضن فتاه فى الشارع اعتقد ان النظر سيذهب لهذا الشخص المفترض به الالتزام وهو الملتحى ولا ننظر للأخر لمجرد أن هذا السلوك متوقع منه

اما عن الموضوع الأصلى
ايه اللى خلى الرجل يلف ويدور علشان يقول على موضوع الزواج من اخرى اللى خلاه يعمل كدة ان الموضوع اصبح غير طبيعى وغير مقبول من المجتمع و الناس فهو لازم يمهد المجتمع اللى حوله الاول ويشوف رد فعلهم قبل ما يقدم على الحلال المرفوض هذه هى القضية والله أعلم

ملحوظة انا لا اعرف نواياه طبعا لكن هذا هو الحال كما اراه

تحياتى

شـــــهــــروزة يقول...

بس سؤال للأخ اللى هو اتنين فى بعض اللى بتحكى عنه دة

وقت ماهو بيمارس حقه الشرعى
ودة اسمه كدة لأنى مقدرش ألأقول حاجة تانية علشان الرقابة

وقت ما بيمارسه مع البنت اللى أحسن عليها وسترها

هل هو فكر فيها نفسيا اذا كانت اتجوزته تحصيل حاصل والسلام ورضا بالأمر الواقع؟؟ ولاّ عن حب واقتناع وايمان منها بأنه زوج مناسب وصالح لها؟؟؟؟؟؟؟؟

لو كان حضرته مقتدر ومية مية كدة ويبتغى وجة الله
ما يساعد شاب غير قادر على الزواج أحسن من اللفة دى
وأهو يبقا أرضى الله وبنى دعامة فى المجتمع

وأهوعلى رأيك
تتحل مشكلة 18مليون عانس رجالى وحريمى

ونقى الشباب شر المحرمات والمتعة الحرام الرخيصة

وأهو كله من زكاةالمال طالما مقتدر اوى كدة وقدر يفتح بيتين وتلاتة

ولا هو الاسلام بس عبايته واسعةأوى لما نيجى نقيفها على مقاسنا وبس؟؟؟؟؟؟؟؟؟؟؟؟؟

ناس تنقط

معلش يا عزيزتى
كلمتين كانوامحشورين فى زورى

رينـــــــــــا يقول...

السلام عليكم
عزيزتى
سعيدة انى اول مرة ازور فيها البلوج بتاعك الاقى الموضوع دا انتى كتباه
بس خلينى اتناقش معاكى فى شويه حاجات

معلش اسمحيلى اسالك ايه اللى خلاكى تتأكدى بالشكل دا ان الرجل دا بيمثل وبيتستر وراء الدين؟؟
ايه يعنى المظاهر السلوكيه اللى ظهرت منه خلتك متأكدة اوى انه بيلف ويدور لمجرد انه عايز يتجوز؟؟؟

احنا مشكلتنا يا عزيزتى
ان اللى بياخد مظهر ملتزم ان كان لحيه او نقاب بيكون تحت ميكرسكووووووووووووووب
اتصرف ازاى بيبص فين اتنحنح لمين معذرة يعنى
كأنه الكائن الملائكى اللى نزل على الارض ومش المفروض يغلط ابدا

ان افترضنا ان الرجل مش جدير الجدارة الكافيه اللى يطلق عليها ملتزم
ليه منقولش مثلا انه بيجتهد انه يوصل لدا
وان البدايه انه التحى وبدأ يغير سلوكه فى الكلام وواحدة واحدة يوصل لدرجه ايمانيه تخليه جدير انه ميغلطش رغم ان دا مش ممكن واستحاله يحصل لانه مش ملاك

يا عزيزتى الملتزميييييييييييين بشر عاديين جدا
بيغلطوا غلطات
اى حد فى الدنيا زينا زيهم


بسجل اعتراضى على فرض سوء النيه المتناهى ان الراجل بيمثل
احنا لينا الظاهر زى ما ربنا أمرنا
الباطن دا بتاع ربنا وبس
هو ادرى بيه
وهو الوحيد اللى يحاسب عليه


