٣٠‏/٥‏/٢٠٠٨

انتي الحور العين


مشي الحبيبيان في طريقهم المعتاد و كل منهما يطرق راسه حزنا و اسي لما وصل لهم من قرار الفراق الصعب


توقفا في مكانهما المعتادين الجلوس فيه


النيل و السماء و النجوم و لحظات السكون التي تحوطهما بحب و حنان حزين لحالهم


نظرت له بحزن و الدموع محبوسة في عينيها وقالت :


لا مفر من القرار يا حبيبي الفراق هو مصيرنا الكل يرفض حبنا


حتي ذرات الارض ترفض وجودنا عليها معا


و تسيل الدموع من عينيها في صمت شجي يذبح القلوب بصدها المدوي


يمسك يدها في حنان ويحاول ان يستجمع شجاعته حتي لا تنساب الدموع من عينه هو الاخر


و يقول :


لا تبكي يا حبيبتي اذا كانت الارض رفضت بقاءنا معا فهناك من هو افضل منها يقبل وجودنا معا


نظرت له متساله و متلهفه لمعرفة هذا المكان اشار


لها الي السماء و في عينيه كل امل و رجاء و قال :


هناك في الجنه


الارض فراقتنا وهي ستجمعنا


ابتسمت ابتسامه ساخره حزينه وقالت :


اتريديني معك في الجنه؟؟ هل ستختارني وتترك الحور العين؟؟


نظر لها نظره العاشق الذائب في حبها وقال:


انا اريدك انتي و لا اريد الحور العين


انتي الحور العين يا حبيبتي


تبدلت الدموع بابتسامه سعاده و رضا و تشابكت ايديهما وتعانقت ارواحهما


و اجتمع قلبهما وهم يتتطلعون للسماء الصافيه


و في صوت واحد يخرج من قلب واحد


بكل رجاء و امل قالا:


يارب اجمعنا في الجنة

هناك ٢٧ تعليقًا:

الطائر الحزين يقول...

الجنه ---
نعيم ابدى
عارفة حضرتك فى حاجة لفتت انتباهى أن انه فى الجنه لا يوجد ملل من النعيم والسعادة

بارك الله فيك
ومبروك مدونات مصرية للجيب

son's egypt يقول...

السلام عليكم
الجنة امنية كل شخص علي وجه الارض
بان يجتمع مع من يحب في الجنة ويصبحا مع بعض للابد

Ahmed Kamal يقول...

و الأفضل أن يسألا الله أن يجمعهما في الدنيا قبل الآخرة ، سبحانه مسبب الأسباب ، و لا يعجزه شئ ..

و أغلب الظن أن وجهة نظر الحبيب قد تختلف إذا قدر الله له أن يصبح زوجا لحبيبته في الدنيا :) إلا إذا كانا من عينة نادرة فعلا .

تحياتي

mostafa rayan يقول...

يقال ان المرأة المسلمة في الجنة تكون اجمل من الحور العين

- انا فرحان قوي اني شوفتك واتعرفت عليكي يوم حفلة المدونين ربنا يكرمك ويحققلك كل الخير
بس في سؤال بيتسأل كتير هي المجموعة التانية من الكتاب هتنزل امتي
وياتري هيكون فيها نفس الناس اللي نزلهم في المجموعةالاولي ولا هيكونو ناس تانية ؟
تحياتي ليكي

دنـيـا محيراني(ايناس لطفي يقول...

الطائر الحزين
ربنا يدخلنا جنته يارب
شكرا علي التهنئه المره القادمه عايزين نشوفك يا فندم
-------------
ابن مصر
ربنا يجمعنا مع من نحبهم في الجمنه امين
--------------
احمد كمال
ربنا يجمع كل الاحبه دنيا و اخره
وهو فعلا ممكن يغير رايه لو اصبح زوجها و يتمني الحور العين في الجنه و فقط
ليس هناك رجل نادر الرجال كلهم يتمنون الحور العين بطل روايتي من خيالي و ليس من الواقع- منورني يا فندم
-----------------------
مصطفي انا اسعد و الله هارد عليك بالتفصيل علي ايميلك
تحياتي

حسن ارابيسك يقول...

بوست كله شجن
انه يذكرني بكلمات الراحل شاعر الأغتية مرسي جميل عزيز في إغنية غلف ليلة وليلة لأم كلثوم
في مقطع
يارب تفضل حلاوة سلام أول لقا في إيدينا
وفرح أول ميعاد نلاقى الشموع حوالينا
ويفوت علينا الزمان يفرش أماله علينا
يارب... لاعمر كاس الفراق المر يسقينا
ولاتعرف الدنيا مطرحنا ولا تجينا
وغير شموع الفرح ماتشوف ليالينا ..ليالينا ياحبيبي

أرابيسك

جنّي يقول...

دائما ما نعلق آمالنا على ما لا نملكه الآن .. فلماذا نستسلم للفراق ونشرب من كأسه المر .. فلننعم بالحاضر بلا فراق وحزن وشجن .. ولنعمل بما يرضي ربنا لننول الجنة ..

تحياتي

said

احساس لسه حى يقول...

