25‏/12‏/2007

هل الدنيا بدون نساء افضل ؟؟؟

انا كنت انوي اكتب عن المدون الحر السعودي فؤاد الفرحان و اتكلم عن حقه في الكلام و الظلم الذي وقع عليه بحبسه و اعرض مدي الظلم الذي يقع علي الحريات في وطننا العربي
متخيله ان و طننا العربي به بعض الحريات في الامور الاخري
و لكن النيه اختلفت و سارت في اتجاه اخر عندما وقع تحت عيني خبران
اجد بينهم ترابط غريب من النوع السلبي الموجع للحريه
و اجد فيه الوجه الاخر من التخلف و التدهور الفكري و التميز الذي نعيش فيها
و اصبح يطل بوجهه الكريه و عقله المتخلف في امور حياتنا العادية البسيطه
و ليست المعقده ذات القضايا الكبري و اري فيها مستقبل الحريه في مصر ملبده بغيوم التخلف و العنصريه


و صورة نساء طالبان الالتي كنا يضربن في الشوارع من رجال الامن بمنهتي القسوة و الدنويه للمرأة
و كأنها شيء لا يملك عقل او مشاعر او حتي انسانيه اخاف ان اجدها يوم في مصر
هذه مقدمه لابد منها فبل عرض الخبرين
الخبر الاول انشره دون تدخل مني و هو منقول من موقع مركز الخليج للدراسات بعنوان
عيد بدون نساء
ويقول كاتبه محمد حسونه:
(يبدو أن البسطاء هم أكثر من يدفعون ثمن التطور والتكنولوجيا مثلما هم أكثر من يدفعون ثمن التخلف، وهو ما يؤكد أن الضحية واحدة وإن تعدد الجلادون وتنوعت أساليبهم، ففي ظل التخلف ستجدهم الأكثر حرماناً من التعليم، ومن الحقوق السياسية والاقتصادية والاجتماعية، وفي ظل التطور والتكنولوجيا تجدهم ليست لهم علاقة بكل ما هو جديد ومبتكر سوى الوقوع ضحايا لها أحياناً وكأنهم يكتفون بهذا الدور في مسرحية الحياة.
هذا ما حدث مع نساء وفتيات قريتين في صعيد مصر، حيث دفعن لقاء فرحتهن بالعيد ثمناً لعبث من يعبثون بالهواتف النقالة، ويصورون النساء والفتيات في الأماكن العامة، وهو ما يمكن أن يجلب حروباً وخراب بيوت في هذه البيئات المحافظة، وقد قام شيوخ ورجال قريتي الرزيقات بحري بمحافظة قنا بحظر خروج النساء والفتيات من بيوتهن أيام العيد، لتخلو شوارع القريتين من أي عنصر نسائي، ولتحبس كل امرأة نفسها خلف جدران منزلها بعد حرمانها من معايدة الأقارب وزيارة الموتى والتجول في الشوارع والأسواق خشية أن يحدث ما حدث في عيد الفطر الماضي عندما قام شاب بتصوير فتاة أثناء وقوفها في المقابر المشتركة بين القريتين، لتندلع معركة بينهما راح ضحيتها عدد من الشباب وتحطم العديد من السيارات، وذلك باعتبار أن تصوير الفتاة عار على شباب وأهل قريتها.
وبدلاً من أن يتخذ الكبار في القريتين من القرارات والإجراءات ما يكفل عدم اعتداء من يحمل أي جهاز محمول أو غيره من وسائل تكنولوجية على خصوصية الآخرين وخاصة العناصر النسائية، وجدوا أن الحل الأسهل بالنسبة لهم هو حبس النساء والفتيات خلف جدران المنازل، ليس هذا فحسب بل وصل الأمر الى حد فرض غرامة على من يخالف قرار حظر خروج النساء قدرها عشرة آلاف جنيه مصري.
إن هذا هو القرار الذي يعاقبون به الضحايا أما الجلاد فلم يجرؤ أحد على الاقتراب منه أو فرض أية عقوبات عليه أو حتى مجرد تهديده سواء بالغرامة بسحب هاتفه أو حتى تكسيره.
إنها واقعة بسيطة حدثت في صعيد مصر، ولكن من المؤكد أنها خير تعبير عن واقع يؤكده الكثير من الحكايات والأحداث التي نسمعها أو نطالعها من حين إلى آخر)/
كلمات استاذ محمد حسونه لا تحتاج مني لشرح لانه قال ما اريده بظبط
و المحزن انني عندما عملت عملية بحث عن الموضوع وجدت اكثر من موقع عربي و مصري يؤكدون نفس الخبر اعرض بعض منهم هنا و هنا و ايضاء هنا
الخبر الثاني قد يكون قديم لبعضكم و لكنه محزن لي و اعتبره خبر ملغم في عدده اتجاهات
و هو نص رساله بريديه لاعلان عن مقهي حنان ترك الجديد و ملخصه أصبح هناك مقهى تستطيع
الفتيات والسيدات المسلمات المتحجبات اصحاب المستو الراقي
لذهاب إليه يدعي! «صبايا كافيه»،
ولا يسمح لغير البنات والسيدات المحجبات بالدخول إليه،
و لا يسمح للفتيات المسيحيات لأنهن ممنوعات من دخوله
و الفقيرات بطبيعة الحال نظرا لاسعاره الغالية
تفاصيل الخبر هنا و علي العربيه نت

