٢٤‏/١‏/٢٠٠٨

اسئلة تدعوللنقاش و الحوار

هذه الصوره للباحث الاعلامي الفلسطيني سعيد ابو معلا اخذها لفتاه صغيره
ذات 5سنوات
من علي شاطيء الشاطبي باسكندرية
و تقدم بها في مسابقة التصوير الفوتغرافي في ساقية الصاوي ففوجيء عند الاطلاع
علي النتيجة ورؤيته لوجود صورته من ضمن800صورة المعروضه
ان المسئولين عن تقيم الصور قد قاموا باستبعاد صورته
لخوف ادارة الساقية ان يفهم من الصوره اتجاه نحو اهانه الحجاب
وللعلم انها الوحيدة المستبعدة
هنا الخبر و كثير من المدونات و المنتديات اهتمت بهذا الموضوع
اريد ان أسل بعض الاسئله
ومن حق كل واحد منا ان يجيب عليها او يتكلم كما يريد بصوره عامه علي الموضوع
فالهدف من الاجابة علي الاسئلة أنها ستوضح رؤيتك ووجهه نظرك في الموضوع
و بالطبع رأئي ووجهه نظري ستتضح في الرد علي التعليقات و لكن لنكن صادقين مع انفسنا
الموضوع ليس بحدث و لكنه يقوم باثارة بعض التفكير و الرؤية الحقيقه لافكارنا و اعتقادتنا
و اليكم الاسئله هي :


1ما هو اول رد فعل اتيء لك بعد رؤيتك للصوره؟

2هل ادارة الساقيه صائبه في قرارها؟
وهل تعتقد ان الخوف كان احساسها وهم ياخذون هذا القرار؟
وهل اصبحت الجهات التي ترعي الطاقات الابداعيه الفنيه في بلدنا مصابه بحاله من التخوف والتردد؟
ولو كنت مكانهم كنت ستقوم بنفس الاستبعاد للصوره؟

3
لو كانت نشرت ماذا كنت تتوقع من ردود فعل ام انها مثلها مثل اي صوره؟

4هل تعتقد انها مسئيه او تحمل اي صورة من صور التميز لاي فكر
مثل الحجاب او الحريه او طفوله ألانثي او اي فكره اخري تدور في راسك
او تراها تشمل اي طرف من اطراف الموضوع؟


5هل تستحق مثل هذه الاشياء التي تحدث بصور اكبر و اكثر في مجتمعنا ان نقف امامها
و ناخذ موقف بالاجايبه او السالبيه حسب ما تراه انت ورؤيتك الشخصيه؟


6لولك ابنة او اخت طفله تلزمها بالحجاب وهي في مثل هذا السن وارجو الاجابه بالادله
لمعرفه ممين يجهل وانا ممن يجهل مثلهم هل الحجاب مفروض في هذا السن؟؟؟

7هل تستشعر بحالة من الترصد لاي عمل فني في مجتمعنا ؟

يمكنك ان تشعر انني اعطت للموضوع اكبر من حجمه و لكني وجدتها فرصة مستحقه
لمناقشه موضوع و ظاهره في مجتمعنا من رفض اشياء والخوف منها و التردد في عرضها
او حتي التكلم فيها
موضوع يحمل الكثير من الافكار و المعتقدات و اشياء وارده علينا ومشاعر سالبيه و ايجابيه
تستحق النقاش
فهدفي
ليس معاداه الفتاه الصغيره التي ترتدي الحجاب فمن يريد ارتداءه
يامرحبا صغيره او كبيره ومن لا ترتديه اكن لها كل الاحترام لاختيارها
فالله هو من سيحاسب و ليس انا
ورفضي او قبولي للسلوك معين لا يقلل ابدا من احترامي لاختيارات الانسان
فكما احب حريتي احبها لغيري
انالا اقصد الدفاع عن نفسي فانا ليس في وضع اتهام و لكنه توضيح هدفي و افكاري ليس الا
فانا لا احب ان اخوض معارك حواريه للتحياز للرايي بل هو فرصه مستحقه للنقاش و الحوار
حتي تتضح لنا الي اين تسير بنا عقولنا والي اين تسير بنا حريتنا
فبافكارنا و حورانا من الممكن ان نغير و نتغير لافضل
-----------------------------------------------------------------
ملحوظه
قراءت ان سعيد ابو معلا انشيء جروب علي الفيس بوك للمساندته في حملته بسبب
ما تعرض من ظلم من وجهه نظره عندما تم استبعاد صورته من المسابقه ارجو من يجد هذا
الجروب ان يضع لي اللنك الخاص به لاني فاشله في التعامل مع الفيس بوك
----------------------------------------------------------
كلمتي الأخيرة
كل ما اريد ان اكتب كلمه استبعاد اجدني اكتب كلمه استعباد
فاقوم بمسحها و اكتب الكلمه المقصوده
فهل يوجد ترابط في عقلي الباطن بين المعنينين
ام هو خطا لغوي بحت مني
حقيقة لا اعلم؟؟؟؟؟؟؟؟؟؟؟؟؟

هناك ٢٨ تعليقًا:

الطائر الحزين يقول...