ومش معنى كلامى ان مفيش حد مش بيعمل كدا وبيتستر وراء الدين لا فى ...وفى كتير ...بس دول بيبانوا فى حاله الاحتكاك المباشر بيهم لفترة طويله
بيبان ان كان فعلا ملتزم والا واحد بيقول قال الله وقال الرسول وهو بيعمل بلاوى متلتله...ومش معنى كدا بردوا انه معصوووووم تماما ...اكيد هيغلط ..حتى ولو غلط كبير

احنا بس محتاجين نعيد حسابتنا وتفكيرنا ووجهه نظرنا فى نظرتنا للملتزمين

بالنسبه بئا لفكرتك طبعا فكرتك اصح جدا
لان احنا بدل ما هنعف واحدة بس
احنا هنعف اتنين مسلم ومسلمه
وهنساعد فى بناء اسرة مسمله
رغم انى الاول كنت مقتنعه بنفس فكره
بس لما سمعت كذا راى فى الموضوع ارتاحت اكتر ان اللى يقدر يفتح بيت يساعد فى عفه مسلم ومسلمه افضل

سعيدة اوى انى جيب
واوعى تزعلى خالص من كلامى
انا بس بقول رأى

دنــــيــــــا مـحـيـرنـي يقول...

سندباد
الناس بقوا كتير اوي الاي لبسين الاقنعه ربنا لا يجعلنا منهم
----------------------------------
كسبان
صدقت فعلا اخطر امراض العصر
-----------------------------------
محمد حمدي
و انا كذلك يا اخي
----------------------------------
ايجيبت ايز
الموضوع ده فعلا من زمن و اكيد هايكون في كتير حتي في المستقبل
-----------------------------------
shams
ما هو ده اكتر شيء برضه استفزني
-----------------------------------
ابو مفراح
شرفتني بوجودك عندي و تعليق

دنــــيــــــا مـحـيـرنـي يقول...

استاذي العزيز الطائر الحزين
انا هارد من خلال نقطتين
اولا الكل يتوقع من الانسان الملتزم الالتزام الحقيقي و بعيد خالص عن الاعمال الخاطئه التي يقعوا فيها مش معني كلامي انه لا يخطا بالطبع يخطا فهو بشر و لكن لازم يضع في باله انه قدوه و مثل اعلي لكل من يريد ان يكون ملتزم مثله فلا يصح ان يكون ملتزم و يستمر في نفس افعال الخطا للناس العاديه و التي لا تقبل من متدين يعرف الدين و يعرف الحلال و الحرام لانه كده مافيش حد هايصدق تدينه مثلا انا انظر للبنت المنتقبه انها فوق السما عشان قدريت و جهادت نفسها ان تكون كذلك ووصلت لدرجه تدين جامده جدا و لكن عندما ارارها تفعل خطاء و لا تعترف به و تستمر فيه هايكون رد فعلي انها مش كانت الاي بالي و انا ظنت خطا فيها مش معني كلامي تاني انهم فوق الاخطاء و لكن خطا غن خطا يفرق جدا
اما النقطه الثانيه
تمهيد ايه يا استاذي يعني النتيجه هاتفرق الزواج الثاني هو حلال و حق للرجل في استعماله و الست ايضاء لها الحق في قبول الاستمرار معه اما لا فالزواج الثاني حلال و عدم الاستمرار في الزواج ايضاء حلال
و هافترض مع حضرتك ان نيته كما ذكر الاتعتقد معي ان هناك حلول احسن و انفع لهذه المشكله و كما ذكرت انه سيتر عانس و عائنسه الهذا افضل
سيدي الكذب و اللف و الدوران مش المفروض يكون في شخص ملتزم
و التستر وراء افكار اصلاحيه يوهمنا بيها برضه مش المفروض يكون في شخص ملتزم
شكرا لرايك القدير و اسفه لاطاله
بس شكل حضرتك كده انك مأيد افكاره و لا انا بيتخيلي غير كده

دنــــيــــــا مـحـيـرنـي يقول...

شهروزه حبيبتي
كلامك يدخل الدماغ علي الطول موافق جدا جدا

دنــــيــــــا مـحـيـرنـي يقول...