واحب الان اشرح وجهه نظري في نقطتين :

اولا - بالنسبه للخبر الثاني انا لا يعنني الهدف الذي قام من اجله الكافيه
و لا املك الحق في تشكيك نيه صاحبته و لا انوي الهجوم عليها
و لست ضد اماكن تجمع النساء بعيدا عن الرجال بل انا علي المستو الشخصي
افضلها و اتمني ووجودها بكثره و لكني انظر للموضوع من زاوية اخري
زوايه التميز ضد المرأه من المرأه نفسها اليس يكفيني التميز من المجتمع
برجاله و شيوخه فتاتي ايضاء من النساء انفسهم
و هل النساء المتحجبات هم احسن النساء ام الله هو فقط من يعلم الافضل و الاتقي عنده
هل اصبحنا نحكم علي الناس من خلال مظهرهم لا غير

ثانيا : محاوله عرض الخط المشترك بين الخبران
و هو التخلف و التميز و العنصريه الواضحه و اجدني اكتب خريطه التميز واضحه المعالم
بدايه من الخبر الاول الي الثاني

عنصريه ضد المرأه----- عنصريه ضد المرأة الصعيديه -------عنصريه ضد المرأه الفقيره ---- عنصريه ضد المرأة المسلمه الغير محجبة ------ عنصرية ضد المرأة المسيحيه
تعددت الصفات و المواصفات و ظلت المرأة عنصر اساسي في معادله الجهل و التخلف و العنصريه
شيء من بعيد يطل علينا لا افهمه
شيء من بعيد يعيد تشكيل مجتمعنا في افكاره و سامحته و معتقداته
نيران من تحت الارض ستشب رويدا رويدا في وطننا الغالي بتصرفات غريبه و جديده
علي مجتمعنا تحرق كل ما يرفضها و يقف امامها
شيء من بعيد يؤكد ان المرأة في خطر باختلاف صفاتها و مواصفاتها
شيء من بعيد يؤكد ان المجتمع كله في خطر

و لا اجد في النهايه سواء سؤال حزين و مرير يتردد بداخلي

هل الدنيا بدون نساء افضل لكم ؟؟؟؟؟؟

هناك 46 تعليقًا:

عصفور المدينة يقول...

