٧‏/٦‏/٢٠٠٧




قعده في امان الله علي النت بتصفح اخبار المدونون و كمان الاخبار العاديه افاجا بموضوع اقل ما يوصف انه كارثه و خيبه كبيره جايه تقع فوق دماغنا و الموضوع ده علي موقع العربيه نت و خلاصته ان في تقنيه جديده بداء العمل بها في مصر و السعوديه يسمح للشخص باختيار نوع المولود و طبعا و كالعاده الاختيار للذكر و الموت للبنت كارثه قادمه اصل احنا ناقصين استخدام المتخلفين منا لتقنيه علميه جديده اصلها هو اكتشاف جين معين مسئول عن مرض وراثي و باستخدام هذه التقنيه يتم عزله و بذلك يكون المولود خالي من المرض الوراثي ده نجي بقي لنا احنا و شعوبنا العربيه التي بها من
المتخلفين و اصحاب الاراء الجاهليه لتخلص من البنات حاجه مستفزه جدا جدا جدا و بالفعل تم العمل بها و اكيد الايام الجايه ستشهد الطلب علي الموضوع ده لاني كلنا نعرف ان لسه الافكار الجاهليه بتسكن صعيد و قري و حتى الحضر بتاع مصر و طبعا كل الخليج العربي الاي بيعتبر ان البنت عار لازم التخلص منها و حتى ان كان الموت قبل ما تتولد اصلا يعني مش كافيه صور الوأد اليوميه الاي بتحصل للبنت العربيه كل يوم بل كل لحظه و اقصد هنا مش بالوأد الجسدي اكتر منه بالوأد المعنوي البنت العربيه بتتوأد الف مره كل يوم من وأد فكري و عقلي علي افكارها و احلامها و طموحاتها و وأدعلي احاسسها و مشاعرها ده غير
سوء تعامل معها من الاب او زوج او الاخ ده حتى في الشارع مافيش رحمه من تحرشات و متضايقات و معاكسات سواء كنتي محجبه او ماشي في حالك
و قرف ده غير العمل طبعا و الاي ممكن تتعرضه و عند الاعتراض يتقال انتو مش اختارته تنزلوا جانب الرجل استحملوا بقي كلام فارغ اليس لي الحق ان اتعلم مثلك و اعمل و اجتهد و يكون لي مكانه مثلك ده غير كمان بقي الوأد الوظيفي و القهر العملي الاي بنتعرضه الشغلانه ده لاتصلح لها المراه و مثال ذلك البنوك الرجل احسن احنا ناقصين اجازات للولاده و الرضاعه و الخلفه بلا ش وجع دماغ و بعد كده يقوله ان من اسباب

