14‏/5‏/2008

حفله توقيع كتاب مدونات مصريه للجيب

تحديث
انا اتاخرت اوي انا عارفه المفروض من يوم الخميس باليلل اقعد و اكتب ايه الاي حصل في الحفله بس حقيقة شعور غريب انتبني تخيل انك تكون فرحان لدرجه انك لا تجد كلمات تعبربيها عن فرحتك و سعادتك ده كان احساسي فعلا اليوم كان جميل برغم اي شيء و الفرحه كانت علي الوجوه بسبب التعارف و الكتاب طبعا مش عارفه اوصف مشاعري حقيقة بس انا حاسه اني سعيده جدا و متفائله جدا عشان كده مش هارغي كتير هخالي الناس التانيه هي الاي ترغي
هنا احمد الصباغ دينامو التدوين و تغطيه تحفه بالصور و الفيديوهات كمان
وهنا مشاعر المدون احمد كمال صاحب مدونة رحايا العمر وهنا شيماء بصراحه خناقه و كمان محمد مفيد
و استاذنا الكبير احمد القاضي يا مراكبي
و لا يمنع كمان ان نضع راي يخالف هذا العمل و يوصفه انه ثقافة رخيصة مع احترامنا الشديد لرايه مدونه غاويه لصاحبها رامز
نحن نحترم الراي و الراي الاخر حتي نستفيد من اخطاءنا
اتمني كل مدون يشاركنا باراه حتي لو كانت مخالفه نريد لهذا الحلم ان يمشي علي الطريق السليم ارسلوا ارائكوا و اقتراحاتكوا لاعداد القادمه رؤيتكوا للعدد ماذا اعجبكوا ؟و ماذا تتمنوا ان تجدوه؟ انقدوا-- صلحوا-- احلموا-- اعتبروا هذا العمل عمل كل مدون
ماذا يتمني ان يكون فيه؟؟ ماهو سلبياته و ايجابيته؟؟ دعونا نشاهد اعمالنا بعين الناقد المصلح و ليس بعين الناقد وفقط
-------------------------------------------------------------------


الو ---- الو1234فراشه مدونات مصريه للجيب ترحب بكم




الو --- الو 1234ياشعب التدوين ----- يا اهل جمهورية التدوين الجميلة




اسمعوا وعاو و و و و




الحلم خلاص اتحقق الحمد لله حلمنا كلنا اول كتاب يضم اعمال مجموعه من المدونينين المصرين




من انحاء جمهوريه مصر العربيه من قاهره و الجيزه وبورسعيد و المنصوره و اهل اسكندريه




كتاب باقلام مصريه خالصه بقلوب صادقه قويه نيتهم الصدق و الاحساس




بيقولوا الاي حاسين بي و بس غرضهم هو حب التدوين وبس و املهم ان كلامهم يوصل لكل الناس




يوصل لكل شبر فيكي يا مصر الحلم كان بعيد كان نجمه في السماء حلمنا به كلنا




لكن طلع الواقع احلي من الخيال سيتم صدور اول عدد من سلسله مدونات مصريه للجيب


تحت اسم مشروع وطن


عنوان بيقول الاي عايزينه و بنحلم بي


حفلة توقيع الكتاب هاتكون ان شاء الله يوم الخميس القادم 22من شهر مايو


بمكتبة بوك ستورز بشارع طلعت حرب فوق فلفله الحفله هاتبتدي من الساعة6ونصف


لغاية لما المكتبه تطردنا هههههههههههه


رسالة شكر احب اواجه لفريق عمل هذه السلسله الاي بذلوا مجهود فوق العاده عشان الحلم ده يخرج للنور


و رسالة شكر لكل مدون ارسل لنا اعماله ووثق بينا ووضع اعماله امانه بين ايدينا


و الي كل مدون شارك ايضاء معانا بالدعاء و التشجيع فقط فهذا حلمنا جميعا و ليس حلم فرد واحد


الدعوه عامه و الحاضر يبلغ الغايب هاستنكوا يوم الخميس ان شاء الله لنحتفل جميعا بمولد حلمنا الجميل


الذي اتوقع له نجاح منقطع النظير ليكون بدايه الطريق لاستمرار هذه السلسله الرائعة


لتفرز للمجتمع جيل جديد من المبدعين الحقيقين


الذين يملكون اجمل شيء في الوجود يقدموه للناس وهو صدق الاحساس فيما يكتبوه


انه حقا مشروع وطن كتاب يؤلفه الشعب المصري


-----------------


هنا فيديو عن حفل التوقيع من تصميم الزميل المبدع هشام علاء


موقعنا علي الفيس بوك

هناك 33 تعليقًا:

la3lahakhier يقول...