1ما هو اول رد فعل اتيء لك بعد رؤيتك للصوره؟
عادى فتاه صغيرة تلعب
2هل ادارة الساقيه صائبه في قرارها؟
لا الامر عادى فتاه تلعب
وهل تعتقد ان الخوف كان احساسها وهم ياخذون هذا القرار؟
انا فعلا شايف الموضوع عادى ولا يدعو الى الخوف خوف من من؟؟؟
وهل اصبحت الجهات التي ترعي الطاقات الابداعيه الفنيه في بلدنا مصابه بحاله من التخوف والتردد؟
ولو كنت مكانهم كنت ستقوم بنفس الاستبعاد للصوره؟
ياليت الدولة ترعى ما هو أهم من الفن
لا لم استبعدها
3لو كانت نشرت ماذا كنت تتوقع من ردود فعل ام انها مثلها مثل اي صوره؟
شىء عادى لكن سيكون من وراءها جدل

4هل تعتقد انها مسئيه او تحمل اي صورة من صور التميز لاي فكر
مثل الحجاب او الحريه او طفوله ألانثي او اي فكره اخري تدور في راسك
او تراها تشمل اي طرف من اطراف الموضوع؟
ولا كل هذا
لكن اعيننا تعودت على صورة معينة توارثناها
لكن لو كانت هذه هى الصورة الطبيعية للطفله ما كان حدث شىء

5هل تستحق مثل هذه الاشياء التي تحدث بصور اكبر و اكثر في مجتمعنا ان نقف امامها
و ناخذ موقف بالاجايبه او السالبيه حسب ما تراه انت ورؤيتك الشخصيه؟
اى أشياء؟؟؟ هذا الامر عادى جدا

6لولك ابنة او اخت طفله تلزمها بالحجاب وهي في مثل هذا السن وارجو الاجابه بالادله
لمعرفه ممين يجهل وانا ممن يجهل مثلهم هل الحجاب مفروض في هذا السن؟؟؟

عندى صورة لابنتى فى سن ثلاث سنوات ولابسة حجاب وتقرأ قرآن هل معنى ذلك أنى الزمتها بالحجاب
الذى يلزم بالحجاب هو الله وحدد التوقيت الذى يتم به فرض الحجاب()
من قال ان معنى الصورة أنها تدل على فرضية الحجاب فى هذا السن!!!!!!

7هل تستشعر بحالة من الترصد لاي عمل فني في مجتمعنا ؟
مليش فى الفن

موجة يقول...

الصورة برضه فيها كلام كتير
حتى لو عايز يقول فيها ان فيه محجبات مش ملتزمات فالموضوع ما يباقاش كده
و باوجه لاي حد السؤال ده
هل في حد يرضى انه واحدة قريبته تكون صاحبة الصورة دي
ده معلش تعدي على الحقوق الشخصية المدنية لهذه البنت بانتهاك حرمتها وتصويرها في وضع لاترضى ان ينتشر بهذا الشكل
شكرا
خالص تحياتي
احمد

Abdelrahman Ellithy يقول...

انت مدعو للكتابة في مدونة كل العرب
مشروع الجريدة العربية الموحدة
تكمن فكرة هذه المدونة لجمع اكبر قدر من المدونين العرب واقدرهم وافصلهم لكي يكتبو في مكان واحد
ذلك للحصول في النهاية على مدونة اشبه بالجريدة العربية تناقش القضا ياالعربية وخلافات العرب حيث ان كل الطوائف والبلاد مدعوة للكتابة
وقد تكون نقطة انطلاق للتفاهم والنقاش حول القضايا العربية المختلفة وتقابل وجهات النظر

للمشاركة ارسل ايميلك (بريدك الالكتروني) في تعليق على هذا المقال وسوف تتلقى دعوة للكتابة في هذه المدونة

مزايا الكتابة هنا :
للكاتب :
1- عدد اكبر من القراء
2- تحسين نتايج البحث لعناوين المقالات
3- انت كاتب وفي نفس الوقت قارئ تقرأ ما يكتبه كبار المدونين العرب
4- شهرة اكبر .. ودائما اقول ان في الاتحاد قوة وهذا هو اتحاد المدونين العرب

للقارئ :
1- القراءة للمدونين الكبار تحت صفحة واحدة
2- تجميع المدونات وجعلها مث ل جريدة الكترونية
3- سهولة الوصول للمقالات المرادة

شروط الكتابة (لن يتم التعديل لو مسح اي مقال ):
1- عدم الاساءة للاديان السماوية
2- عدم نشر مقال من اجل ربح المال او التنفع المادي ولكن الشروحات مقبولة ومرحب بها
3- عدم كتابة كلام خارج او الفاظ اباحية
4- الكتابة باللغة العربية

