مدونات مصريه للجيب
الفكره تحفه و اعتقد انها ستنجح ان شاء الله من اجمل الاشياء ان نجد بعض من احلامنا تتحقق و تظهر للنور فكره مدونات مصريه للجيب فكره مصريه مدونيه خالصه مش هاتكلم عنها كتير انا هانقل بس كلامها و انتو بقي لازم تنضموا انا ان شاء الله هارسلهم و هحاول اكون معهم ده حلم عمري الاعلان بيقول :
فكرة الحلم ببساطه بدأت من اربع سنين ... الحلم كان الشعب يسمع من بعضه ... ان الدماغ اللى تتكلم وتكتب مش لأنها دماغ واحد قاعد فى برج عالى مكيف واسمه كاتب ومشهور ॥ لأ بس عشان دماغ واحد حاسس بالناس وعايش بينهمالفكره كانت ان اللى يطلع يتكلم عن مشاكل رغيف العيش والمواطن المطحون ميكونش واحد عنده عربيه مكيفه وبينزل يقعد فى الاستوديو المكيف ويتصور جنب مذيعه بتقوله سيادتك ومعاليك ॥ الحلم كان ان اللى يطلع يتكلم عن الشعب يبقى عايش وسط الشعب مش حقد على الناس اللى قاعده فى الابراج لأ اطلاقا ولكن لأن اللى قاعد فى البرج دا شغلته كاتب شغلته انه يطلع فى التليفزيون ويتكلم لكن مش دايما بيكون حاسس بيهمومجتمع المدونات بيوفر الكاتب اللى عايش وسط الناس ومرتبط بيهم لكنه مش كاتب واحد دا عدد غير معروف من الكتاب ومن هنا ابتدأ الحلم الجديدالحلم هو عمل سلسلة كتب تصدر بشكل دورى تجمع افضل كتابات المدونين فى كل الاتجاهات على ان يتم تصنيفها حسب نوعها هل هى ادبيه ولا اجتماعيه ولا مقالات حره وسياسيه ويتم عمل كتاب لكل نوعالحلم كان صعب لكنه اصبح حقيقه ... من فتره وانا واحمد بنفكر فى الموضوع دا من بداية نشاطنا التدوينى وبفضل الله الفكره اصبحت رسميه وقدرنا نتفق على تفاصيل النشر ... طبعا سلسة الكتب دى واللى هتصدر بشكل دورى معموله اساساً عشان القارئ المصرى يقرأ لكاتب مصرى عايش حياته ممكن يكون مدون جاره ممكن يكون مدون فى الصعيد او الدلتا لكنه عايش نفس اهتماماته شروط الانضمام للكتاب ايه مفيش شروط ... اه مفيش شروط غير انك تكون عايز تقدم فكرك
طب القيود ايه ؟؟؟؟ مفيش قيود غير ان الكتابات متحملش تجريح او اساءه لأى شخص حتى لو كان يستحق الاساءه وإن المقالات ذات الطابع السياسى تكون بناءه يعنى مش شتيمه وخلاص لأ لازم تكون بتقدم وجهة نظر
المطلوب ايه عشان تنزل اعمالك فى الكتاب المطلوب حاجتين الاولى تبعتلنا ايميل والتانيه تنشر الفكره بين زمايلك عشان متبقاش انانى وعشان منحجبش فكر او وجهة نظر اى واحد مصرى ممكن تكون رؤيته مهمه
بالنسبه لحد تانى الحلم دا حلمنا كلنا ان يكون فى ايد كل مصرى مجموعه من المدونات ماشى بيها فى كتابان
اللى مش بيدخل نت وميعرفش حاجه عنه ويدوبك بيعرف يقرأ يقدر يتابع اهتمامات بلده وابناء بلده السلسله هتكون سلسله ادبيه - سلسله اجتماعيه وسلوكيه - سلسلة مقالات حره حقوق الملكيه الفكريه محفوظه
والفكره مسجله
توصلنا ازى على رقم التلفون دا لأى استفسار كل يوم من الساعه تسعه للساعه عشره 0115659038او
الرساله وعنوانها عمل ادبى او اجتماعى او حراى نوع من الاعمال خواطر كانت او اشعار او ازجال او قصص او مقالات او اى شئ وتبعتلنا عنوان مدونتك ورقم التلفون والمحافظه فى مصر ورؤيتك او مقترحاتك
اختار البانر اللى يعجبك واعلن عن الفكره
-----------------------------
انا بعلن اهو حتي لو ماكنتش مشاركه بس بجد الفكره تحفه فرصه حلوه اوي لكل المدونينين الاي حلمهم ان كلامهم يوصل للناس الاي زيهم ربنا يوفقهم و ينجحوا في تحقيق حلمنا كلنا
هناك ١٦ تعليقًا:
فى الحقيقه مش عارف اشكرك ازاى غير انى بقولك اهلا بيك دائما فى المدونه واتمنى ان اعمالك تتنشر معانا
وربنا يوفقك
ومتقوليش اتمنى ابقى معاكوا لأنك اكيد معانا وكل المدونين معانا
فكرة راقية ورايقة بجد
وياسلام لو اعتملت
هاتكون تحفة بجد
يارب نشوفها على طول
تحياتي
الأخت الفاضلة
فكرة جميلة جدا .. وأنا معكم ..