بالتوفيق حبيبتى ان شاء الله
يارب يحقق كل احلامنا يارب

بثينــــــة يقول...

أكيد عارفة أنا أد إية سعيدة 'لنا' بالكتاب دة رغم إني غير مشاركة غير بس بدعوات النجاح
بس حاسة إنه فعلا حلم لكل المدونين واتحقق
يارب دايما في نجاح وتألق

البنت الشلبية يقول...

بالتوفيق ان شاء الله
وان شاء الله ينجح نجاح كبير على مستوى مصر والعالم العربى كله وتوصل فكرته لاكبر عدد ممكن من الناس

وينكى يقول...

مبروك علينا كلنا
ويارب الحلم يستمر وتحقيقه يبقى اسهل فى كل عدد يطلع بأقلامنا .. او بكيبورداتنا
اشوفكم فى حفل التوقيييييع

A.SAMIR يقول...

الف الف مبروك وعقبال العدد ال 1000 ان شاء الله
تحياتي

إنـســـانـة يقول...

الف مبروك بجد .. الواحد بقى فخور اوى انه مدون مصرى .. الحمد لله

تحياتى

رفقة عمر يقول...

الف مبروك ربنا يكتبلها النجاح اللهم امين

دنــــيــــــا مـحـيـرانـي(ده حالي اما اسمي ايناس لطفي يقول...

شكرا جزيلا يا اغلي الناس عندي همتكوا معانا بقي عايزين اعلانات في كل مدونتاكوا و كمان كل واحد يحاول يجيء ده احتفال بحلمنا كلنا ربنا يكرمنا و ننجح ان شاء الله و تبقي اول خطوة في طريق الاستمرار بنجاح يارب
تحياتي

اهو ده عيبه يقول...

مبروك علينا كلنا العدد الاول

انا عرفت بعض المشاركين فيه لكن مش كلهم

كمان لسه مش عارفه انهى بوست للفقيرة الى الله اللى نازل

مش مهم كل ده المهم ان الواحد مبسوط بجد ان الفكرة اتحققت

ميرسى بجد ليكى يا ايناس انتى والبوهى ومهنى على كل الجهد اللى عملتوه

تحياتى

Soooo يقول...

الف الف الف مبروك وربنا يوفقكم والمجموعة تضرب وينزل منها مليون عدد وعدد


وان شاء الله هتكون بداية قوي للمدونين عشان صوتنا يتسمع




سلامووووووووووووز

جني يقول...

دعواتنا بالتوفيق والنجاح
والمهم التوزيع
تحياتي
said

سكــر يقول...

الف مبروك

بالتوفيق ان شاء الله

تحيااتى

احمد

دنــــيــــــا مـحـيـرانـي(ده حالي اما اسمي ايناس لطفي يقول...

شكرا ليكوا يا جماعة بس لازم تحاولوا تيجوا ان شاء الله عشان كلنا نحتفل بهذا الحدث الجميل اتمني وجود كل مدوني مصر
تحياتي

الطائر الحزين يقول...

الف مبروك

وشكرخاص للقائمين على العمل و ان شاء الله ربنا يكلل مجهوداتكم بالنجاح

احساس لسه حى يقول...

عزيزتى

هنستنا اول كتاب او عدد

ليه امنيتين

الاولى

اتمنا يكون العدد شهرى يتحط فيه كل شهر مجموعة من الموضوعات المميزة لكل فئات المدونيين

التانية

مع الوقت تبتدى يكون لكل كتاب فيهم نوعية من الكتابة

يعنى كتاب موضوعات سياسية

كتاب ساخر

كتاب شعر

يعنى علشان الانسان يقرا الكتاب بلون وتكون وجبة مظبوطة من نوعية الكتابة

مش عاوز من كل بستان زهرة

تحياتى على مجهودك ومجهودات كل اللى اخرجوا الكتاب ده

سلام

وينكى يقول...