البطاله عمل اكتر من 25 % في العمل سيدات حرام و الله العظيم تعرفوا ان 35 % من الاسر الان في مصر التي تعولها بالكامل هي أمراه لتهرب الزوج من مسئولياته او خرج ولم يعد او لمرضه ده غير الجهل الاي بتعيش فيه و التعليم الاي محرومه منه انا بتكلم علي نماذج موجوده و بكثره في مجتمعاتنا الفقيره و معدوم الدخل و سكان العشوائيات و اولاد الشوارع و الاحياء الفقيره و القري
كل ده بيحصل علي ارض الواقع يعني كده كده احنا كل يوم بنتعرض لوأد حقيقي عشان كده ناقصين بقي استخدام سيء للعلم للوأد من بدايه الحياه برضه احسن علشان ماتجيش الدنيا
و تشعر بوأد لها كل يوم يكون من قصرها تموت علي طول ياله بلاش تعب دماغ بلا بنات بلا قرف عشان تقول علي نفسك ابو الرجال و لا يمس العار بيتك ابدا علي فكره فعلا التقنيه ده منتشره جدا الان في الهند و بدوا يعنوا فعلا من نقص الاناث و بدا ت عمليه خطف الاناث هناك بكثره شديد و اصبح الزواج صعب لنقص الاناث اصل انا عايزه شويه عقل طب لما تموته البنت الولد هايجي منن يمكن بعد شويه العلم يقدر يخلي الرجل يحمل و يخلف ممكن ليه لا العلم كله يوم في تقدم بس التقدم ده بس بيحصل في الدول الاي بتحترم ادميه الإنسان سواء كان ولد او بنت ام ااحنا هنا في الوطن العربي و العالم الثالت
عامه بناخد الجانب السلبي من تقدم العلم و نستخدمه لاهوانا و أفكار الجاهليه عشان كده عمرنا ما هانتقدم خطوه امام غير لما نتحضر في افكارنا و اروحنا انا قعدت بقي اتخيل شكل بلدنا بقي اذا تفشي استخدام الموضوع ده طبع طبعا اول ناس هم الصعيد الجواني كل طبعا يبقي رجاله في رجاله بنات ايه بلاش ارف و لو طلعنا قدام شويه يعني النسبه تقل في بحري و القاهره يعني ممكن ممكن 75 % بس يكون رجاله و تخيل بقي مشي أي بنت في الشارع معرضه للاختطاف فوراماهو مفيش بقي و الزواج بقي قول عليه باي باي ما هو مافيش بقي بنات يالاه خلي المتطرفين واخوانهم الموجدين في مصر يفرحوا هما مش بيقولوا ان البنت




عوره بكل ما فيها وعايزين يسكوا علينا و يدفنون جوه البيوت خليهم يفرحوا مش هايكون في بنات اصلا و ندخل بقي علي الخليج العربي دول بقي مش هايبقي في بنات اصلا ماهما اغلبهم وهابين يالاه بقي خربت الحمد لله علي الاقل البنت في دول شمال افريقيا بتتعامل مواطن من الدرجه التانيه اما في الخليج الحمد لله مواطن من الدرجه العاشره
انا مستفزه جدا جدا لما يوأدالبنات هايكون في حياه اصلا انا مش مكبره الموضوع بس العمليه مش ناقصيه كفايه الوأد اليومي الاي بنتعرضه للبنت من المحيط للخليج يارب انت من خلقتنا و انت اردت وجود حواء علي الارض اللهم ارحمنا من ادم الذي لا يعرف رحمتك
ملحوظه مهمه جدا : الكلام ده موجه بس لاي رجل بيحب يوأد البنات مش الرجل الاي بيعتز بوجود البنت بجانبه لانها هي الام و الحبيبه و الزوجه و الأخت و الأبنه فهي الحياه كلها له

هناك ٢٠ تعليقًا:

-_- يقول...

يا تفاهتهم

اشمعنا التقنية دي بالذات اللى تم العمل بيها و سابوا كل تقنيات الصناعة و الاقتصاد و الطب

يا مراكبي يقول...

أولا أهلا بيكي في عالم التدوين

ثانيا .. موضوعك هنا ده بيستفزني جدا زيك بالظبط

كل واحد متخلف بينسى إن أمه كانت أنثى مش راجل .. ومن غيرها ما كانش جه للدنيا

وبينسى كمان إنه محتاج لزوجة جدا جدا ودي كمان لازم تكون أنثى

إزاي يرضى إنه يكون ليه أم وزوجة وما يقبلش إنه يكون ليه أخت أو إبنه؟

ولو نجح إنه ما يبقاش ليه إبنه .. وكل الناس عملوا زيه كده .. ماهو إبنه اللي فرحان بيه ده مش هيلاقي زوجة

الآية الكريمة في القرآن الكريم بتبدأ ببداية في قمة الروعة .. قال تعالى: لله ملك السماوات والأرض .. يخلق ما يشاء .. يهب لمن يشاء إناثا ويهب لمن يشاء الذكور .. أو يزوجهم ذكرانا وإناثا ويجعل من يشاء عقيما

شفتي ربنا قال إيه؟ لله ملك السماوات والأرض .. يخلق ما يشاء

تحياتي

غير معرف يقول...

