٢٢‏/٧‏/٢٠٠٧

عطشانين من 46سنه

لم استطيع ان اتكلم في موضوع ثوره العطشانين لان الموضوع بجد مؤلم و مخجل االي حد الصمت الرهيب
و ايضاء بجانب ان هناك الكثير من المدونون غطوا الموضوع بشكل رائع وواضح
و لكن اليوم انا فوجئت بمعلومه جديده سمعتها في برنامج العاشره مساء جعلتني اذهل بشكل فظيع
و المعلومه هي : انه سنه 1981 قامت
المخرجه التسجيليه الكبيره الاستاذه عطيات الابنودي بعمل فيلم تسجيلي عن قريه برج البرلس
التي كانت تعاني من نفس المشكله عدم وجود ماء
يا نهار الاسود و منيل يعني من 26 سنه انا في ذهول
قام البرنامج بعرض اجزاء من الفيلم طبق الاصل لنفس الصوره التي شاهدنها كلنا في الفضائيات
الاطفال يصرخون عايزين مياه ---- عايزين مياه
النساء والاطفال و الرجال و هم يحملون الجراكن و الزجاجات لدرجه انني حسيت انها هي هي
نفس الجراكن التي رايتها في المشاهد الحاليه
يعني مفيش حد حرضهم و لا احد عايز يعمل بلبله في البلد لا في مشكله و بقالها 26 سنه
و الذهول زاد اوي ي ي عندي
عندما جاء الصوت من الفيلم لشخص يتكلم و يقول ان المشكله ده بقالها عشرين سنه
لا لا لا انا هاغمي علي يعني 20+26 = 46 سنه
انا اكيد في بلد تانيه غير بلد النيل يمكن في الصومال او جيبوتي
كام حكومه راحت و جاءت في السنين الطويله ده كم من المسئولين و المحافظين
و اعضاء مجلس الشعب و عمد هذه القريه
عدوا عليها و هي هي نفس المشكله
نظره الي هذه المعلومه تاكد شيء خطير اننا لا نصلح أي شيء و المسئول ياتي و يذهب
دون ان يحل المشكله كارثه فعلا 46 سنه بدون ماء صالح للشرب و كل فتره تاتي
ماهذا الحياه التي لا توافر ابسط انواع حقوق المعيشه و في بلد النيل اه و الله العظيم النيل
و بياكد شيء اهم ان هذا الشعب شعب صبور جدا جدا
الي ابعد الدرجات بقالهم 46 سنه و مستحملين
انا لا اجد غير الذهول و الضيق و الغضب بداخلي
لك الله ا مصر و لكوا الله يا عطشانين مصر المحروسه يا عطاشنين في بلد النيل
ملحوظه : يوم الاربعاء الموافق25/7
في نقابه الصحفين سيتم عرض الفيلم و يعقبه ندوه مع المخرجه عطيات الابنودي
و هو عرض عام اذا كان احد يحب ان يراي وكستنا الكبيره في اهل بلدنا العطشانين
الاي عدت عليهم46 سنه من غير حل لشربه مياه حلوه تروي عطشهم
لك الله يا مصر لك الله يا ارض النيل لك الله

هناك ٨ تعليقات:

الطائر الحزين يقول...

السلام عليكم

فى حاجة بديهية أنا هاتجنن منها
المفترض إن اى مسئول ياتى لموقع ما تكون أمامة مجموعة من التحديات والمشاكل والمفترض انه موجود لحل هذه المشاكل فلما يقعد 20 سنة والمشكلة لم تحل يبقى هو كان قاعد عمال يهلب وخلاص

يعنى المشكلة السكانية دى ان اعتبرناها مشكلة اصلا!!!!!!!!
بيتكلموا فيها من الف سنة و محدش عارف يحلها مثلا
يبقى وسع الطريق لغيرك يمكن عنه حلول
مادمنا لا نقدر على حل المشكلات التى جئنا من اجلها واعتلينا الكراسى علشان نحلها يبقى نوسع الطريق لغيرنا

ااااااااااااااااااااااه

تحياتى

alqassam يقول...

والله حاجة تخنق

بس هانقول اية
حسبنا الله ونعم الوكيل فيهم

بلد نيل ومش عارفة تشرب اهلها

حسبنا الله فيهم

القسام

حدوته مصرية يقول...

طب اقول ايه
مش عارف بجد دى صدمة و من كتر الصدمات فى بلدنا دى مش قادر اعلق فعلا

غير معرف يقول...

الأخت الفاضلة: دنيا
السلام عليكم ورحمة الله وبركاته
الحكومات السابقة واللاحقة لم ولن يكون لها هم سوى الحفاظ على الكراسى والسلطة ووضع كل امكانات الدولة فى خدمة الحاكم
الشعب لاوجود له فى حيز الاهتمام لدى الحكومة
وطالما نحن ارتضينا المهانة وضياع الحقوق
يحق لهم أن يفعلوا بنا أكثر من ذلك

غير معرف يقول...

الأخت الفاضلة
السلام عليكم ورحمة الله وبركاته
بعد إذنك طبعاً
تم نشر تدوينتك فى منتديات المصباح المنير
فى قسم مدونون ومدونات
مع وضع رابط لمدونتك
وجميع حقوقك محفوظة
ويشرفنا التعاون

مع كل التقدير والاحترام

الإدارة

momken يقول...

بسم الله الرحمن الرحيم
وجعلنا من الماء كل شىء حى

صدق الله العظيم

احنا فى نظر حكومتنا مش احياء
وفى نظر انفسنا احنا موتنا من زمان

لزمتها ايه الميه

تحياتى

دنـيـا محيراني(ايناس لطفي يقول...

اه و الف اه يا طائر
----------------------------------
حسبنا الله و نعم الوكيل يا قسام
----------------------------------
صدمه و ما لها من صدمه يا محمد
--------------------------------
محمد الجريحي ربنا يقوينا و نفوق من الضعف الاي احنا فيه و شكرا لك لدعوتي في منتدك الجديد مصباح المنير و اخذ بوست لي و نشره هناك لي الشرف يا استاذي
-------------------------------
ممكن مش ناقص بقي غير الهواء ربنا يستر

يا مراكبي يقول...

أتذكر عمر بن الخطاب اللي كان بيخاف إن راحلة تتعثر في بلاد الشام فيحاسب هو أمام الله .. شوفتي الفرق؟

من نصف قرن ما فيش مسؤل عدي على القرية دي وكان بيخاف من الحساب أمام الله عز وجل على هذا التقصير؟ مش كلكم راع وكلكم مسؤل عن رعيته وألا إيه؟