١٨‏/٧‏/٢٠٠٧

لو ندرك الحقيقة



بلأمس في ساعه متاخره من الليل فجأتني طفلتي الصغيره ببكاء شديد و صراخ

حملتها و اخذت اربت علي ظهرها و بطنها فهي لم تتكلم بعد مازالت صغيره ضعيفه

لا تستطيع ان تشكو و تقول ما بها و اخذت اهدي فيها و ادندن لها بعض الاصوات الخافته

لكي تطمئن انني بجانبها حتي راحت في النوم و استسلمت له فتحركت من جانبها برفق حتي لا اقلقها

فجاءني صوت امي من علي السرير المقابل تطمئن علي طفلتي :

هل نامت بسلام الان؟
نعم يا امي لاتقلقي
فقالت امي : طيب تعالي يا بنتي خذي بيدي اتسند عليكي لغايه ما اروح للحمام
اخذت يدها و اسنتدها علي حتي ذهبت ووقفت معها اساعدها و اسندها ثاني لتعود الي سريرها

و اخذت اربت علي شعرها و يديها مثل ما كنت افعل مع ابنتي حتي راحت هي الاخري في النوم
نظرت الي امي و ابنتي ---- و الي نفسي فسمعت في داخلي صوت ترديد آيتان من القرآن الكريم تقول
الله الذي خلقكم من ضعف ثم جعل من بعد ضعف قوة ثم جعل من بعد قوة ضعفا وشيبة يخلق ما يشاء وهو العليم القدير ) سورة الروم آية54
يريد الله ان يخفف عنكم وخلق الانسان ضعيفا) سورة النساء آية 28

لو يدرك الانسان هذه الحقيقه كم هو ضعيف لتغيرت اشياء كثيره في حياتنا و افكارنا و تصرفتنا

و لكننا لا ندرك ابدا هذه الحقيقه الا عندما نصل اليها و نكون ضعاف بالفعل

في حالات الكبر و المرض و الحزن

و عندما نكون بعيدين عن الله سبحانه و تعالي
اللهم ارحمنا و انت القوي و نحن الضعفاء اليك
لحظات تأمل عابره في حياتنا

هناك ١٦ تعليقًا:

كراكيب عادل يقول...

الله عليك انا بحب التدوينات الي زي كدة

شئ ملامس الحقيقة هادف

فعلا احنا عارفين بس محتاجين كل شوية حد يفوقنا

وربنا يخليك لامك الحبيبة وابنتك

بس زي ما انتي بتوقفي جنب مامتك طفلتك كمان هتعمل كدة في المستقبل

فعلا حكمة

سعدت بمروري هنا

مدونة كسبان يقول...

فعلا والله احنا ضعاف جدا يادينا
لكن أحيانا الجلاله بتاخدنا شويه وساعات كتيير
مع ان مع شويه صداع ولا شويه هواء تلاقينا على طول بقينا عاملين زى الورق
لكن بجد أحييكى على احساسك الرائع
وأحييكى على هذه الكلمات
خالص تحياتى

... يقول...

بوست موحى جدا
الموقف كان يمكن ان يعبر دون ان تتوقفى لهذه اللحظة العابرة وتلمحى الضعفين
ربنا يحفظكم جميعاً
ثلاثتكم

واحد مصرى يقول...

بارك الله فيك و اثابك خيرا على برك بوالدتك و حعل ابنائك و بناتك بارين بك
دمت بخير

عدى النهار يقول...

دى آية من آيات الله

ربنا يوفق الجميع للإلتفات لآياته

ربنا يحفظكم ويبارك فيكم.. الجدة والأم والحفيدة
:)

عاشقة الوطن يقول...

السلام عليكم

ازيك ياقمر

والله لو ندرك فعلا ان الانسان بيمر بمراحل ضعف ثم قوة ثم ضعف مرة آخرى لعمل الف حساب ليوم الضعف هذا

معنى جميل فى بوستك الرائع

تحياتى لكى

rack-yourminds يقول...