الفكرة تتلخص في ان كل مدون له حق الكتابة فقط بارسال ايميله في تعليق على هذه المدونة
اذا كانت لك مدونتك الخاصة فلا مانع من نسخ مقالاتك الهامة والتي تراها ترقى كي تكون في الجريدة العربية الالكترونية او مدونة كل العرب

وانا شخصيا ساكتب في مواضيع مختلفة وساهتم بتحقيق افضل نتائج للبحث والحصول على اكبر قدر من الزوار حتى تصل مقالاتك لاكبر عدد من القراء
كما ان تجمع المدونين سيجيئ بقراء اكثر وهكذا

برجاء ارسل لنا بريدك الالكتروني كي تستطيع الكتابة في هذه المدونة
ادعو الله ان تكون هذه المدونة ملفتة لنظر القراء ومحط انظار الراي العام العربي
مشروع الجريدة العربية الموحدة

والله ولي التوفيق

mohand يقول...

السلام عليكم

اعتقد ان وجهه نظرك واضحة وضوح الشمس يا دنيا

بدون رد علي التعليقات

----------------
معلش كلامي لموجة

المصور مش عايز يبين صورة مسيشة للمحجبات
لان دي طفلة اساسا

هو بيقول ان الحجاب ليه يكون في السن ده
بدليل ان البنت مش فاهمه يعني ايه حجاب ولابساه
ورافعة الجلباب لفوق
يعني لابساه دون فهم واقتناع

اعتقد ان ده مقصدة

تحياتي

يا مراكبي يقول...

حد يبعت لي الصورة على الإيميل يا إخواننا .. الصورة مش باينة عندي .. محجوبة يعني .. حاسس إني مش فاهم بتتكلموا عن إيه

محمد عبد الغفار يقول...

1- افتكرت حدوته زمان كان والدى يحكيهالى عن واحده فلاحه اعده ادام دارهم فجه عليها راجل ووشها مكشوف فقالت يختى ده راجل ورفعت جلبابها حطى غطب به وجهها

2 - ادارة الساقيه حره

3- دافع الساقية تسأل هى عنه

4- اذا كانت لا تتفق مع سياق المعرض قد استبعدها اما غير ذلك فلا

5- اتوقع صيد الصوره من كل المعسكرين المتشدد الجاهل والمنحل الجاهل بردو

6- يتحدد هذا وفقاً للعنوان الذى وضع للصورة حيث ان النقد يكون للفكره التى اراد ابرازها ملتقط الصورة بصورته

7- ما المقصود بهذه الأشياءالتى تحدث؟؟ هل هو حجاب البنت الصغيره ام تصرفها ام التقاط الصوره ام منعها؟؟

8- الحجاب مفروض متى بلغت الفتاه الحيض ، ويجب على اهلها تعويدها وافهامها المرحله المقبله عليها ومقتضياتها قبلها بوقت كاف اللى عاوز ادله يرجع لكتب الفقه وارشح كتاب الفقه على المذاهب الأربعه لعبد الرحمن الجزيرى

9- لا

10- الترصد والتربص موجود بالفن والدين والمتدينين على حد سواء

9-

ibn_abdel_aziz يقول...

انا شخصيا شايف ان النية عند الشخص الذي منع وهو مالا نعرفه حتي يبوح به ولو باح به فلا يمكن أن نصدق أو نكذب

ساقية الصاوي تتصرف مثل سائر المؤسسات الان
عندما تشتعل الدنيا علي اي شئ بتهمة الاساءة للدين
ولذلك تفاديا لهذا قامت بمنع الصورة والسلام
انا عندي مشكلة في الثقافة من الاصل
ثقافة الصهاينة كما اسميها

ثقافة الصهاينة هي ثقافة عنصرية مؤسسة علي ادعاء ان اليهود مضطهدون من الازل ومن حقهم بلد في اسرائيل تكفيرا عن سيئات القرون وما تم صنيعهم به
ومن ثم استحداثهم لقوانين معاداة السامية ومساواتها بمعاداة اليهودية
والتلكيك كلما انتقد احدهم عدد الذين ماتوا علي يد هتلر مثلا في الحرب العالمية الثانية في محارق اليهود
او انتقاد اسرائيل كدولة ونظام يقوم بممارسات ظالمة ويتحول الي تهمة سب اديان

المسلمون مصابون بنفس الداء بل واشد
وهم يتصهينون وهم يرفضون مبدأ الصهيونية اساسا
يقاطعون دولة كاملة عشان مجلة جربانة نشرت كاريكاتورا عن النبي في صفحة اخيرة او متأخرة ثم تحول الامر الي جعل قيمة للمجلة والكاريكاتور وحدث ما حدث وتم مقاطعة دولة كاملة من افضل دول اوروبا في احتوائها للاجئين السياسيين اللي معظمهم عرب ومن افضل الدول في دعم القضية الفلسطينية