طب لو حد رد قال آه حتعملوا فيه إيه
ولو الناس كلها قالت لأ هل حتنتهي أزمة إحساس المرأة بالاضطهاد

المشكلة مش ان احنا نركز على تصرفات فردية في الإطار العام ونحاول ننتقم منها ونحملها مسئولية كل المشاكل التفصيلية

يعني مثلا حاضرب مثال بسيط لو حيلنا أزمة المقهى وسمح للنساء اللي مش راقيات بالدخول هل ده حيسعد أو يحل مشكلة الست اللي بتعدي قبل الفجر تلم الحاجات من القمامة

عايز اوقل هي مش معركة ولو معركة تبقى معركة ليها تكتيك مختلف على مستوى كل امرأة

عدى النهار يقول...

تحليل لأسلوب الإعلام الأمنى فى عرض خبر حنان ترك هنا

الطائر الحزين يقول...

اخشى من كثرة الحديث عن العنصرية
هو ما يعمق الفكرة اكثر ويؤصلها نتيجة تصرفات فردية او على الاقل لا تمثل فئة كبيرة من المجتمع

اظن ان حضرتك تقصدى لماذا يصل بنا الحال الى الوصول لهذه المرحلة

فالأزمة ازمة اخلاق وفهم وليست عنصرية واضطهاد

فالذى يصور السيدات فى الشوارع

هل يصور كل من يقابله ام اناس بعينهم

بداية انا لا التمس له اى عذر حتى ولو فى الشارع تمشى راقصة

لكن هناك شبة مسئولية مشتركة


تحياتى على التدوينة

بارك الله فيك

Mohamed A. Ghaffar يقول...

سؤال اجابته بديهية فلن ارد عليه

الحاله الأولى
المجتمع كله سائر فى ظل تخلف وجهل عام وعشوائية فى اتخاذ القرار بغض النظر عن التبعات والحقوق

الحالة الثانية
يبدوا اننا نكيل الحريه بمكيالين وف النهايه لنا الظاهر والله يتولى السرائر
والخلط بين قصر الدخول على المحجبات ووضع الفقيرات منهم فهو خلط فى غير محلة فهل يستطعن مثلاً دخول كاسبر او سلينترو هذا الطرح اضعف فكرتك التى اعيها تماماً

غير معرف يقول...

الحاله الاولي تدل علي واقع مرير تعيشه المراءة في صعيدمصربس تفتكري ما الذي يدعو رجل الي التقاط صورة لامراة تزو المقابر الا اذا كانت لفتت نظرة بفعل ماالمسئوليه علي الطرفين والمشكله في معالجه الموقف الحاله الثانيه عنصريه امراءة ضد امراءةبس عاوزة اطمنك السيدة الفقيرة لا تشغلها الكافيهات اطلاقا كل ما يشغلها بيتها واولادها وسلميلي علي حقوق المراءة حبر علي ورق في مصر

ابو مفراح يقول...

الدنيا بدون الاعمال الخاطئه من الرجال و النساء افضل و ليس النساء فقط
كل عام و انتم بخير
تحياتى ابو مفراح

دنــــيــــــا مـحـيـرانـي يقول...

عصفور المدينه
هناك تميز ضد المرأه و ده حقيقي بتختلف من قصة الي اخري و بتصرفات فرديه بتصب الي المجتمع انا حبيت اعرض صورتين وجدت فيهم صوره تميز صارخه ضد المراه و لو كان مقهي حنان ترك صوره فرديه واضحه المعالم ضد نوع معين من النساء و نظرا انها مشهوره و محبوبه تبقي مؤثره علي عدد اكبر من كونه فرد واحد
و تقدر تقولي الاي حصل في قريتي قنا تبقي ايه هاتبدي بقريه فمدينة فالبلد كلها دول ماكنوش افراد ديه قريه اعداد كبيره
اسمحلي فعلا النساء الان في مصر في خطر و فعلا في معركه مجتمعين في فكره كيف يحترامو من عقول الرجال و لا يقلل من شأنهم مختلفين في تكنيك كل امراه
و الموضوع كله مش البحث عن حل للست الفقيره الموضوع كله عرض لصور تميز ليس اقل اما حل الستات اللي بتعدي قبل الفجر تلم الحاجات من القمامة في ايد من يحاول يرفع مستو الفقر و ينجي هؤلاء النسوه من الفقر و الحاجه و العادي ان الرجال ايضاء مجتمعين في نفس الهم هما كمان بيقوموا في الفجر يلموا الزباله لكن وقت العيد الست لا تخرج و لا تحتفل
تحياتي لتعليقك و فتح ابواب الحوار

