27‏/5‏/2008

الي متي ؟؟


العمر بيجرى زى القطر والدنيا مفارق كلها ملفــــات

ماشين على سطر وسايبين سطر ومين فينا زى متولد مات

فى كل توب ابيض نقط سودة ولاحد فينا من الذنوب معصوم

مخلوقه فينا الحيرة مقصودة بالاختيار وايمانا بالمقسوم

الدنيا بحر غريق وشط والعمر بنهم زى خط بالمسطره مرسوم

عداد العمر داير واتفرقت المصاير بتخودنا دومات وانتوهه جوا الدواير

دة طريق نهايه سد كان خليت فيها حد او مطلعش بخساير

فى كل توب ابيض نقط سودة ولاحد فينا من الذنوب معصوم

مخلوقه فينا الحيرة مقصودة بالاختيار وايمانا بالمقسوم

الدنيا بحر غريق وشط والعمر بنهم زى خط بالمسطره مرسوم

--------------------

مقدمة مسلسل سكة الهلالي

كلمات ايمن بهجت قمر

كلمات ليها معني جوايا و صدي احب اتأمله

هي فعلا الحيرة مخلوقة فينا وجوانا بقصد و غرض

لا اعلم لكن كل ما اشعر به ان كل يوم يمر علي في هذه الدنيا تزيديني حيره اكثر و اكثر

حيره من نفسي وعليها و حيره من الناس واحوالهم

و حيره علي الدنيا كلها

كل من كان يقابلني احد يسألني و الحيره في عينه

انتي ليه الدنيا محيراكي؟؟؟؟؟

وكان جوابي هي محيراني انا بس مش محيراك انت كمان

كانوا بيجاوبه فعلا الدنيا محيراني كلنا

الي متي لا اعلم ؟؟؟؟؟؟؟؟؟؟؟


هناك 11 تعليقًا:

اتحادالمدونين المصريين يقول...

كل التهنئة القلبية لكم من اعضاء

****( اتحاد المدونين المصريين )****

بمناسبة صدور العدد الاول من كتاب

مدونات مصرية للجيب ..

مع تمنياتنا بدوام الرقى بالتدوين

وندعوكم للعمل سويا فى الاتحاد من اجل

الجميع

اخوكم

حسن محمد توفيق
من مؤسسى اتحاد المدونين المصريين

hesham يقول...

عزيزتى ايناس

اولا الكلمات بتاعة الاغنية جامدة جدا و من احلى الحاجات اللى احنا سمعناها و حسينا قد ايه هى لمسانا من جوه احييك عى اختيارك

اما بالنسبة للحيرة من الدنيا احب اقولك ان الواحد لو حاول يفسر كل حاجة بتحصل فى الدنيا دى تفسير منطقى و يقيسه بالعقل و المنطق مش هيخلص
و هيفضل محتار كده على طول

انا عن نفسر مريت بالمرحلة بتاعة الحيرة دى لكن بصراحة بعد كده كبرت دماغى عشان احافظ علي سلامتها..ههههه

و فى نفس الوقت احترم محاولات الاخرين لفهم الحياة الا ان المحاولة المستمرة لفهم كل شىء بيدور حوالينا ممكن تفسد استمتاعنا بها

و بما ان البوست ده رامى على كلمات الاغانى احب ارد عليكى بكلمات برضه

من اغنية
الدنيا ريشة فى هوا لسعد عبد الوهاب و برضه محمد منير

ياللي بتسأل عن الحياة

خدها كدة زي ما هي

فيها ابتسامة وفيها آه

فيها آسية وحنية

ياما الحياة فيها

اللي بيشقيها

واللي بيرضيها

واللي يقاسيها

الدنيا ريشة ف هوا

طايرة بغير جناحين

احنا النهاردة سوا

وبكرة هنكون فين

ف الدنيا .. ف الدنيا

-------------

دنيا تدور .. مهما تدور

ماهي بتدور سواقينا

ف عطشنا .. ف آلامنا

ما بتنساش تداوينا

لينا الحب لينا

قبل الجراح ما تدق بابنا

جينا مادين ايدينا

اللي يصيبنا آهو من نصيبنا

دنيا بتلعب بينا ليه

ايه راح ناخد من ده ايه

و على الهامش

You will never be happy if you continue to search for what happiness consists of. You will never live if you are looking for the meaning of life.
said by Albert Camus

Be glad of life because it gives you the chance to love and to work and to play and to look up at the stars.
said by Henry Van Dyke

تحياتى
هش

أحمد كمال يقول...

الدنيا فعلا محيرانا كلنا ، لكن كل واحد بتختلف عنده الأسئلة .

الراحل صلاح جاهين قال :
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!

دنــــيــــــا مـحـيـرانـي(ده حالي اما اسمي ايناس لطفي يقول...

ا/حسن شكرا علي الدعوة و التهنئه
---------------
عزيزي هشام
اجابات مالهش حل عندك حق و الله الواحد لازم يكبر دماغه بس تقول ايه في الحيره الاي ماسكه الواحد طول الوقت ربنا يهدينا
تحياتي
---------------
ا/ احمد
فعلا الحيره و اسبابها بتختلف من انسان لتاني عم جاهين بيجاوب علي الاسئلة في اربع ابيات و بس عجبي علي الراجل ده
منورني بوجودك يا فندم
تحياتي

ٍSOU يقول...

لسه امبارح منزلة الاغنية دى ..فعلا كلماتها معبرة جدددا .. و كمان اغنية نهاية المسلسل معبرة اكتر

!!! عارفة ... مش عارف ليه يقول...

خطى كتبت علينا مشيناها إن شئنا هذا أم أبينا

الحيرة شيء صحي يمكن يكون مقلق ويسبب لك وجع

لكن هذا قدر من لديهم هم يشغل فكرهم
وأعتقد انك من هذا النوع المهموم دائماً بنفسه وبغيرة وربما غيره أكتر من نفسه

تحياتي

دنــــيــــــا مـحـيـرانـي(ده حالي اما اسمي ايناس لطفي يقول...

sou
الغنوة تحفه و نهايه التتر احلي كمان
شكرا علي التواجد
------------------------
وليد
ازيك انت فينك منورني دائما
والله يا وليد انت وصفتني صح بس احيانا الحيره ديه بتبقي متعبه جدا علي النفس ربنا يزيل عنا كل الحيره و الهم امين
تحياتي

يا مراكبي يقول...

أنا أحب أجاوب على السؤال اللي في البوست ده

خلق الإنسان في كبد .. يعني الدنيا مش هي دار الراحة للإنسان .. بل هي دار الإختبار .. ومليئة بالإختبارات الصعبة

بس كده

كوارث يقول...

على راي واحد صاحبنا
كلما ازددت علمًا . ازددت يقينًا بجهلي
ده سنة الحيَاة
محدش بيعرف كتير :D

Dr.Mohammed Gohary يقول...

فعلا انية جميله

دمت معبرة ومبدعة

وظل قلمك يتحرك ويعبر عنك

kafrawy يقول...

الى ان يقضى الله امرا كان مفعولا