كان يمكن مقاطعة المجلة مش الدولة
وتحميل كل شئ حسب حجمه

الصورة عادية جدا بالنسبة لي
ورايت مثلها عدة مرات
عندما تكون امرأة مش طفلة محجبة وترفع فستانها بشكل كبير عشان تعرف تعدي ف مية او من فوق حاجة

ان يلقطها الرجل ولطفلة لعله اراد ان يبين التناقض الذي سوف تعيشه الفتاة في يوم من الايام
يوم تغطي ما هو اقل فتنة
وتكشف ما هو اعظم فتنة
واللي هو ظاهر في حجاب اليومين دول اللي اناشايفه لا حجاب ولا يحزنون

بالعكس هذا الرجل اسدي لنا صنيعا
ارانا الواقع في طفلة
انا لم افهم انها مقهورة
ولا انه اهانة
هو سجل لحظة ما
وترك الخيال للكل يفكر
منع الصورة هو منع لفرصة التفكير
ومنع الصورة منع لفرصة بداية حوار ونقاش حول ما تتضمنه
وفهم عقلية المصور نفسه

مش لازم كل ما نشوف حاجة مش عاجبانا نلغيها
نتكلم فيها وقد نغير اراءنا

الجدل الناجم حول الصورة مفيد جدا
بل ازعم انه لو اتيح لي ان اقول محاضرة عن الصورة لعرفت ان اطرق علي الاقل 3مواضيع رئيسية في المجتمع مهمة جدا
الصورة جيدة فكرة وليست ممتازة فنيا علي كل حال من وجهة نظري

بالنسبة لساقية الصاوي عموما
مسئوليها ليسوا علي قدر عالي من الكفاءة اصلا
ففيهم مشاكل قيادية وفنية لا بأس بها وهذا من التعامل الشخصي
مثل خلف المواعيد
والأسفنة
وعمل اتفاقات والغائها من طرف واحد
بمعني ان منعهم للصورة لا يدل بحال علي اي اخلاقيات لمن تعامل معهم شخصيا وعرف ان الموضوع فيه كثير من التسيب
وليس كل من في الادراة من هذا النوع
ولكن فيهم من يقول لك كلاما ويفعل ضده
وللاسف يؤثر سلبا في تعاملك معهم

والله اعلم

ابن رشد يقول...

اعتقد ان لسة لغاية الان لم نعرف سبب رفضهم اية هل هو على مقاييس فوتوغرافية لا نعرفها ام ماذا لم اتعود الحكم دون سماع الدفاع

عاشقة الوطن يقول...

السلام عليكم

ازيك يادنيا محيرانى

الموضوع مهم فعلا

هو يمكن الحجاب مش بحب انه يتفرض على الاطفال وهما لسه فى سن صغير
وكمان بحب جدا ان الاهالى تسيب اولادهم لما يقولوا من نفسهم هما اللى عاوزين يتحجبوا
مش نفرض عليهم

بس الصورة يمكن استبعدت عشان يمكن فيها تناقد بعض الشئ

تحياتى

غير معرف يقول...

الأخت الفاضلة: دنيا
السلام عليكم ورحمة الله وبركاته
أنا عندمارأيت الصورة أول وهلة شعرت بمدى براءة هذه الطفلة التى تصرفت بتلقائية وعفوية حسب مرحلتها السنية

وأكيد صاحب الصورة لديه فكرة أو وجهة نظر أراد التعبير عنها من هذه الصورة

ولاأظنه أراد السخرية من الحجاب أو المحجبات ..

ولكن فى الأجواء التى أصبحنا نعيشها فى هذا العصر أصبح دائماً سوء الظن هو الغالب وخاصة بعدما تعرض الحجاب لمعارك حامية من الرافضين له من التيار العلمانى..

وأعتقد أن لجنة التحكيم رأت غلق باب من الممكن أن تأتى منها رياح هم فى غنى عنها .. ولكن يبدو أن الباب لن ينغلق وستأتى من عواصف.

يا مراكبي يقول...