دنــــيــــــا مـحـيـرانـي يقول...

عدي النهار
كنت اتمني تعلق علي الخبر الاول
اما تركيزك عن الخبر الثاني انا ؤمن بالحريه الشخصيه و لكن الشخصية المشهورة يجب ان تعي ان تصرفاتها تؤثر في عدد كبير من الناس انا محجبه و احترام الحجاب و المنتقبه اعتبرها فتاه من الجنه لانها رفضت اغراءت الدنيا و لكن لا افهم ان احد يحكم علي و يمنع دخولي بسبب رداء للحجاب او لا لا احكم علي الناس بسبب اللون و او الجنس او النوع او الديانه الحكم للنهاية لله و من يحاسب هو الله و انا ارصد صوره تميز ضد المرأه من المرأه نفسها
تحياتي

دنــــيــــــا مـحـيـرانـي يقول...

الطائر الحزين
شكرا لك كثيرا حضرتك اول واحد يفهم قصدي و يوجه الحوار بطريقه عقلانيه و يرميها في مرمي المسئولية المشتركه
و لكن الاتتفق معي ان الشريك الذكوري في الاغلب يتجه للحل الاسهل و الاضعف و يجير علي المراه
تحياتي لك

bos bos يقول...

الحالة الأول تعتبر تخلف وجهل واضحين وبصراحة أنا مستغربة من الردود اللى بتتهم البنت اللى كانت فى المقابر أنها السبب بطريقة أو بتانية
فيه ملايين البنات محترمين جدا فى كل حاجة وبيتعرضوا لحاجات كتير زى موضوع التصوير دة وأعتقد أن ده عيب فى الولد أو الراجل مش البنت الذنب
لأنها لما تكون كويسة ولبسها وأخلاقها كويسين وتتعرض للمعاكسة والتصوير وغيره وغيره العيب مش فيها ولا ايه

وبالنسبة للحالة التانية المشكلة فى نظرة الستات لبعضها هنا لانهم فرقوا بينهم وفيه تفرقة طبقية فى الموضوع
وبعدين هما المسلمات اللى مش محجبات أيه المانع أنهم يدخلوا وبعدين المسلمات المحجبات اللى على مستوى الكافية ده مين قال أو ضمن أن مستوى أخلاقهم هيكون عالى زى المكان اللى هما داخلينة
المفروض المكان كان يتاح لكل السيدات سواء محجبات أولا وسواء مسلمات أو لا

دنــــيــــــا مـحـيـرانـي يقول...

ا/ محمد عبد الغفار
اولا اول مره اجد كلمات كثيره لك اجدني اسعد بنفسي الذي جعلتك تفيض علينا بكلامك المبدع
ثانيا ردي هو :
اوافق علي كلامك في الحالتين اما الخل بين الغير محجابات و الفقراء اسمحلي صحيح وانا لا اقصد بالفقراء الذين لا يجدون لقمه العيش فهم في هم اكبر من الذهاب الي الكافيهات يمكني خاني التعبير و كنت اقصد الناس العاديه و الذي اكون منهماما لغي المحجابات فهذا واضح و هي ما ححدتته في اعلانها و ليس انا
تحياتي لك و تعليقك عندي في حد ذاته شيء يسعدني بشده

دنــــيــــــا مـحـيـرانـي يقول...
أزال المؤلف هذا التعليق.
دنــــيــــــا مـحـيـرانـي يقول...