رينا اولا اهلا و سهلا اول مره تعلقي عندي بجد انا مبسوطه جدا
ثانيا انا لا ازعل ابدا من اي راي يخالف راي بالعكس فانا اجده نور لي الجانب الاخر من الراي لان من الممكن جدا يحمل الكثير من الكلام الصحيح و اغير راي اليه فالحق واجب الرجوع له دائما
ثالثا : بالنسبه لرايك اقول لك
كما رديت علي الطائر الحزين الملتزم بالنسبه لي هو قدوه و احب ان اكون مثله فكيف له ان يخطا اخطاء المفروض لا تقع من ملتزم هو طبعا بشر و بيخطات بس هو لما اختار طريق الالتزام لازم يعرف انه تحت الميكرسكوب فعلا بس مش بهدف ايقاعه اكتر منه الهدف ان اكون مثله و فعلا زي ما قلتي يمكن بيحاول يجاهد ربنا معاه و معنا
و الله يا بنتي مافيش سوء نيه و لا حاجه بس انا كنت بشوف رد فعله اه و ده فعلا ظهر غير الكلام و اتهرب و كمان انا كان نفسي فعلا اعمل موضوع الجمعيه ده وهو اول واحد طنيش و كبر دماغه تقديري تسمي الكلام ده ايه انه فعلا عايز يتجوز بس مش بسبب الاهداف الاي قالها لانه فعلا لو عايز يستر عرض شخص طب ما انت عندك الفرصه تستر عرضين بعيد عن الجمعيه و فكرتها كل واحد فينا في عائلتهاو وسطه ناس فعلا نفسها تتجوز و تتستر رجال و فتيات طب ليه لا نساعدهم هي ده الفكره لا اقل
و انت موافقني عليه
و علي العموم فعلا النوايا ده بتاعت ربنا - ربنا يجعلنا من اصحاب النوايا السليمه و الصحيحه
و اخيرايا جميل انتي اكلمي و طولي زي ما انت عايزه كلامك في مدونتي شرفني
تحياتي يا قمر

مصراوي أوي يقول...

يا تري يا دنيا انتي اللي كلمتيني ع الشات بوكس عندي؟؟؟؟؟

يا ريت تأكدي لي انك انتي

لان حد حط الرابط بتاع موضوعك

وحد تاني باسمك بيقولي اني عامل زي الراجل ده اللي انتي كاتبة عنه

يا ريت تعرفيني؟؟؟؟؟انتي؟والا لا؟

عصفور المدينة يقول...

السلام عليكم
الحمد لله وصلى الله وسلم وبارك على عبده ورسوله محمد وعلى آله وصحبه أجمعين
بداية أوعي تزعلي من تعليقي وانت قلت أنك لا يغضبك مخالفة رأيك
تحليلك لشخصية الرجل يفتقد للتسلسل المنطقي ومن قبل مثل هذا التحليل وسلم بهذا الافتراض ربما لأنه يسقط هذه الشخصية على شخصية يعرفها مثلا لكن سياق الكلام لا يثبت بأي حال من الأحوال الافتراضات إلا إذا كنت حضرتك تعلمين سلوكيات أخرى عنه يقينا أنه يتستر بالدين وأنه يقول ملا يفعل كما قالت رينا انه يوجد هذا الصنف وكل الأصناف

حاسس من البداية انك هجمت عليه جدا بناء على هذا الافتراض
لا أريد أن أتكلم عن الأحكام المتعلقة بتعدد الزوجات وربما يعلم البعض رأيي
الموجود عند بينو
http://3yooon.blogspot.com/2007/04/blog-post_22.html

ولكني أتكلم عن جزئية أن أي إنسان يكون له نية صالحة أو يتحدث عن نية صالحة في عمل هو مباح أصلا إذا كانت حالته من النوع المباح
يدفعنا ذلك إلى التشكيك في دوافعه وأنه لا يقصد في باطنه ما عبر عنه هذا في حد ذاته خطأ مطلوب أن نتجنبه
مطلوب أن نتجنب تجريح النوايا حيث أن ذلك سيسقط كثيرا من الفرائض الشرعية مثلا مثل الصدقة العلنية
وتخيلي لو كان المنهج ده مطرد في الناس لسقطت الكثير من الشرائع