أولا . .أشكرك على إنك بعتيلي الصورة .. حقيقي أنا ما كنتش متخيل الموضوع كده خالص .. طبعا أنا شفت حالات كتير جدا زي كده .. بنلاقي فيه بنات كتير صغيرين محجبات أو لابسين عبايات بحكم التقاليد لكن لما بندخل ملاهي الأطفال بنلاقيهم بيتصرفوا بحكم سنهم بحرية دون الأخد في الإعتبار التقيد بالملابس دي ومع ذلك كل الناس بتبقى شايفه إن ده شيء طبيعي جدا جدا .. من المستحيل إننا بقول لبنت صغيرة (لم تبلغ الحلم) إنها ما تتنططش أو تركب الألعاب اللي فيها حركة .. يعني مش علشان البنت لابسه هدوم واحدة كبيرة تبقى تتضرف كإمرأة ناضجة كبيرة في السن

ثانيا .. أنا لسة مش عارف هل المصور اللي إلتقط الصورة دي كان قصدة إيه بالظبط؟ ياترى كان رأيه من رأيي اللي أنا كتبته فوق ده .. وألا كان قصدة حاجة تانية خاصة بحجاب البنات الصغيرة .. أو إن المحجبة ممكن تتصرف تصرف غير لائق مثلا؟ الله أعلم .. النقطة دي مش واضحة في البوست هنا وأنا ما عنديش علومات عنها

ثالثا .. نيجي بقى لموقف ساقية الصاوي .. أنا أرفض فرض الوصاية على الأفكار بالشكل ده شكلا وموضوعا .. واضح إن مجتمعاتنا بقت حساسة زيادة عن اللزوم بشكل رهيب لدرجة إن أي حد بقى بيحاول يكون فلتر للأفكار قبل ما تتبث من خلاله .. أكيد اللجنة حجبت الصورة دي بناء على فرض إحدى الخلفيات الخاصة بالحجاب اللي أنا قلتها فوق دي .. رغم إنه الصح إنه يسيب الحكم للجمهور ويخللي المصور يدافع عن النقد الموجه ليه إذا ده حصل أصلا .. لكن اللجنة فضلت تجنب القصة دي من الأساس وكأنها وصية علينا إيه اللي نشوفه وإيه اللي ما نشوفوش .. وبالتالي منعونا من النقد والتفكير وإعمال العقل وإثراء الحوار بيننا وبين الآخر أي كان هذا الآخر

مع خالص تحياتي

أحساس لسه حى...كلام من جوه روح لكل روح يقول...

عزيزتى
معلش ليه ملحوظه ليه مواضيع كتيرة بتنقشيها بيخش فيها الحجاب

عارفه انتى بتفكرينى لما يمسكوا واحدة منقبه منحرفة تلاقى ميت قلم ينتكلم ويحكى ونسين ان الف غيرها مش منقبات بينحرفوا
نخش فى الموضوع
شوفى المشكلة مش فى الصورة بس المشكلة هو يقصد ايه بيها
ونجاوب على الاسئلة كده
1-ناس بتشوف التدين بنظرة غبيه لالن الحجاب مش غطاء راس بس يا تتجب كويس يا بلاش

2-مش عارف صائبه ولا بصراحه بس يفضل كانوا سابوها بعدم عرضها خلاها تنتشر اكتر زى ماانتى عملتى طبعا

3-لو كانت نشرت مكنتيش عرضتيها

4-هى مسيئه للى بيقول الاسلام هو كده وتفكيره كده لاكن مش مسيئه للى فاهم الاسلام فرض ايه ولمين وفرضه ليه

5-بصراحه الحاجات دى متستحقش اى حاجه ولا نفكر فيها لانها مش شئ جماعى دى حالات فردية من افراد وكمان لما نلالقى واحده فى البحر ولبسه مايوه اقل من البكينى ونشرها حد مش معناه ان تفكير اهلها منحل ومتخلف برضوا

6-بصراحه لو لية ابنة هستنا شويه لحد ما الزمها بالحجاب بس قبلها هقولها ايه معنى الحجاب

7-مفيش ترصد لاى اعمال فنيه وفيه حاجات اكتر من الصورة بتتقال فى القنوات بس مش كل حاجه بيتوافق عليها ولا اى شئ بيترفض وكمان هو الترصد بس فى الاعمال الفنيه الترصد ده فى حاجات برضوا كتير سياسيا وده الاهم

انا شايف طبعا ان الموضوعات دى بتاخد اكبر من حجمها ومش عارف ليه التطرف فى التدين بيتهاجم اكتر من التطرف فى العرى

وسؤال ازاى رفضك او قبولك لسلوك لا يقلل من احترامك لانسان امال الاحترام يجى منين الا من سلوك الانسان

طولت وكفايه علشان فى تعليق لقيته ههدهولك ومستنى تعليقك عليه
سلام

أحساس لسه حى...كلام من جوه روح لكل روح يقول...