فعلا والله؟..بس على فكرة هو مش وأد هو بيتحكم تقريبا بالإخصاب من أوله أظن..

هو أيا كان في حاجات كدة انا شايف انه مش من الحكمة اللعب فيها خاااالص..

غير معرف يقول...

الأخت الفاضلة :دنيـــا
السلام عليكم ورحمة الله وبركاته

هذه زيارتى الأولى لمدونتك ، ولقد أعجبنى كثيراً حماسك
واهتمامك بقضايا مجتمعك

أختى: الكثيرون منا وللأسف خلطوا عن جهل بين الإسلام وبين العادات والتقاليد المكتسبة على مر الأزمان
والتى هى فى أغلبها مخالفة للشريعة السمحاء ومتصادمة معها فى كثير من الأمور

وهذا الخلط يسئ للإسلام
ومنها قضايا المرأة
والمرأة فى الإسلام لست كما يقدمها المجتمع
هى كيان وتواجد له احترامه
ولم تحظى امرأة بما حظيت به المرأة المسلمة فى ظل الإسلام
الإسلام أنهى وأد البنات وأخذ بيدها وأزاح عنها تراب الجهل
وأسكنها المكانة المرموقة
فوجدنا المرأة تتحدث مع نبى الأمة( صلى الله عليه وسلم ) وتناقشه فى المسجد
وتخرج معه فى غزواته وتقف بجانبه وقت المحن مدافعة ومقاتلة بجسارة

ورأينا المرأة تقف أمام أمير الأمة ( عمر بن الخطاب ) رضى الله عنه وتجادله .. ويقول أخطأ عمر وأصابت امرأة
والتاريخ ملئ بهذه النماذج المشرقة والتى كتبت بأحرف من نور
ولكن أين نحن من كل هذا الان؟؟؟؟

بارك الله فيك أختى الفاضلة وأعزك

أخوك
محمد

دنـيـا محيراني(ايناس لطفي يقول...

ايوه فعلا يا شارم شايف التافئه ربنا يرحمنا من التافهئين
-----------------------------------
شكرا جدا يا مراكبي بارك الله فيك هو ده عقل الرجل الاي بيفكر و يعيش صح
----------------------------------
انا موافقك جدا يا دماغ اي لعب في اجنه الله بهدف غير سوي اكيد حرام و غلط------------------------------------
جزاءك الله كل خير يا اخي محمد ياريت الرجال المسلمين يدركوا عظمه الاسلام في تكريم المرأه المسلمه و يكفيني فخرا ان اولاد النبي صلي الله و عليه وسلم الذين عاشوا معه فترات طويله كانوا بنات ربنا يبارك لك عقلك و لك الف شكر

مُرَاقِبْ مِصْرِي يقول...

الموضوع في نظري خطير فعلا... هو طبعا ما زال بيستخدم على نطاق ضيق جدا ومحدود جدا ب في الآخر الأزمة إنه بيحصل وهيحصل وهيستمر حصوله ويتوسع مع الوقت

الأزمة اللي شدتني في الخبر ده زي ما انتي نفسك قلتي هي فكرة إن فيه بشر همج في بلادنا (منهم الدكاترة اللي بتلعب اللعب الحقير ده نفسهم) واللي بيسيئوا فعلا استخدام التقنيات

مفهوم طبعا في التلقيح الصناعي إنك بتتخلصي من بعض البويضات الزيادة... بس إنك تتخلصي منها على اساس الجنس دي مصيبة... الجدلية بتاعة إن هو دا إجهاض ولا مش إجهاض دي جدلية تانية طبعا وفي رأيي المتواضع جدا وأنا طبيب بالمناسبة إن من أول ما حصل تخصيب فبقى إسمه جنين وبالتالي هو إنسان وقتله جريمة