هاقولك على كام خطوه تعمليهم
اولا ادخلى مدونتى
تانيا هاتلاقى لينك وكالة وينكى للدعاية والاعلان.. دا اول بوست
من البوست ده ادخلى على الوكاله
تالتا: سجلى نفسك فيها
رابعا: انا عامله توبيك هناك عن حفل توقيع الكتاب .. اقريه كويس
خامسا: ابعتى دعوات لكل الناس اللى انتى عايزه تعزميهم على حفل التوقيع
سادسا: لو عايزه تعملى دعايه لأى حاجه انتى عايزاها كررى نفس الخطوات السابقة
انتى صاحبة بيت
سابعا: انتى لسه قاعده؟؟ قومى يابنتى شوفى حالك
:)

hesham يقول...

مبدع مرة واحدة
:)

يا فندم اخجلتم تواضعنا

انان مش مبدع ولاحاجة بس الواحد لما بيحب حاجة بيطلع ساعات حاجات حلوة

شكرا جزيلا ليكى و للمجهود الرائع اللى بذلتيه مع مهنى و البوهى

خالص تحياتى
هش

أبو مروان يقول...

بالتوفيق لكم إن شاء الله ومبروك عليكم الكتاب كنت بجد نفسي أحضر الحفل دوت للكن ظروفي تمنعني

دنــــيــــــا مـحـيـرانـي(ده حالي اما اسمي ايناس لطفي يقول...

hالف مبروك لكل الناس هاستنكوا الخميس ان شاء الله
تحياتي

غني يابهيه يقول...

مبرووووووك علينا كلنا
وعقبال توقيع النسخه المليون يارب

وبجد هاحاول احضر الحفله ... يارب

غني يابهيه يقول...

وكان نفسى اكون فى العدد ده ...
بس ان شاء الله اشارك فى العدد القادم

7akwena يقول...

انا بجد فرحان اوى بالموضوع ده
وكان نفسى اشارك فى العدد الاول
بس انا اللى مكنتش فاهم الحوار ده اوى يمكن النهارده بس لما دخلت المدونه الجميله دى فهمت الموضوع كويس
وان شاء الله هبعتلكم كتير
بس يارب متزهقوش منى
الف شكر لكل اللى ساهم فى تحقيق الحلم ده

رئيس جمهوريه نفسى يقول...

الف مبروك ولكن للاسف لم يسعفنى الحظ فى انى احضر الحفل علشان المسافه

شهرزاد يقول...

يا دنيا يا محيراني
بجد ألف مبروك ليكي ولينا كلنا
أخيرا خرج عالم التدوين إلى النور
كان لقاء جميل امبارح اللي جمعنا كلنا
ياريت تشاركينا على جروب للمدونات الفتيات على الفاسبوك
http://www.facebook.com/group.php?gid=14647563577

Tamer Nabil يقول...

ازيك مدام ايناس

اخبارك اية


سعيد جدا انك عرفتينى وسلمتى عليا

ومعلشى تعبتك معايا


كان يوم جميل وفرحة للجميع

تحياتى

محمد الجرايحى يقول...

الأخت الفاضلة : إيناس لطفى
السلام عليكم ورحمة الله وبركاته
جميل أن يرى الإنسان ثمرة جهده أمامه حقيقة واقعة وملموسة..
بالتوفيق والنجاح دائماً

وكنت اتمنى أن أكون معكم

أخوك
محمد

دنــــيــــــا مـحـيـرانـي(ده حالي اما اسمي ايناس لطفي يقول...

الف مبروك علينا كلنا و الاي مقدرش يجي ان شاء الله يكون معانا في العدد القادم و الف شكر لاي مدون جية و حضر معانا الحفل مبروك علينا كلنا

Sally يقول...