ما شاء الله علي هذا لبوست احييكي بجد عليه ,وبرك لوالديكي سوف تجديه عند ابنائك الذين سوف يبروكي ويحترموكي زي مبتفعلي انتي الان مع والدتك
احييكي مره اخري علي هذا البوست لاني بحب المواضيع اللي فيها حكم وروحانيات

تحياتي ليكي

momken يقول...

جميله اوى التدوينه دى
بارك الله فيكى
وبارك لكى فى عمر امك
وهدى لك ابنتك
تحياتى

غير معرف يقول...

رااااااااائع.. جاااااامد و في الجون.. و ليتنا نعرف.

صاحب البوابــة يقول...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

غير معرف يقول...

الأخت الفاضلة الكريمة : دنيا
السلام عليكم ورحمة الله وبركاته
بساطة فى الطرح وعمق فى الفكر والمضمون

بارك الله فيك وأعزك

أخوك
محمد

مجلة لوتـس الإلكترونيـة يقول...


الأخت الكريمة

الحقائق التي غفلنا عنها كثيرة ، فإن من حكمة الله تعالي أنه كما يرينا البرق خوفاً وطمعاً ، يرينا الحياة من البداية إلي النهاية ، فمع صرخة طفل يستقبل نور الحياة لأول مرة نري بدايتنا ، ومع آخر لفظة هواء في صدر شخص يسلم روحه لله نري نهايتنا الحتمية لكن لا يدرك تلك الحقائق إلا أولي الألباب والذين هم يتفكرون فيجاهد نفسه حتى يغتنم شبابه قبل هرمه ، وصحته قبل سقمه ، وغناه قبل فقره ، وفراغه قبل شغله ، وحياته قبل موته

وفقك الله وفتح عليك أبواب علمه وفضائل كرمه

الطائر الحزين يقول...

ربنا يبارك لك فى ابناءك
ويجعل أمك سببا فى دخولك الجنه

تحياتى

محمد حمدي يقول...

حقيقى بوست رائع
كل الى اقدر اقوله ان حياه الانسان زى الهرم ... يرتفع ويرتفع وبعدين يرجع تانى للقاعدة ... هى دى سنه الحياه ..

tota يقول...

عارفة اد ايه المقارنة جميلة
وبتقول اننا فى مرحلة من حياتنا كمان بنكون لا فى ضعف البيبى ولا ضعف الكهل وان المرحلة دى هى منتهى قوتنا
بس لازم نبقى عارفين انها مش هتستمر كتير وبقدر ما هنرحم الضعفاء بقدر ما هنلاقى الرحمة دى وقت ضعفنا
دمتى قوية
تحياتى

دنـيـا محيراني(ايناس لطفي يقول...

شكرا يا عادل
-----------------------------------
كسبان شوفت شويه صداع بيعملوا فين ايه ----------------------------------
الله يحفظك يا حلم
----------------------------------
لك الف شكر يا واحد مصري اوي
-----------------------------------
الحمد لله ان هدني لتفهم هذه الايه شكرا عدي النهار
----------------------------------
عاشقه الوطن لو ادركنا لتغيرنا
-----------------------------------
بس المهم نستوعب الحكم ده يا واحد
-----------------------------------
ربنا يسمع منك يا ممكن
-----------------------------------
شكرا جدا ا/ محمد الجريحي
-----------------------------------
وشوشات ليتنا نفهم
----------------------------------
وفقك الله انت ايضاء وفتح عليك أبواب علمه وفضائل كرمه اخي الكريم هاني
----------------------------------
ربنا يعزيك يا طائر الحزين
-----------------------------------
فعلا هي ده سنه الحياه بس نفهم كده عزيزي محمد حمدي
----------------------------------
توته حبيبتي
كلنا الي الضعف ذاهبين