عزيزتى

مش عارف ليه مش بقتنع ان الحب ده كامل وحقيقى بدل متكللش بالارتباط

ومظنش ان فى اسباب تخلى اتنين بيحبوا بعض بجد يسبوا بعض ويتخلوا عن بعض

الا بقه فى اشياء مستحيلة وتجعل الارتباط بينهم مستحيل ودى حالات نادرة

وازاى هيكونوا مع بعض فى الجنة

وانتى عارفه ان كل اللى بيحبوا ويتفرقوا عن بعض

بيعرفوا يحبوا تانى ونعمة النسيان بتقدر تخليهم ينسوا المشاعر اللى حسوها وتكون مجرد ذكرى حلوة

كنت اتمنا يقولوا فى صوت واحد

يا رب ساعدنا وقوينا علشان نقدر نكون لبعض

لانى بجد حاسس انهم بيحبوا بعض

تحياتى ومودتى

سلام

عاشــــــ النقاب ـقــــة"نونو" يقول...

السلام عليكم
اول زيارة للمدونة لكني شفتك واخدت منك توقيع على الكتاب انا منتقبة جيت اخر الحفل اتمنى تفتكريني
تدوينة جميلة اوي
اعرف ان الرجل لما بيحب زوجته اوي ويرضى عنها بتكون ملكة الحور العين
ربنا يجمعنا مع من نحب في الجنة يارب
ساتابع باذن الله
تحياتي ومبروك الكتاب

يا مراكبي يقول...

ده بقى بيسموه
extreme

يعني دي حالة حب تخطت مراحل العشق لدرجة تفضيل الحبيبة على الحور العين .. وده ليه سببه .. وهو إن الحبيبة بتمثل متعة روحية للحبيب مش متعة حسية أو جسدية

فكرة الموضوع جديدة على فكرة .. أحييكي عليها

دنـيـا محيراني(ايناس لطفي يقول...

صديقي الجميل حسن
دائما بترد علي باشياء تؤكد لي حسك الانساني العالي شكرا لك دائما
-----------
جني
من منا يحب الفراق و الشجن و لكنها الدنيا يا عزيزي و الظروف التي تفرقنا بما نحب و نرغب فيه ربنا يجمعنا كلنا في الجنه عشان هي المكان الوحيد الاي مش هايكون فيها ظروف او احزان او فراق
تحياتي
-------------
عزيزي حسام
اولا معلشي اخر مره النت فصل فجاءه و معرفتش اكلمك تاني علي الشات اكيد هاكلمك تاني ان شاء الله
لا يا حسام مختلفه معك لا في ناس بتموت في بعض بس الظروف مش بتجمعهم برغم الحب الكبير و ده مش نادر ده كتير جدااا الحب وحده لا يكفي حتي يجتمعا مع بعض مادام يريدون النور و الصح
قصتي ديه من النوع ده هو فعلا مستحيل ان يجتمعوا حتي ذرات الارض رفضت وجودهم فمالهومش غير الدعاء لدخول
الجنه هو ده الامل وفقط
احنا دائمين كده مختلفين و لا يهمك منورني دائما يا فندم
--------------------
طبعا فاكركي يا عزيزتي انا الاي سعيده بمعرفتي بيكي
ربنا يجمعنا بما نحب في الجنه يارب
------------
استاذي الكبير احمد القاضي
تحليلك صح جدا لهذه الحاله يا سيدي
سعيده جدا ان الفكره عجبتك شهاده اعتز بها جدا يا مبدع
تحياتي

NilE_QueeN يقول...

الحب جميل

بس هو فين

دنـيـا محيراني(ايناس لطفي يقول...

الحب زي القضاء و القدر ياتي من حيث لا نعلم ومهما حولنا ندور عليه لو لينا نصيب فيه هايجي لوحده
تحياتي

غير معرف يقول...

ياه،، الزمن بيعيد نفسه
اعرف اتنين زي دول بالظبط
تركوا بعض على أمل اللقاء في الجنة
إيناس،، أول مرة أعلق عندك وبجد أثرتي فيا وأثرتي شجون قديمة
بجد تحياتي

دنـيـا محيراني(ايناس لطفي يقول...

نورتني يا مها بجد و اسفه لو اثرت شجنك بس الشجن ساكن قلوبنا مش محتاج حاجه تفكرنا فيه كلامنا يدوب نسمه بتمر عليه تفكره بحاله تحياتي

شهرزاد يقول...

فكرة جميلة تمس القلب
اللهم آمين
دمت بكل الود

Hosam Yahia حسام يحيى يقول...

ماشاء الله مدونه جميله


ربنا يحفظ حضرتك يارب

ويجعلها فى ميزان حسناتكم

أحمد سلامــة يقول...

قريتها عالفيس بوك
بس قلت خليني لما اخش المدونة
اصل بيني وبينك الفيس بوك ده مابيدخلش نافوخي ببصلة
معرفش ليه
تحسيه النيل الثقلفية مثلا
المهم ان الكلمتين بتوع باشمهندس احمد ثروت وفرو عليا رغي طويل
تسلم ايدك يا ست دنيا محيراها

د. إيمان مكاوي يقول...