عزيزتى
حبيت اوضحلك حاجه لقيتها لقيت يا ستى ان موضوع حنان ترك والكافيه ناس كتير عملت عليه موضوعات يمكن تعدى موضوع العبارة لاهميته المهم ده الينك

http://fantasiarabic.blogspot.com/2008/01/blog-post_25.html

لاكن مش اللينك المهم الاهم التعليق ده بتاع شيما عجبنى جدا
سؤال واحد
ليه مبتتكلموش لما بينمنعوا المنقبات من دخول اماكن معينة والمحجبات
ابسطها نوادى الجيش

ليه مش بتعترضوا لما بيتم رفض محجبات فى شركات كتيرة و اولها شركات السياحة

ولا هو الالتزام دايما مرشوق بكلمات و مهاجمة و بس

و عامة ده جروب الكافية على الفيس بوك
http://www.facebook.com/group.php?gid=5666359886
و ده كلام حنان ترك فيه عن الشائعات


توضيح : إلى كل الصبايا
ظهرت في الفترة الأخيرة إشاعات كثيرة تسيء لي و لصبايا كافيه . و أنا عادتا لا ألتفت لهذة الكلمات و لكن طلب مني الكثير منكن التوضيح و الرد عليها من باب العلم
و أنا أقول أنا صبايا كافيه هو مكان لكل الصبايا مسلمات و مسيحيات و كل الأديان ز ولم و لن يمنع أحد من الدخول إلى الكافية . فهو ليس مسجد و لا دير بل هو كافيه و كوافير

هو مكان لقضاء وقت جميل لفترة زمنيه في مكان راقي يليق بالصبايا

حنان ترك
هتعملى بوست تقولى انك ظلمتى حنان ترك
تحياتى
سلام

دنـيـا محيراني(ايناس لطفي يقول...

الطائر الحزين
اجمل شيء ان ناخذ الامور ببساطه و ييسر حضرتك خدها كده كويس اوي
لكني اري الترصد في بلدنا بقي موجود لكل شيء في بلدنا من ضمنه الفن الاي حضرتك بتقول انك مالكش فيه امال الشعر يبقي مش نوع من انواع الفن؟؟؟ اتمني ان تجبني
تحياتي
---------------------
موجة
اظهرت فعلا نقطه تستحق النقاش هو مدي الحريه ومدي اقتحامنا للحريه الناس و الي اي مدي
شكرا لك
-------------------
الليثي
شكرا علي الدعوة وبس مش كنت تعلق الاول شكرا لك
----------------------
مهند
رايك واضح جدا لردك علي موجه
وموافق جدا علي رايك لانه من ضمن افكاري الاي اتكونت من رؤيتي للصوره
تحياتي
------------------------
محمد عبد الغفار
حضرتك حددت اطراف المشكله صح جدا
رايك يضع المشكله في مكانها الحقيقي وان المسئولية تقع علي اطراف عديده
تحياتي لارائك المحدده دائما
---------------------
العداله للجميع
عزيزي شريف انا بدعو كل المعلقين لقراة ردك و التمعن جيدا في كلماته و افكاره ردك يا شريف اجده بوست رائع علي الصوره كلماتك و تعليقك دائما تضيف وتثري مدونتي تحياتي لك
------------------------
شمس
انا كمان نفسي اعرف السبب بس الصمت هو حال الساقيه الي الان يارب يوضحوا موقفهم ووجهه نظرهم
شكرا لك
----------------------
عاشقة الوطن
وجهه نظر سليمه جدا
بس برضوا ليه يعملوا اوصايا علي عقولنا ما يسبوا الناس هي الاي تحكم
نورتني في اول زياره لك عندي
تحياتي
------------------------
محمد الجرايحي
رايك ووجهه نظرك تلامس نقط كثيره حقيقه في الموضوع و لكني اري ان حق الوصايا علي العقول لا تقبل
تحياتي لك
-----------------
مراكبي
انت حللت و اتكلمت بعقلي بظبط
شكرا جدا لك

دنـيـا محيراني(ايناس لطفي يقول...

عزيزي حسام هاعلق علي اول تعليق ليك
انا ليه ملحوظتين
اولا انا محجبه و ليس لاني كذلك عندما اجد ما يضايق الغير محجبات مش لازم اسكت اكلم عليهم وعلي من التميز الاي بيتفرض علينا
ثانيا
كمان انت فرضت اني مواضيعي كلها بتدور علي كده وده تقصير ر ر واضح منك في عدم قراه مدونتي جيدا لاني لم اتكلم عن اي شيء يمس الحجاب غير في موضعين بس الخاص بحنان ترك و البوست ده فياريت لا تلقي اتهامات غير صحيحه
عارف يا حسام انت بتفكريني بالواحد الاي بيعزم الناس علي الاكل و بدل ما يقلهم اتفضلوا كلوا يقول اتفضلو بالسم الهاري و طريقتك خد بالك مش هاتخلي ناس كتير تتناقش معك
بالنسبة لاجابتك لاسئله فهو ده الاي بيضعنا حيره فيك بتجوب زي اي واحد بيفكر كويس و يقول كلام صح امال بتتهم في الكلام في الاول ليه
اما بالنسبه لاحترامي للناس من خلال سلوكهك في حاجات الكل متفق عليها و في حاجات نختلف عليها في التفاصيل
يعني الغير محجبه لا يقلل احترامي لها المسيحيه لا يقلل احترامي لها
الاي لا احترمه هو القليل الادب ما يفعل اشياء مضره بناسه ونفسه
يعني في سلوك عام و سلوك خاص
وانا ماليش غير الاي امامي مش هادخل نوايا الناس و سلوك الانسان بيقبي واضح وضوح الشمس اتمني اكون وصلت وجهه نظري

دنـيـا محيراني(ايناس لطفي يقول...