حكاية أربع أشهر والروح بتتكون إمتى دا كلام عبثي لأن البساطة الروح لا تتكون ولكنها توهب من الله وهي من أمر الله ولا يجوز الاستعباط في هذا الشأن وقول إن الروح بتتكون مش عارف إمتى والكلام الفاضي ده

كل بويضة مخصبة هي جنين وكل قتل لجنين (بغير داع طبي يؤثر مباشرة على حياة الأم هو قتل) واعذروا تطرفي إذا كان هذا تطرفا

بالنسبة بقى لوأد البنات تقنيا بعد وأدعم معنويا على مستويات كثيرة فدعيني أقول لكِ أن الأوطان والحضارات لا تتقدم طالما كانت الفئات الأضعف فيها كالنساء والأقليات تعاني من التمييز... وبالفعل شعوبنا وبلادنا باتت ترزح في تخلف عميق بسبب أشكال التمييز المتنوعة

تحية لك على هذا الموضوع الهام جدا

دنـيـا محيراني(ايناس لطفي يقول...

كلامك منطقي جدا يا مينا و تحليلك لفكره بث الروح في الاجنه انا مقتنعه بها جدا لان بجرد حدوث حمل اي تخصيب البويضه انا اعتبار ذلك اعلان عن وجود كائن حي جديد اي كان وقت بث الروح كما يقال و اتفق معك جدا في التميز الذي تشهده اوطاننا العربيه باكمالها هي من بعض اسباب تخلفنا
بس لازم يكون في امل للتغير لازم

شــــمـس الديـن يقول...

السلام عليكم و رحمة الله و بركاتة

ازيك يا دينا
انا مبسوطة اوي من حماسك و نشاطك
ربنا يوفقك

مش عارفة يا قمر انا ليا تعليق علي الموضوع دا

اولا جريدة العربية دي انا مش برتاح لها و بشك فيها لان اخبارها كلها ليها وتيرة واحدة و غريبة
دي حاجة
الحاجة التانية بقي ... ان التقنية اولا مستخدمة في نطاق ضيق جدا جدا جدا , و مش كتير اللي بيقدروا عليها
كمان حتي لو عملوا كدا ممكن البويضات المذكرة كلها تموت و العملية تفشل !!! يعني الموضوع دا الواحد يخاف انه يخل بالتوازن الي ربنا خلقة لو اتعمل علي نطاق عام مش حالات فردية بالمنظر دا

غير ان اساسا اي انسان متزوج اكيد بيدعي ان ربنا يرزقة الذرية الصالحة و لو هو بيظن ان الولاد افضل يبقي مع احترامي ساذج البلاوي دلوقتي طايلة اغلب الولاد لان معدل فساد الاولاد اكتر منه في البنات

ربنا هو اللي بيهب حتي لو الناس تحايلت و اللي بيلعب في الحاجات دي اخرتة بتبقي سوداء :)

MAKSOFA يقول...

ربنا ينجينا من العقول المتخلفه ، والله أنا بأشوف عجب تلاقي الواحده من دول جايبه 3 بنات وبرضه تحمل تاني قال علشان تجيب الولد، وتيجي تشوفي الولد ده يعني لو جه حايورث عرش مصر مثلا ، أبدا تلاقيه طفل عادي لواحد أقل من العادي ،صدقيني ليس الرجال فقط هم من يوأدون البنات ولكن النساء أيضا

أحمد عبد الفتاح يقول...

السوال المهم
هو مين الغلطان ؟
الدكتور ولا الي بيطلب من الدكتور كده ولا نظرة مجتمعنا للمراة ؟
هما طبعا كلهم مشتركين وحاجات تانية كتير معاهم
بس من وجهة نظري الاب الي يفكر في ده ميستاهلش يبقي اب اصلا
حد يطول يبقي عنده بنوته ؟
انا عن نفسي نفسي اخلف 10 بنات واسميهم باسم امي

boshra mohamed يقول...

