٢٣‏/٣‏/٢٠٠٨

وحشتوني


بجد مش عارفه اقول ايه انا اختفيت شوية بس و الله مش بارادتي جهازي الغريب كان بياظ يتصلح و يضرب تاني فكنت مضطره اعمله صيانة كامله و ده خد وقت و الحمد لله اخيرا و بعد طول انتظار رجع و رجعت روحي تاني انا ماكنتش عارفه اني ارتبط بالتدوين و ناسه بالشكل ده كل شيء كان واحشني شكل مدونتي و مدونات الاصحاب كانوا وحشيني جدا واضح كده اني بقيت مدمنة تدوين و مدونات

و لما راجعت و اقرائيت تعليقات الناس و سؤالهم علي في الفيس بوك انبسطت اوي حسيت ان لي اصحاب حقيقين قلقنين علي فعلا الاحساس ده بساطني جدا يمكن عشان انا ماليش اصدقاء حقيقين في الحياة الواقعية فانا لم اخرج من هذه الحياة الاي صديقة وحيده طلعت منها من الدنيا و كل همومي و مشاكلي و فرحي و حزني عندها ساعات كنت بشفق عليها من كتر الاي بيرميه عليها و اقولها اعذرني انا ماليش صديقة غيرك وقتها فكرت ليه انا مخرجتش من الدنيا ديه غير بها بس ووصلت لمرحلة في حياتي اني بتعامل مع الاي اعرفهم جديد بمنهتي البرود لاني متاكده اننا مش ممكن نكون اصدقاء و فقدت القدرة من تصديق او عمل صداقه حقيقه مع احد لانها لن تستمر عيب في في غيري مش هايفرق المهم كل الاي جاي ماشي تاني مناسبة الكلام ده ان الموضوع اتغير خالص جوايا بعد دخولي عالم التدوين لاني تذوقت نوع تاني من الصداقه و المشاعر الحقيقه فكل ما اعلق عنده او يعلق عندي باستمرار انشاء نوع من الاهتمام و الالتحام بالكلمات و الافكار كل يوم اول ما اصحي افكر يا تري شهروزه كتبت حاجه جديده محمد عبد الغفار كاتب ايه النهارده احمد شقير هيبدعني بايه اليوم شريف عبد العزيز ماذا يكتب ليمتع عقلي و احمد القاضي و قصصه الاي تخلب القلب و العقل و اخبار عصفور المدينه و الطائر الحزين بسمه النهارده كتبت في مجلتها البنات عايزه ايه موضوع بيتكلم عن ايه ومحمد حمدي اخباره ايه شيماء الجيزي حلت مشكلتها و لا لسه انجي وطارق اتجوز و لا لسه حسن ارابيسك رسم حاجه جديده و لا و ناس تانيه كتير كتير اسفه ان لم يتسعفني الذاكره الان لاذكرهم و فوجئت ان هذه المشاعر الصديقه متبادله مع كل الاشخاص دول و غيرهم كمان الاي بيسل عني الاي زعلان مني عشان مختفيه الاي ارسلي كروت معايده لعيد ميلادي و الاي بيشد من ازري لما اكون مضيقه كل ده بدون مصالح او مقابل متبادل شيء واحد بس هو المطلوب المعزه و الود و حب افكار بعض و الاهتمام بعقول و قلوب بعض لم امنع نفسي من السعادة البالغة بهذه الصداقه الجديده علي و اكتشفت ان من الممكن يجتمع ناس علي حب بعض بدون مصلحه او منفعه ماديه في هذا الزمن

يمكن ده اكتر شيء اثر في من تجربتي التدوينيه كلهم لم ارائهم او يرواني يجمعنا عالم تخيلي من صنع ايدينا و افكارنا يربطنا رابط الصداقه الحقيقه و المحبة شيء جميل ان استراجع احساس الصداقه الذي فقدته منذ زمن طويل انا اتكلمت كتير بس انا كنت عايزة اعبر شويه عن الاي في قلبي لكل مدون صديق احببت كلماته و اعتزازت بافكاره و احترمت اراه حتي لو كنت مختلفه معه فباقه زهور مني لكل صديق و صديقه في هذا العالم الافتراضي الحقيقي بالنسبة لي

وحمرة خجل علي وجهي علي كل سؤال عني و كلمه اعجاب بافكاري

و محبة كبيره يمتليء به قلبي لكل المدونيني اصدقائي

شكرا لكم لانكم ارجعتوا لحياتي معني كبير كنت نسيته و افتقدته منذ سنوات طويله

و هي الصداقه الحقيقة بدون مصلحه او اي شيء

صداقه للصداقه

شكرا لكم

هناك ١٨ تعليقًا:

mohand يقول...

حمد لله علي سلامتك


وان شاء الله الجهاز ميبوظش تاني

تحياتي

http://kasperb4.blogspot.com/ يقول...

التدوين
حياة تانية فعلا
وصدقتي في كل كلمة قلتيها

ربنا ييسرلك جميع أمورك
وابقي ادخلي مدونة عالم الكمبيوتر وقوليلنا ايه اللي بيدايقك في جهازك وبتشتكي من ايه يمكن نقدر نساعدك ان شاء الله وجهازك ميتعرضش للبوظان تاني بإذن الله

http://computersal.blogspot.com/

:)

الشموع البيضاء يقول...