وأرجو أن يكون اختيار الموضوعات ونشرها .. بلا أي أهواء ..
لكي كل التحية ..
said
الفكرة بجد تحفة وحلوة كتير....بشكرك نيابة عن مدونين كثيرين لكن للاسف الايميل بتاعكم ليه مش بيظهر؟
طيب انا متشوقه جدا اشترك معاكم
بس قوليلى ازاي ابدا
او ابعت
انا و صاحبي
اتمني طبعا اكون معكوا
-------------------
اصدقائي انا بعلن عنهم بس وهم شرحين ازي نقدر نوصل لهم ادخلوا علي صفحتهم الخاصةبالفيس بوك و انتو تشوفو كل حاجه و الايميلات كمان موجوده بس تضغطه عليها في البوست بتاعي ربنا يوفقنا كلنا
تحياتي
وفقكم الله
الفكره جميله
ولكن المتاعب فى التفاصيل
مثلا
خمسه الاف مدون فى 3 سنوات فى 20 تدوينه سنويه
اذا ثلاثمائه الف
غير عملى طبعا الاختيار بينهم
اذا لنجد حل اخر
نختار بعض المدونين ثم نختار من تدويناتهم
لكن
اليس هذا التحديد المخل قد يخرج الفكره عن هدفها ومنبعها الاصلى؟
ربما
لكن من هو الجرئ الذى سيرضى ان يختار؟
فلكى يختار يجب ان يقَيم
من يرى فى نفسه الصلاحيه لهذا؟
موضوع صعب جدا
هذا عن مضمون مدونة الجيب
لكن ايضا
ما مصيرها؟
من سيقتنيها ومن اى فئه فى المجتمع؟
و
اسئله اخرى
هل صحيح الكتاب المشاهير فى برج عاجى؟
هل صحيح منفصلين عن الشعب ولا يعرفون متاعبه؟
هل الشعب هو فقط الفئه الفقيره ام باقى الفئات من طبقات متوسطه وتحت المتوسطه وفوق المتوسطه وايضا الثريه من فئات الشعب؟
هل المدونون عينه مثاليه للشعب بجميع طبقاته ام انهم غالبا ينتمون لنفس طبقه الكتاب واقصد بها الطبقه المتوسطه المثقفه؟
طبعا مجرد بعض من اسئله لا غرض لها الا توسيع المجال لتفكير يضمن النجاح قدر الامكان
طيب وهل هتنزل التدوينات بدون رقابه
ولا هيكون فيه رقابه
ويا تري الرقابه هتكون علي المحتوي ولا الكلمات
دا اللي عايز اعرفه بس
فكرة حلوة جداً
بس يا ترى ممكن يبقى سهل تنفيذها
فكره جيده ارجو ان يقدر لها النجاح
انا فعلا قريت عن الموضوع ده عن الفيس بوك
والفكره جامده بس محتاجه دار نشر قلبها جامد عشان تغامر وتنفذ
الا صحيح انتى بطلتى تدخلى مدونتى ليه
:(
:(
و الله يا جماعة اسئلتكم منطقيه جدا و بتفتح باب للنقاش عشان كده انا هانقلهم علي جروب الفيس بوك الخاص بالمشروع ده ارجو متابعته عشان نعرف نتكلم و نفهم اكتر
تحياتي
السلام عليكم ورحمة الله
ــــــــــــــــــــــــــــــــــــــــــ
العزيز هارمليس صاحب مودنة الكلام رزق
تحياتى لك واشكرك الى اقصى ما تتخيل فأسئلتك تخلق حالة حوار بنائة وتذيد ثقتى بالمجتمع التدوينى وتذيدنى يقين انه قادر على الوصول والتأثير بكتاباته الى كل فئات الشعب القارىء
ــــــ
اعجبنى جدا تعبيرك.. المتاعب فى التفاصيل .. فقد صدقت لان التفاصيل بالفعل قد اخذت منّا مجهود ذهنى وبدنى لا تتخيله ولا يزال المجهود ينهكنا ولكننا نعمل اقصى ما يمكن عمله للوصل بالفكرة الى النور والواقع