غير معروف
قلت كلمتين كويسين و بعدين فوقت و اتكلمت بصوت الراجل الشرقي الاي دائما بيرمي التهمه جزافيا علي الجانب الاسهل و الاضعف و هو البنت مسؤليه مشتركه ايه و انت رميه التهمه علي البنت علي طول
انا اقصد البنت العاديه مش الفقيات المعدومات لانهم بالطبع همهم الاول و الاخير اساسيات الحياه مش الكماليات هي صور استفزتني حبيت اعرضها
شكرا لك
-----------------------------
ابو المفراح
اجزت فنجحت شكرا لك
--------------------------
بوسي
اخيرا صوت نسائي ينقذني
افكارنا دائما متوافقه
شكرا علي المرور و الفهم الحقيقي لوجهه نظري
تحياتي يا قمر

عليوه يقول...

خبرين اغرب من بعض الول خبر عن تخلف العقليات وطريقه حل مشكلاتنا با الطريقه السهله ومش مهم تكون الطريقه الصح والغريب انه اشترك فيه كبار القريتين مع انه المفروض الكبار يكونوا اكثر قدره على التفكير اكتر من تهور الشباب وكان المفروض تكون الغرامه على الشاب اللى ماسك الاداه اللى هى ذات حدين حد ممكن يصور ويتفنن فى اخطاءه فى حق نفسه ومجتمعه وحد تانى هو اللى صنعت من اجله الاداه

الخبر التانى غريب فى كميه الانغلاق اللى فيه كله ممنوعات وكاننا بقينا نتفنن فى طريقه المنع كان فاضل يكتبوا ممنوع دخول اى حد ليه راى او فكر وليه اساسا ما خلوش المطعم ده للستات سواء كانوا محجبين او لا يمكن اللى مش محجبه لما تقعد فى مكان تلاقيه كده تسال وتعرف ويمكن تبقى محجبه بدال ما نديهم الفرصه للتعرف بنعزلهم وكان الستات اللى مش محجبات عندهم مرض معدى لغيرهم من النساء ربنا ينور طريق الدماغ هو احنا ناقصين كمان بينا وبين بعض نعمل عنصريه فاضل واحد يعمل مطعم قبل ما حد يخشه يشهد ان لا اله الا الله محمد رسول الله والدنيا بدون نساء ما تنفعش مين هينكد علينا طيب شويه عنصريه بقه بما انى من معشر الرجال

دنــــيــــــا مـحـيـرانـي يقول...

عليوه
اول راجل ينصفني مش مصدقه نفسي الحمد لله
لسه في امل في رجال يحملون افكار و عقول متحضره
و الله لسه في امل
شكرا يا عليوه و نورتني

Bella يقول...

بداية يجب ان نتفق على ان التمييز ضد المرأة ومحاولة حبسها في البيت ليست قصراً على الصعيد فقط

بل هي منتشرة لدرجة مخيفة ولو تتذكروا احداث التحرش الجماعي التي وقعت في وسط البلد في فترة الاعياد والاتهامات للنساء بأنهن اصل البلاء واس الفساد وباقي الاتهامات اياها

علما بأن المضايقات تطول المحجبات وغير المحجبات وفي اي وقت

عن نفسي مرة كنت واقفة في اشارة مرور وفوجئت بشخص تقريبا يكاد يدخل راسه داخل سيارتي ويلقى على مسامعي الفاظ لو كنا في بلد محترمة اصلا وفيها نخوة ماكان مر حدث كهذا دون عقاب لهذا الحيوان وغيره

لكن الناس دامئا تستسهل اعتبار ان المرأة غلطانة وهي السبب وبتشجع وباقي الحجج التي تل على امراض المجتمع النفسية الدفينة وكرهها لنصفها الآخر ولن اقول اضطهادها فقط