ألف مليون مبروك يا ايناس
ربنا يجعل كل أيامنا فرح ونجاح

سعيدة بالنونو الجديد ولو انى لسه مشوفتوش
وبدعى ربنا يقدرنى آجى المرة الجاية ان شاء الله

ألف مبروك للمرة المليون لكل اللى شارك واللى مشاركش وكل المدونين

دمتى بخير اختى

غير معرف يقول...

دعوة
الي احبائي
واخوتي واخواتي المدونين
اتمني منكم
التفكير في تلبيه الدعوة المسجله بمدونتي

عارف اني عامل قائمة خاصة بس دول بس اللي اعرفهم

اتمني تتحول الحفله لملحمه تعريف راقيه ومكيفة

طبعا مهي هتبقي بالمركز الفرنسي انا اتاكدت من المعاد وهتاكد تاني

http://ramezabas.blogspot.com/
ودة لينك مدونتي المتواضعه


اتمني منكم الاهتمام بمشاركتي فرحتي


بالمعاقين سمعيا مثلي
وهم فرقه الصامتين

التي يديرها صديقي المخرج رضا

أحمد كمال يقول...

حضرتك بقى مشكلة ! كنتي قاعدة ساكتة خالص و مايبانش عليكي إنك عاملة المجهود الخرافي ده ، و كمان أنا ماكنتش متخيل إنك تعرفيني أساسا ففاجئتيني بأحد أجمل الإهداءات التي أعتز بها على الكتاب ، و دلوقت باكتشف كمان إن حضرتك عنك فكر و أفكار ، حتى في التدوينات اللي بتقول بس أخبار ، بيكون لها بعد تاني .

ياريت بقى ماتبخليش علينا بأفكارك ، الدنيا محيرانا زي ما هي محيراكي ..

Dr.Mohammed Gohary يقول...

أولا دي أول زيارة ليا عند حضرتك
ثانيا : آسف اني معرفتش اتعرف علي حضرتك بس حضرتك شفتي الجو كان عامل ازاي

ثالثا: انا قمت بتغطيه صحيح مش قد اللي عملها احمد الصباغ بس ياريت تزوريني علي مدونتي وتديني رأي حضرتك.
رابعا: خناقه أحمد مهنا وا/ رامز
أنا شايف ان الاستاذ رامز سوري في اللفظ مايفهمش في حاجة اسمها الحوار المتمدن و وانا في الحفل قلت له ممكن اسلوبك يبقا احسن من كدا في اسلوب تاني للكلام دا غير ثورة الصباغ الواضحة عليه

عموما تحياتي ليكي
وألف شكر علي الفكرة الممتازة
وألف شكر انكم قدرتوا تجمعونا وبجد تفرحونا

متشكر اوي اوي ومنتظر زيارتك وتعليقك

دنــــيــــــا مـحـيـرانـي(ده حالي اما اسمي ايناس لطفي يقول...

شكرا اوي يا سالي و ربنا يكرمك و يوفق يا رامز دائما
------------
بشمهندس احمد كمال
و الله انا الاي مقصره جدا عشان ماكنتش بعلق عندك بس و الله احيانا اجد نفسي تفضل الصمت عند قراءه افكار او كلمات يعجز كلامي عن تعبير عنها و بجد ان حسيت كده اوي في مدونتك بس ده ما يمنعش ان المفروض اعلق برضه عندك و اقولك راي اكيد اكيد هتلاقيني كتير عندك
الدنيا يا عزيزي محيراه الناس كلها مش انت و ان بس الناس كلها و الله
سعده بالتعرف عليك تحياتي
----------------
د.محمد
علي اد ان الحفله كانت جميله و بس لاسف من الزحمه ماتعرفتش بناس كتير ماليش حظ اتعرف عليك يا دكتور معلشي الحفله الاي جايه ان شاء الله هازور مدونتك طبعا لي الشرف يا فندم
تحياتي

Dr.Mohammed Gohary يقول...

ربنا يخليكي متشكر اوي علي الاهتمام

ان شاء الله هتابع مدونتك علي طول

ياريت تدخلي في تعليق ابو خالد علي موضوع مدونة مصرية للجيب عندي
كاتب انه كان نفسه يشوفك

تحياتي