كل سنة و انتو طيبين

اصحابي و احبائي ازيجوا و حشتوني جدا

كل سنة و انت و طيبين

سا محوني الجهاز كان بايظ و قعد اكتر من اسبوع بعيد عني عند المهندس

و رمضان واكل الجو خالص و الوقت عشان كده مش بكتب حاجه و لا بدخل عند اي حد

بس و الله انتو في القلب و العقل و التدوين ده طلع و اخد حته من قلبي و عقلي

و بقي ابني التلات بعد اولادي الاتنين

مش عايزه حد يزعل مني عشان مزورتش مدونته

بعد رمضان اكيد هانتكلم و نعلق و نتخانق كالعاده ههههههه

كل سنه و كل واحد شرفني بالف خير و سلام و تقبل الله منا و منكوا خير اعمالكوا في هذا الشهر الجليل

واوصي نفسي قبلكوا و اوصيكوا اننا ما نعملش حاجه و لا يشغلني شيء غير العباده في هذه الليالي الجميله

ربنا يتقبل منا و منكوا امين يارب العالمين

بس برضه ما يمنعش من كتابته شويه قطايف رمضان علي الماشي كده قبل ما اختفي تاني

قطايف رمضان عاملها بدماغي و حياتكوا

1كل ما قلب الاقي مسلسل حاجه ممله و تدوخ الدماغ و العيون و عشان كده مش هاتفرج علي حاجه القرآن و الصلاه

اولي والله حرام عليكوا ملئيتوا الفضائيات

2كالعاده البرنامج الديني الاي شديني عمرو خالد بيناقش قضيه الترابط الاسري بشكل جديد و مبدع

جزاءك الله كل الخير عنا يا استاذ عمرو

3المدارس مع اوقات السحور و عدم التنظيم في نومي خلاص ما بقيتش شافيه قدمي

4بكره العزائم في رمضان بس اعمل ايه حكم القوي علي الضعيف طبعا عريفين مين القوي و مين الضعيف

5مسلسل العصبيه و الخناق بين الناس بحجه الصيام لسه مستمر يا ناس حرام عليكوا رمضان كريم

6السما صافيه وشكلها فعلا انها بتعبد الله سبحانه و تعالي في رمضان سبحان الله نظرتي لكل شيء في رمضان بيبختلف بحس ان كل شيء من حوالي في حاله عباده و تسبيح مع الله سبحانه و تعالي

كفايه كده القطايف ده المره الجايه هاعمل كنافه ههههه

كل سنه و انتوا طيبين تاني و ربنا يعود عليكوا الايام بالف صحه و خير و عباده دائما و طاعه دائما امين يارب العالمين

مش عارفه هاكتب تاني و لا لو اختفيت تبقي انتوا عارفين السبب سلام

و--- رمضان كريم م م م م م