بخصوص موضوع التعدد نفسه ولأني احتجت كثيرا أن أشير إلى تدوينات بينو سوف أجمع خلاصة المناقشات عندي وخاصة أنني مثلا شاهدت حالات من الناس قاموا بما اقترحته أنت وجهز فتاة وأخرى وثالثة وعاشرة ويريد ان يتزوج وتعترض زوجته ماذا تقولين في هذه الحالة وهو أخ فاضل جدا
فإسقاط الأحكام بهذه الطريقة خطأ

نعم لو كان التسلسل أنني أعلم أنه لا يوافق تصرفاته كلامه من أدلة سابقة في هذه الحالة نقول أنه لا يقصد هنا الخير بل يقصد الشهوة ونرجع ساعتها إلى حكم الشهوة هل هي شهوة محرمة مثلا هل هو سيخل بواجبات شرعية إلخ تلك التفاصيل

للتلخيص
ما أعترض عليه هو هذا السياق
الراجل وحش وبالتالي كل كلامه نيته فيه سيئة
وتكررت كلمة أن نويت تكشفيه خالص
ليس هذا دفاعا عنه ولا عن تعدد الزوجات لأن مناقشته حالة بحالتها ولكن هذا دفاع عن المنطق
دمت من غير زعل

رينـــــــــــا يقول...

السلام عليكم
ربنا يكرمك يارب
وسعيدة لتقبلك روح النقاش يا جميله
هو انا تقريبا معرفتش اوصل وجهه نظرى صح اوى
بس استاذ عصفور قال بالظبط اللى انا عايزة اقوله
تقبلى تحياتى يا قمر

david santos يقول...

Esta é a cara do homem.

This are da face the man.

Tha man is bad.

O homem é mau.

Thank you for your work and have a good day

فاروتا المصرى يقول...

هو ده الكلام
اه نسيت اقول السلام
السلام عليكم
هو ده فعلا التفكير الصحيح يعكمملوا جمعيه ويزوجوا الشباب التعبان
والغلبان ده
لانه قنبله موقوته
تحياتى للجميع
والحريه لعبد الجواد

شــــمـس الديـن يقول...

هي المشكلة ان اغليب الناس بيمشي بسياسة الكيل بمكيالين و ياخدو منالدين اللي عايزينة و يسيبوا اللي عليهم ...

و من ضمن القضايا دي موضوع الزواج الثاتي و قيسي علي ذلك اغلب الاشياء

نوع من النفاق الاجتماعي مع الرغبة في ان كل شئ يفعل حتي لو النية مكانتش كويس انه يبقي قانوني ...و الحكومة صراحة هي اللي علمتنا كدا لما خلت البلطجة بتاعة الشرطة تبقي دستورية ...فمحدش يعتب علي الناس دي ... دا نتاج طبيعي للسياسة العامة للدولة

مصراوي أوي يقول...

لا يا ديا لأ

لا مالكيشي حق

يا شيخة دانا افتكرت حد بيشتغلني لما لقيت حد حاططلي الرابط رحت قريت عن واحد انتي كاتبه عنه ونازله سلخ ونقد لهذا الرجل

تقومي تقوليلي انا زي الراجل ده؟؟؟ليه بس كده يا دنيا

حد موصلك عني فكرة غلط واللا حاجة:)

دا انا غلباااااااااااان:)

الحلم العربي يقول...

على فكرة أنا أؤيدالراجل ده في ان تفكيرك جميل ...ههههههههه
بس أؤيده في النقطة دي بس
أما الباقى .....

فعلا النماذج دي بتكون فتنة للى حواليها لأنها بتاخد الدين بالمظهر و الناس بتفتكر ان هو ده الدين .... ربنا يرحمنا جميعا من الذين يقولون ما لا يعملون و يسلمنا من ذلك ...آمين

تحياتي

الطائر الحزين يقول...

السلام عليكم
حضرتك قلتى انا مؤيد افكارة
من اى ناحية حضرتك تقصدى من ناحية الزواج باكثر من واحدة ام انه عاوز يتجوز بس خايف من رد الفعل وعمال بيلف ويدور

انا مش مؤيد ولا حاجة انا بعلق على المكتوب

بارك الله فيك على سعة صدرك وتقبلك للنقاش
طبعا باشمهندس عصفور ضرب امثلة واضحة الله يكرمه
اوعى تزعلى

كراكيب عادل يقول...