بالنسبه بقي لتعليق التاني
ياسيدي ياعمي مين وضع في دماغك فكره اني لا ادافع عن الفتاة المحجبه يابني انا محجبه و عانيت الاف التميز ضد حجابي و اكيد هاياتي الودر عشان اتكلم فيه بس مش معني كده اني رايت شيء استفذني لا اتكلم عنه انا حره يا سيدي اتكلم علي الاي انا عايزها مش من حق حد يصادر علي راي او كلام الغير و مش حق حد يتهم حد بغير حق
ثانيا علي عيني و راسي راي حنان ترك علي الفيس بوك بس ياريت لو الكلام ده نزل في جريده او مجله او قناة فضائية ارسلس اللينك عشان اعتذرلها بس ما اعتقدش انك هاتلاقي حاجه و يارب تلاقي
عشان الفيس بوك ده شيء صغير و لا احد كثير يعرفه و لا يصدقه عشان ممكن جدنا حبايبها يكونوا هم الاي قالوه الكلام ده و ياريت ترجع لنص الرساله الالكتروانيه الاي ارسالتها للناس و كتبت بالنص لا دخول الفتيات الغير محجبات و المسيحيات مش جايبها من عندي ديه
ثالثا اكرر مره اخري تقصير واضح طبعا من حضرتك في عدم معرفتك بمدونتي جيدا انني لا اخشي الاعتذار عند الخطا و لتاكيد اتمني ترجع لمواضيعي السابقه
في اللينك دول عشان تتاكد انني لا اخشي الاعتذار عند الخطا و عندما تصدر حنان ترك كلام معروف في الجرائد و المجلات و الفضائيات او حتي مواقع علي النت معروفه صدقني لن اتردد في الاعتذار لها
لن لا احد له السلطه ان يجبرني للعتذر لاحد لم اخطيء فيه
اللنكات اهم
ده الموضوع الاساسي
http://3azatklm.blogspot.com/2007/07/blog-post_13.html اقطعوا الاعضاء الذكوريه لهذا الرجل

وده الاعتذار
http://3azatklm.blogspot.com/2007/09/blog-post_24.html اعتذار لابد منه

كلمه اخيره انا لا اخاف او اخشي شيء غير الله

MAKSOFA يقول...

1-- وجدتها طفله صغيره تلهو وتلعب علي الشاطيء ، وأرتداءها للحجاب له معني أخر من وجهه نظري أنها مولوده مسلمه بالفطره ، ربما لو كانت فتاه شابه لكنت وافقتهم علي هذا القرار بالمنع
2--لا أعتقد أن هذا القرار صائبا ولكن

في أعتقادي أن معظم المتشنجين في مثل تلك الأمور سيقولون أنها تسيء للحجاب والدين الأسلامي ، علشان كده الساقيه قالت الباب اللي يجي لك منه الريح سده وأستريح ، وطبعا ده أسلوب العاجز والمأنتخ
3--لو كانت نشرت ستواجه العديد من ردود الأفعال المتباينه مابين مؤيد ومعارض وهذا وضع طبيعي ،فالأمر الذي يحتد عليه النقاش بالطبع هو مؤثر وذو قيمه .
4-- فأعتقادي أنا ليست مسيئه علي الأطلاق فأنا لا أرى سوي براءه الطفوله
5--أعتقد نعم
6--لأ ، فاأبنتي في الجامعه وليست محجبه كما أنني في الأصل لا أرتدي الحجاب رغم أنني قمت بأداء مناسك الحج والعمره أكثر من مره
7--ربما لا أعلم لأنني أعيش في الخارج

دنـيـا محيراني(ايناس لطفي يقول...

شكرا يا مكسوفه علي ردك وجهه نظرك واضحه وضوح الشمس
تحياتي

احساس لسه حى يقول...

عزيزتى
انتى محجبه طيب هقولك حاجه
دائما اللى يوجع الالنسان الشئ اللى بيمسه ولا اللى بيمس غيره اكيد اللى بيمسه ده الطبيعى

اضطهاد المحجبات والمنقبات موجود فى امور كتيرة وحاجات اكبر من منعهم من كافيه لان ده موجود بس بشكل اكبر زى نوادى الجيش ومنع دخول المنقبات

هى دى المشكله لو لقيت اللى بيكتبوا الموضوع ده بيكتبوا عن اضطهاد الحجاب اقول كويس لاكن ناس ما تصدق اى شئ يمس الحجاب او تصرف من محجبه وتعملوا مهرجان ده اللى يضايق وايه المشكله كافيه اتمنعه احسن ما عمل اترفض بسبب حجابى