ــــ
مثل اسئلتك والعديد من الاسئلة الاخرى قد جالت بتفكيرنا لا شك
فالعدد الهائل للمدونين جعلنا نفكر فى نظام حسابى خاص لتنسيق العدد ومراعة الفوارق الزمنية بين نش العمل للمدون الواحد
لن يكون هناك تحديد مخل ان شاء الله لاننا لا نحدد ولكن صاحب المدونة هو من يحدد العمل الذى يريد ان يكون ضمن اعمال السلسلة وسيتم تنقية هذه الاعمال بعد ذلك وفقا لنظام ومعايير
ـــــ
نتمنى ان تصل هذه السلسلة لكل القارئين المصريين لقراء الكتب بانواعها ونتمنى ان تلقى الانتشار الواسع بين قارئى الجرائد اليومية اما المتوقع ان تلقى انتشارها بين الشباب بمراحلهم العمرية
ــــــــــــ
اسئلتك الاخرى .....
هل صحيح الكتاب المشاهير فى برج عالى ؟
اجيبك واقول لك لا على الاطلاق ليس كل الكتّاب المشاهير كذلك بل هناك العديد منهم من يشعر بهموم الناس ويشاركهم فيها ولكن ما نقصده ان منهم من امتهن هذا العمل بمعنى انه يقتات منه وهذا لا يقلل اطلاقا من فكرهم ولا معرفته ولكن احيانا ما يجعل الرأى مفتقدا لروح معينة نتلمسها جميعا فى المدونيين روح المشاركة والاحساس الفعلى والشعور الحقيقى بقضايا الناس واليك مثال هناك صحفى فى مجال الرياضة انا من اشد المعجبين به واستمتع للغاية من رؤيته وكتاباته وكان وقت المباراه متأخرا فحتى يستطيع ان ينزل مقاله فى الطبعة الاولى كتب مقالا محتملا فيه الخسارة للفريق ومقالا اخر يحتمل فيه الانتصار فمهنته وحكم عمله جعله يكتب احساسا لم يعيشه حقيقة ومع ذالك لديه من الحنكة الكتابية ما يجعل الناس تستمتع بارائه
ــــــ
من هذا نستخلص ان المجتمع التدوينى جعلنا نعيش القرائة بشكل اكثر فاعلية ومشاركة وبروح جعلتنا جميعا نرتبط بهذا المجتمع والفكرة فى كيفية الوصول بهذه الروح لمجتمع القارىءالعادى
فانا شخصيا لا اجد من الوقت ما يكفى لمتابعة مدونات احبها لاننى مهما كان عدد الساعات التى اقضيها على الانترنت لاتفى بالمتابعة الكاملة فاعتقد ان الامر سيختلف اذا اقتنيت مدونة فى يدى ؟
اعتقد ان فى هذا اجابات على سؤالك الثانى والثالث فلا نصنف الشعب ولا نصنف المدونين فقط نرى ان هذا المجتمع يمثل روح المجتمع الواقعى
ـــــــ
اخيرا اشكرك واشكرك شكرا جزيلا
فقد ذكرتنى بمقوله اقولها لنفسى كثيرا ... وهى ..ان الاحلام تنبت فى ارض التحديات فلابد ان امتلك روح التحدى كى احقق الحلم
شاكر لك جدا يا اخى
ولك خالص تحياتى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ستنشر التفاصيل قريبا والاجابات على الاسئلة التى طرحت والتى لم تطرح خلال الايام القادمة ان شاء الله
نتمنى ان تشاركونا احلامكم ....
مدونة فى يد كل قارىء
الفكرة فعلا جميلة
والبوهى ومهنى من المدونين النشطين جدا
اتمنى لكم التوفيق
تحياتى
احمد
إرسال تعليق