دانتي ركنتي الراجل في الكورنر وهاتك يا غسيل انا لو بدالة كنت خدت مراتي وعلي برة

ههههههههههههه

الاقنعة بقت كتيييييييييير

ربنا يهدي

المصباح المنير يقول...

الأخت الفاضلة : دنيا
السلام عليكم ورحمة الله وبركاته
الانسان الذى اختار الالتزام طريقاً ومنهاجاً لابد أن يعلم أن الآخرين سينظرون له بمنظار مختلف ويدقق ويحاسب وأن أفعاله ستكون دائماً إما له أو عليه وهذه هى للأسف نظرة المجتمع للإنسان الملتزم
أفعاله دائماً تحت المنظار

سيدتى أشكرلك مناقشتك الدائمة للأمور المتعلقة بحياتنا بجدية

تقديرى واحترامى

حسن ارابيسك يقول...

نيا محيرني
الأول أحي فيكي إختيارك للموضوع
ثانياً أحي فيكي طريقة تناوله
ثالثا بصرف النظر عن صدق الحدس عندك تجاه هذا الرجل أو لا
أنا اتحاور معك من خلال لُب الموضوع فقط
وهو مرض إرتداء الأقنعه وتغييرها من الحين للأخر تغييرها حسب المكان وحسب الزمن
أي أصبحت الحكمة بعد التحديث تقول
لكل حادثة قناع ولكل قناع حديث
وللأسف أن إرتداء الأقنعه هو ليس بمرض عادي ولكنه وباء أصاب الشعوب العربية جمعاء فالشعوب لدينا في المنطقة العربية تربت على عدم الفحص عن شخصيتها وعدم الجراءة في البوح بما تشعر به تجاه نفسها وتجاه الأخرين ويرجع الفضل في ذلك في نشئتنا الأسرية وجميع مراحل التعليم لديناكلها نشأة خاطئة وعادات وتقاليد بالية تربينا عليها فالابن لايستطيع البوح بما يشعر به ويفضله لأبويه كذلك الطالب لايستطيع ان يختلف مع معلمه كذلك المرؤوس مع رئيسه في العمل فالكل يرتدي أقنعته في مناسباته المختلفة
فلكل منا دولابه الخاص باقنعته يرتديها ويغيرها مثلما يغير ملابسة الخارجية حسب المكان والزمان والمشكلة ان الكل يمارس لعبة الأقنعه والكل مقتنع انه ليس بمفرده وانها لعبة يشترك الجميع فيها ولا يستطيع التخلي عنها
وقليل من يتحلى بالجراءة في زماننا هذا ويرفض لعبة الأقنعه وليكن ما يكون شاء الأخرون أن يتفقوا معه أو يختلفوا
المهم أنه يمتلك دائما الراحة والانسجام بينه وبين وجهه الحقيقي بينه وبين مبادئه فما بداخله وخارجه هما وجهان لعملة واحدة لفرق بينمها
فالمبدأ واحد والوجه واحد وحقيقي

ibn_abdel_aziz يقول...

الموضوع ده بالذات لية راي فيه غالبا مش حيعجب لا الرجالة ولا الستات
حبقي اقوله لما أفوق من اللي انا فيه دلوقتي

جزاكم الله خيرا علي المرور عندي :)
سعدت جدا والله

ومتنسانيش من صالح دعائك

دنــــيــــــا مـحـيـرنـي يقول...