وعلى العموم اسف مش بقصد اهاجمك

شوفى موضوع الكافيه والرسالة الالكتروانيه دى برضوا صدقتيهم ليه هو بصماتها عليهم وموضوع روز يوسف انتى عارفه المجله دى ياما هاجمت الحجاب والمحجبات ولازم نميز بين مقال فى مجله وبين شئ معلن فى كذا جهه وقوليلى موضوع الكافيه دى ليه منزلش فى مواقع الاخبار كلها زى مصراوى مثلا لو صحيح

وباكدلك هى لو حتى كانت مش عاوزه الغير محجبات والمسحيات مش هتبعت رسايل على الاميلات كدهوانتى بتقولى جايبها من عندى بس انتى عارفتى منين واتاكدتى انه من عندها اساسا

شوفى الحقيقه هتبان اكيد قريب واكيد هستنا اشوف اعتذارك بس تفتكرى اللى مش هيعتذروا كانوا كاتبين الموضوع ليه

علشان اضطهاد المراه للمراه برضوا هسيبان بعد ما الحقيقه تكون اكثر وضوحا

تحياتى
سلام

دنـيـا محيراني(ايناس لطفي يقول...

عزيزي حسام
اعتقد انها لو خطاء وهي لا تقصد كانت قومت الدنيا و نفت الكلام ده و لكن ده لم يحدث هي تتمسك بالصمت لا تدافع و لا تنفي تبقي الاجابه و الصوره واضحهومش معني ان روزليوسف بتعارض المحجبات ان يكون الخبر غير صحيح و الدليل انه موجود في كذا موقع و اشهره العربيه علي ما اتذكر انا اقدر اتكلم عن نفسي لو حدثت و قرات في اماكن معروفه انها تكذب و الخبر و الطريقه اكيد هاعتذر انا املك الحمد لله شجاعة الاعتذار اما غيري لا اعلم نويهم او احساسهم بالخبر انا لقي نفسي و بس وزي ما تقول اكيد الحقيقه هتبان و انا مستنيها زيك
علي فكره انا مبسوطه انك ابتدات تغير حديتك وعنفك في الكلام اتمني فعلا كده عشان يستمر بينا حوار هادي عاقل بنسمع فيه بعض مش طرف واحد فقط
شكرا لك

أحساس لسه حى...كلام من جوه روح لكل روح يقول...

عزيزتى
فى اشياء بقدر اكون هادئ فيها

وفى اشياء تانية الهدوء فيها مش مطلوب ولازم نصرخ ونعلى صوتنا

ولو دخلتى تانى عند روز هيبان ان تهاون بعض الناس فى ابداء غضبهم عليها وعلى لوووف خلا لوووف الزباله ده يغلط تانى فى الاسلام

اظن حنان ترك معملتش كده فى اى دين
وبرضوا متزعليش لو ضيقتك بحدتى مرة

سلام

الطائر الحزين يقول...

اغفرى لى قصر نظرى وسوء فهمى

فقد حصرت الفن فى التصوير والتمثيل والدراما
بالفعل ماليش فيها فعلا

فى واحد قال

لو اردنا أن نكتب التاريخ ولم نجد سوى الافلام والمسلسلات هل تصلح لأن تسطر تاريخنا

تحياتى

دنـيـا محيراني(ايناس لطفي يقول...

الطائر الحزين شكرا جدا علي التوضيح
و اجابتي علي سؤالك او المقوله بالطبع لا من اراد ان يعرف التاريخ لا يعتمد كليا علي الدراما و التمثيل فكثيرا منهم لا يحمل كل حقيقه الامور و لكن لا يمنع انها تحمل بعض من الحقيقه فالدرما في منها ما يرسم حقائق الحياه و لكنها لا تمثل تاريخ ابدا
شكرا لك

EGYPT EYES يقول...

يعني مش شايف في الصوره اي اسائه بنوته صغيره بتلعب أيه هو لازم يبقى في أسقاط جنسي على المرأه حتى لو كان عمرها خمس سنوات دي حاجه تقرف
تحياتي دنيا

بسمه عبدالباسط يقول...

ليكى تاج عندى روحى خديه

دنـيـا محيراني(ايناس لطفي يقول...

عزيزي ايجيبت ايز
النظره ديه هي الاغلب في مجتمعنا العربي
وجهه نظرك واضحه شكرا لك
---------------
بوسي
هاروح علي طول و اخده

غير معرف يقول...
أزال المؤلف هذا التعليق.
غير معرف يقول...

يا صاحب الكلب
هل في الكلب عورة؟
أم أن في عينك الضباب؟
إني لا أرى محرقة
فمن ملكك العذاب؟
هل سئلت الموت؟
أم أنك تهوى السباب؟
من أضرم النار؟
أخبرني
إني لا أمتلك كتاب