حمد الله على سلامتك ..اول مره ازورك بس مدونتك جميله ومنتظرين الجديد ومتغيبيش تانى وياريت تزورينى..تحياتى

الطائر الحزين يقول...

غبتى شوية طيب قولى شويتين


حمدا لله على السلامة

تحياتى

محمد عبد الغفار يقول...

عود أحمد

غير معرف يقول...

حضرتك من المدونات المحترمةالتى أحب متابعة أعمالها و كتاباتها،حمد لله على سلامة الرجوع و سلا مة الجهاز فهو الرابط بينك و بين أصدقائك المدونين
دمتى سعيدة..
أبو خالد.

صاحب المضيفة يقول...

2572335
حمد لله على السلامة


ويارب الجهاز مش يبوظ تناي


دي عيوب الأجهزة الويمن دول بقت كتير قوي

اسالي مجرب


تحياتي

دنـيـا محيراني(ايناس لطفي يقول...

مهند
شكرا يا عزيزي
------------
الام و امال
ياريت مدونتك تنقذني من الفيروسات الاي بتبهدل الجهاز اكيد هازورك عشان اتعلم شكرا كتير
--------
الشموع السوداء
اهلا بيك في اول زيارة اكيد هازورك و ان شاء الله نبقي اصحاب
------------------
الطائر الحزين
شكرا يا استاذي
---------------
محمد عبد الغفار
شكرا يا ابو عبد الرحمن
-------------
ابو خالد
انتي مش ناوي تعمل مدونه بقي عشان اتابع كتاباتك و افكارك عايزه اتبعك زي ما انتي دائما بتابعني و تشجعني ياريت اشوف مدونتك عن قريب يا ابو خالد شكرا جدا علي الاطراء بعض ما عندكم يا فندم
-------------------------
صاحب المضيفة
شكلك عارف المشاكل الكمبيوتريه الاي دائما بقع فيها ربنا يستر علي اجهازتنا شكرا علي وجودك

Ahmed Al-Sabbagh يقول...

تسلمى

بيعجبنى اوى حبك للمدونين

وتنوع فكرك ومواضيعك

تسلم ايديكى

احمد

غير معرف يقول...

حمد الله على سلامتك يا قمر وحشتينى قوى
ومجرد أنك تذكرى أسمى فى موضوعك ده شرف كبير قوى ليا مش عارفة فعلا أقول لك أيه
بصى أدخلى مدونتى هتلاقى أخبار حلوة ان شاء الله تفرحك
ويارب أشوفك سعيدة على طول

فراشة يقول...

السلام عليكم
حمد لله على السلامة ومتبقيش تغيبي كده
وفعلا التدوين ده ادمان عندك حق بس ربنا يستر بقي وميعملوش حملة ضده على غرار حملة حماية بتاعة عمرو خالد

تحياتى

دنـيـا محيراني(ايناس لطفي يقول...

احمد الصباغ
طبعا بموت في حبهم دول حبايبي منورني يا فندم
-------------
بسمه حبيبتي طبعا اجيب سيرتك ده انتي اعز الناس هازورك و اكيد هاعرف اخبارك
-----------
فراشة
شكرا تشريفك لمدونتي لا لا ادمان التدوين ادمان صحي لا تقلقي منه
شكرا لوجودك

EGYPT EYES يقول...

أتمنى ان يزيد محبينك
تحياتي

جنّي يقول...

الأخت الفاضلة
أول مرة أزور مدونتك الجميلة الرائعة العقلانية .. ولكن استمري فقليل دائم خير من كثير منقطع.. ربنا معاكي ..
أرجو زيارتي في مدونتي المتواضعة( جنّي )
مستني الزيارة
said57.blogspot.com
saidaziz57@gmail.com
سلام

احساس لسه حى يقول...

عزيزتى

هى دايمن الاجهزه كده دايمن تعملها مش فى الوقت الناسب

واحنا اليومين دول ف6ى ازمات كبيرة من وحتى العيش بقه عليه ازمه

عزيزتى
رغم اختلافى معكى فى بعض المواضيع

ارجوا ان تتاكدى انى شخصيا احترمك كانسانه واقدرك

ولازم تستحملينى علشان استحملك

ولا ايه

مستنى موضوع جامد ليكى

وكمان فين التعليق على الموضوع اللى فات

بلاش كروته وانا بعلق على اى موضوع وبستنا الرد دائما

تحياتى

سلام

دنـيـا محيراني(ايناس لطفي يقول...

رفيقي ايجيبت ايز
طبعا المحبه بتزيد يوم عن يوم
-------------
جني
مرحبا بيك في مدونتي المتواضعة اكيد هارد الزياره شكرا
----------------
عزيزي حسام
شكرا علي الكلمات و الاختلاف الودود الدائم بينا هازورك اكيد

Omar... [ خروشات ] يقول...

حمد لله على السلامة

عودا حميد

Omar... [ خروشات ] يقول...

حمد لله على السلامة

عودا حميد