الحياة بنت + ولد
وايه تسوى الحياة من غير بنوتة حلوة تكبر قدام عنيك
وايه تسوى الحياة من غير ايد مراتك الحنينة لما فى الجرح تطبطب عليك
وايه تسوى الحياة لما ماتلاقيش حضن امك الحاجة الوحيدة اللى كانت ممكن تدفيك
وايه تسوى الحياة من غير حبيبة تقف جنبك وتبوس الحلم فى عنيك
وايه يادنيا الدنيا لما ماتبقاش دنيا هية الدنيا

الربان يقول...

تحياتي

التقنية معروفة... وهي تتيح للزوجين إختيار جنس الجنين...

و في رأيي:

- انه بالرغم من توافر هذه التقنية الا ان مشيئة الله ستنفذ ...بمعني انه بعد الاختيار و ما الي ذلك...قد تفسد العملية كلها...لحدوث إجهاض علي سبيل المثال...او ان البويضة قد تنقسم بعض التلقيح و يكون الناتج تؤام...ذكر او أنثي.....الي أخره.

- من قال ان البنات غير مرغوبات كلامه غير دقيق... لكن نعم هناك بعض الاسر ترغب في وجود مولود ذكر الي جانب البنات...
- اعرف اسرة تتمني ان ترزق بأنثي...
لكن ارادة الله رزقتها بثلاثة ذكور...

- بعض الاحصائيات قدرت ان بالهند يتم قتل حوالي 500000 مولوده انثي سنويا...نعم الرقم صحيح نصف مليون مولودة أنثي يتم التخلص منها في الهند سنويا بعد الولادة .

- ستبقي إرادة الله هي النافذة...و هي الفيصل ...فأنا أريد و أنت تريد...و الله يفعل ما يريد...

تحياتي

ذو النون المصري يقول...

احلي كلمه سمعتها هنا كلمة يامراكبي
ههههههههههه
فعلا المتخلفين دائما ما ينسون ان امهاتهم انث لا ذكور
هههههههههه
فكرني بفؤاد المهندس و هو بيسب جمال اسماعيل و قال له يا امي فجمال رد عليه و قال له هي امك راجل
ههههههههههههه
بالنسبه للموضوع فله جوانب اخري هي جانب العاملين بالدعوه و ليسوا اهلا لها
الشيخ سالم ابو الفتوح في تفسير الاحلام علي قناة الناس
واحده بتساله عن بطيخه حمرا و اخري قرعه قال لها انتي حامل قالت نعم قال البطيخه الحمرا معناها انك هتنبسطي لانك هتخلفي ولد اما البطيخه القرعه فهي تدل علي البنت
و كان بينقل لها الكلام علي انه بيبشرها والست كانت فرحانه و شكرته و دعت له الله ان يوفقه
و سلم لي علي الاحلام و اللي بيفسروا الاحلام
موضوع جيد
تحياتي

دنـيـا محيراني(ايناس لطفي يقول...

شموسه الحلوه شكرا علي التشجيع اما ثانيا عندك حق طبعا بس صدقني الناس بالعقليه ده كتير اوي في اوطان العربيه و نهايتهم سوداء ان شاء الله لو عملوا كده فعلا
-----------------------------------
يا سلام يا مكسوفه جيبتي المفيد تصدقي بقي انا لاحظت فعلا ان الستات هما الاي في عقولهم الافكار الفارغه اكتر من الرجالعشان كده لازم نرتقي بعقول النساء علشان الدنيا ينصلح حالها
-----------------------------------
ربنا يرزق يا احمد بالبنات و الاولاد لان النوعين نعمه جميله ربنا يرزق كل الناس
-----------------------------------
يا سلام يا سيما اختصرت فافدت فعلا الحياه ولد + بنت كلام يوزن بلد
-----------------------------------
عزيزي الربان صدقت الامر كله بايد الرحمن فنحن البشر نلهو في امور الدنيا و نعتقد اننا ممكن ان نفعل اي شيء باردتنا و ننس ماللك الكون التي بيده مصيرنا و امورنا
-----------------------------------
ماشي يا نون مش عجبك مراكبي ماشي يا سيدي - بس انت بقي لمست جزء مهمه جدا و هم اصحاب الدعوه الاي فعلا بيؤثر علي عامه الشعب لما لهم من سطوه الدين الذي يخر امامهم اي واحد و من خلال كده ممكن جدا ينشرو اي فكر غلط و ده فعلا الاي بيحصل ربنا يستر علي امتنا