استاذي العزيز عصفور المدينه انت قلت في الاخر بتتناقش بامنطق و انا اري منطقك الدفاع علي طول الخط لهذا النموذج حتي افكاره استشعر موافقتك عليها هذا حقك قد اكون مخطئه في تصوري عن هذا الشخص يمكن و قد تفديني كلماتك في اعاده النظر لهذا الشخص لكن اتمني ان تتفق معي ان الاختباء وراء افكار اخري و تزينها بلاصلاح لاخفاء السبب الاصلي هو خداع و كذب و محاوله رسم شيء غير حقيقي هذا الانسان يريد ان يتزوج تاني و اتكلم في الموضوع ده كتير و لما لاقي مافيش استجابه حوره بطريقه تانيه بطريقه يضرب عصفورين بحجر واحد يبين انه يريد الاصلاح و يوجد اسباب تانيه لغرضه
قد لا توافق علي راي و هذا حقك
و قد اختلف مع رايك حقي
و لكني ساظل احترام رايك و اقدره و ارجع له دائما
تحياتي يا استاذي
--------------------------------
قارونا المصري
اولا نورت مدونتي بزيارتك لي
ثانيا اشكرك يا اخي في تضمانك معي
---------------------------------
شموسه حبيبتي
اخيرا رجعت ناني و منورني دائما بكلامك
و الله معكي حق السياسه و الحكومه هم السبب في كل شيء بس برضه الموضوع يرجع اساسا للشخصيه و الشخصيات ده بقوا كتير اوي ي
-----------------------------------
يا مصراوي انا بضحك معك معقوله يعني انت تكون زيه مش ممكن
---------------------------------
الحلم العربي
شكرا يا اخي انك مقتنع اني بفكر كويس
و عندك حق طبعا ربنا يهديهم و يهدينا معهم
--------------------------------
الطائر الحزين انا لا استطيع ان ازعل من اي راي يخالفني بذات اذا كان من حضرتك
---------------------------------
كراكيب عادل
فعلا مشكله انهم بقوا كتير ربنا يهدي
--------------------------------
اعزك الله اخي العزيز محمد الجرايحي
--------------------------------
حسن ارابيسك
اؤيدك في كل كلمه قولتها سلم قلمك الصادق
--------------------------------
ابن عبد العزيز
طب عايزين نعرف رايك الاي مش هايعجب حد ربنا يوفق في الاي انت فيه

غير معرف يقول...

في البداية السلام عليكم يا اختي
بصراحة انا هذي اول مرة اٌرى فيها مدونة وعلى فكرة ما كنت اعرف إنو في شي اسمه مدونة في النت لللأسف وانا ما عرفت إلا لما تابعت قناة 4 شباب
المهم تعليقي ع الموضوع بصراحة أحس حلوة طريقة الأسلوب في ايقاع الشخص وبعدين بس بصراحة أنا لما أواجه شخص زي كده ما اوقعه في الفخ بس ارحمه أحسه مسكين ما هو قادر يعبر عن افكاره
ممكن البعض يقول إنو كذاب وهذا رجال بوجهين بس كمان من الممكن نكون نحن غلطانين في الحكم على الشخص " إن بعض الظن إثم وكثير البشر يوقعوا في مثل هالظن وما ندري اش المقصد الرئيسي خلف الموضوع " بس الظاهر إنو الرجل كان ما يبغى إنو يجرح مشاعر زوجته فاستخدم اسلوب راقي وبصراحة اسلوبه جدا رائع لأنه أكيد هو ما تكلم بهذا الكلام وجاب طاري الزواج إلا وهو حاط في راسه سالفة الزوجة التانية والرجال لما يحط في باله شي خلاااااااااص راح يكون مصر إنو يسوي هالشي فاتوقع طريقته كانت احسن من إنه يتزوج على زوجته وبدون ما يهديها ويوضح لها الفكرة من البداية ويصدمها ويفجعها فهذه طريقة أحسن <<<<<هذا كان مجرد تعليقي على قصة زواج الرجل بالذات
أما من جهة إنه لب و خلاصة الموضوع اللي حبيتي يا اختي توصليها لنا من خلال هالقصة إنه هو كذب واستخدم الدين حجة وبرهان ليبعد الصفة عن نفسه فهذا راجع لنفسه ويكون بطريقة استخدامه هذا الأسلوب لا يظن ويحسب الناس ماهي عارفة وعلى باله راح يضحك على الناس فهذا طبعا وأكيد راح يكون غلطااااااااان لأنها مفهومة واللي يكذب في البداية يكون هو عم يكذب على نفسه
وشكرا يا عسل تقبلي تعليقي ومع إني أطلتها عليكي شوي مع تحياتي "من السعودية"