اللهم إجمعنا في جنات الخلد..وفي الفردوس الأعلى...
سعدت بدخولي إلى مدونتك ..فكم أكون فخوره بكل مسلمة تحاول أن تنفع غيرها ..بارك الله فيك .
وياريت تشرفيني..وتقولليلي رأيك في شوية الشخابيط إللي بكتبها
مستنياك عند أم البنين

دنـيـا محيراني(ايناس لطفي يقول...

ربنا يخليكي يا شهرزاد منورني دائما
--------------------
ربنا يكرمك يا حسام عايزه اشوفك كتير هنا الدعوه عامه
--------------------
الدكتور الكبير بتاعنا احمد سلامه
عندك حق و الله في حكاية الفيس بوك تحس فعلا انه كده يعيني رايك اتفق مع استاذنا القاضي انا كده هاطير من الفرحه لما احسن اتنين عندي يجتمعوا علي راي واحد لتدوينيه لي تخيل الانبساط بقي الاي انا فيه شكرا يا فندم
------------------
ايمي
شكرا لك يا جميل اكيد هازورك منورني

!!! عارفة ... مش عارف ليه يقول...

البوست جميل ورائع

وفي ملاحظة لي هنا مش على البوست على تعليق من تعليقاتك أن البطل من خيالك مش من المواقع وكأنك شايفة أن دا كتير على الرجل أنه يصل للمنزلة دي

ومراكبي لما قال ان دا حالة اسمها
extreme
فالدرجة دي مش بيوصلها طرف لوحده دون الاخر وفي موضوع يسعدني لو شوفتيه في نفس الاطار دا اسمه اللقاء الثاني

وفي النهاية سعيد للجدل اللي اثارة موضوعك

تحياتي

قلب ينبض لله يقول...

ايه اللي حصل منهم علشان الأرض ترفض وجودهم والدنيا كلها

بس الأمل اللي جواهم أكبر من رفض الدنيا لحبهم

يارب اجمعنا في الجنه

جميله جدا آخر جمله

دنـيـا محيراني(ايناس لطفي يقول...

وليد
سعيده دائما بتواجدك و الله يا عزيزي اعتقد ان الموضوع خيالي عشان ما قبلتش راجل بيحب امراه و يتمنها عن الحور العين ده خيال اوي ي ي
اكيد هازورك وادوشك شويه
--------------
قلب ينبض لله
صدقني يا عزيزتي في حكايات في الدنيا فعلا الارض ترفض وجودهم لكن قدرة الله فوق كل شيء و مش امامهم غير الدعاء لله ان يجمعهم في الجنه ربنا يجمعنا كلنا فيها امين يارب

Dr.Mohammed Gohary يقول...

طبعا الاسلوب الادبي رائع

والجنة حلم لينا كلنا يارب بلغنا الجنة

لكن



انا اريدك انتي و لا اريد الحور العين

انتي الحور العين


لا طبعا الحور العين لايمكن لبشر ان يكون مثلهم
الوصف بتاعهم من شده جمالهم ممكن شعر الواحد يقف

لكن برضو الاسلوب تمااام

تحياتي

دنـيـا محيراني(ايناس لطفي يقول...

عادي يا دكتور محمد مثلك مثل كل الرجال ههههههههههه
شكرا علي المدح يا فندم
تحياتي

انسان وبس ! يقول...

اعتقد ان الموضوع خيالي عشان ما قبلتش راجل بيحب امراه و يتمنها عن الحور العين ده خيال اوي ي ي

- انا لا اعتقد

واعتقد انها قصه حقيقيه يعنى واقع حدث بالفعل ....مش خيال

اللى عايز اعرفه ايه سبب الفراق المحتوم ده طالما انهما بيحبوا بعض؟

- سؤال اخير ......ازاى يعنى مقبلتيش راجل بيحب امراه ويتمناها عن الحور العين !

السؤال : كل الرجاله اللى بتقبليهم هتعرفى المعلومه دى منهم او عنهم ازاى ؟

يمكن اقصدك مسمعتيش !
عن راجل بالشكل ده

فدى تبقى مشكلتك انتى ( سمعه تقييييل )

قيس بن الملوح (مجنون ليلى) يكفى كمثال

ولكن مامعنى - اسف فليكن السؤال الفائت السؤال قبل الاخير -انه يتمناها عن الحور العين ؟

وليه المقارنه اصلا ؟

الزوجه فى الدنيا -ان كانت صالحه- خير متاع الدنيا كله

اما الحور العين فهى نعيم اخروى

وان حدثت مقارنه فتفوز بها المرأه الزوجه الصالحه>>> ارجعى لكتب السيره

وبعدين مسك ايدها فى حنان ومكان جلوس معتاد ونيل وسما وحركات من دى
ياه لو انه بحر ...كان هيبقى اشبه بفيلم تيتانيك !

الحب اللى بجد يكون حب لله وفى الله وربنا يهدينا اليه

عازف الناى الحزين يقول...

رااااااااااااااااااااااااااائعة بحق