مريم يقول...

صدقينى دى عاهة فى المجتمع كله
طب ابسط مثل
لما اى حد من اهلى يسمع ان واحدة ولدت
لو جابت بنت يقول طب كويس
ولو ولد يقول ماشاء الله
انا لفت نظرهم للموضوع واكتشفت انها
بتخرج منهم تلقائيا
بننسا ان الرسول صلى الله عليه وآاله وسلم لم ينقطع نسله فى الدنيا بذرية بنته فاطمة
لكن تقولى ايه بقى

momken يقول...

ازيك يا دنيا

اهدى يابنتىلا شويه اعصابك اه الموضوع يزعل بس انتى زعلانه من منين
احنا منعرفش اصلا ان الى اخترعوا الاختراع ده رجاله مش يمكن تكون وحده اقصد عالمه يعنى
كمان ياستى متقلقيش لان لو هما ضد خلفه البنات ربنا ضدهم
لان ربنا فى صف خلفه البنات عاوزة ادله؟
خدى عندك
ربنا لما ذكر خلفه البنات فى القران خلى البنات تسبق الذكور
(ويهب لمن يشاء اناثا ويهب لمن يشاء الذكور ويجعل من يشاء عقيما )
صدق الله العظيم
طالمنا الاناث سبقت الذكور يبقى عددهم اكبر وكمان الى عندهم ذكور اكتر ممكن هم لاينجبون حسب الترتيب برضه
على فكره دى احصائيه
تانى حاجه ربنا جعل كل خلفه النبى بنات
ده كله معناه ان ربنا فى صفك مش فى صهم
اهدى ومتقلقيش

هما لو عملوا كده يبقى انا مش هتجوز
وهضطر اجيب بيضه من السوبر ماركت وارقد عليها لحد ما تفقس علشان اكون اب
بيستهبلوا دول ولا ايه

حائر في دنيا الله يقول...

كمية الاستفزاز التي في الموضوع تستحق فعلاً
ولطن لا تقلقي فالبنات لن ينقرضن، فإذا انقرضن من سينجب ويربي ويرعى ويطلع عين الرجالة!
!!!!

yasmina يقول...

لا تخافي فسنظل هنا على قلوب الرجال
ولنساء المتخلفات اللواتي يساعدن الرجال في نظرتهم الى المراه واللواتي هن ايضا يقللن من قيمتنا

تحياتي

غير معرف يقول...

لن ينتشر هذا الموضوع هذة الأيام
ربما سيشاهدة أحفادى ويتعايشون معة

ومن هنا دورى ودورنا جميعا لزرع الأفكار الإيجابية اتجاة المرأه بداخلهم
كل شئ يبدأ من المنزل

ولن ينشأ صغيرى أبدا على تربية عنصرية لجنس أو لون أو دين

تحياتى لكِ يا جميلة

دينا فهمي يقول...

يا بنتي دي حاجة كويسة
خلينا نبأى عزاز كده ومطلوبين (:

طبعا بهرج
بس ما اعتقدش ان الكلام ده هيتنفز فعلا لسبب.. ان من علامات الساعة ان كل اربع اناث هيبأى قدامهم ذكر واحد.. فبيتهيألي ان في حاجة غلط في الموضوع