حتى الحجج التي تبرر اي مضايقة تتعرض لها اي ست حتى لو كانت محتشمة تدل على عدم رغبة من المجتمع في حل مشكلة تربية ذكوره ولن اقول رجاله لان مااكثر الذكور في بلادنا وماأندر الرجال فعلا

تماما كما يفعل السعوديون في تبرير امر منع المرأة من قيادة السيارات ويرجعوا الامر لتفشي الفساد وقيام الرجال بمعاكسة السيدات وهن يقودن السيارات
فبدلا من تربية الذكور وجعلهم محترمين الاسهل حبس النساء واخفائهم عن العيون

وماحدث في الصعيد يعتبر اقل القليل من مظاهر التمييز ضد المرأة واعتبار مجرد وجودها في الاسرة عيب لايجب الحديث بشأنه
ونحن في القرن الواحد والعشرين واهلي بالمناسبة من الصعيد ولكن والدي رحمه الله كان مختلفا جدا عنهم

مازلنا عندما نذهب لزيارات عائلية نجد النساء لايأكلن ابدا مع ازواجهن وابناءهن بل ينتظرن بعد ان يفرغ كل ذكور البيت من الاكل ويأكلن مايتبقى مثل سي السيد في ثلاثيته الرائعة

اما مسألة التمييز في حكاية حنان ترك فهي تعبر عن واقع نعيشه في كل مكان ايضا

فنحن مجتمع طبقي بتطرف ويتعامل مع الناس بتصنيفات عنيفة جدا حتى ان من يقل لبسه عن الماركة الفلانية يُطلق عليه بيئة ومن لايركب السيارة العلانية ينتمي ايضا للطبقة البيئة وحتى الموبايلات نصنف الناس من حيث كونهم بيئة او ستايل حسب ماركة الموبايل وامكانياته التقنية

مجتمع مريض وملئ بالعقد النفسية التي تحتاج لعلاج سريع

فلم يعد يُجدي التظاهر بأننا مازلنا بخير والحياة كويسة ولونها بمبي وباقي المسكنات هذه التي نتناولها كلما طفت عيوبنا الاجتماعية

mohand يقول...

السلام عليكم
طبعا انا معارضك تماما في البوست ككل
وفي نقاط كتيره جدااااااااااااا

لكن اللي هقوله حاجه واحده

لو انتي وعائلتك عملتوا مثلا مكان تقعدو فيه
تحت في البيت
وبفرض انه مندرة زي ما بتكون في بيوت العائلات
ومنعتي اي حد يدخل غير افراد عائلتك
اي حد تاني عايز يدخل ليه؟
مثلا يعني
ما عنده اي مكان تاني يروحه
دا بالظبط موقف حنان ترك
طبعا انا مش مع العنصرية
بس اللي بيسبب عنصرية
هو خبر زي ده
هي حره يا ستي تقعد هي واللي عايزاهم
وهي حره ترفع اسعار الكافي بتاعها ما دامت بتقول انه اسعاره مرتفعه
واللي بيرحوا بيروحوا عشان يقعدوا مش علشان يشربوا
دا وجهه نظري في الموقف ده
هي حره
زي ما في امريكا في اماكن لازم تدخلها النساء عريا
وفي ناس في مصر بتتمني انه يحصل في مصر
من حقها بقي انها تقول مكاني اللي يدخله يتغطي
ولا ايه؟

سؤالي ليكي بقي
هل حنان ترك قالتلك او قالت لحد انها شايفه ان المحجبه افضل من غير المحجبة ؟

لو قالت كده يا ريت حد يجيب كلامها ده
ومتحسبوش الناس علي اللي في نفوسهم
والله اعلم هي تقصد ايه لو كان الخبر صحيح

السلام عليكم

علي فكرة الدنيا من غير نساء
زي ما هتكون بالظبط من غير رجال
هتدمر
ومش هيكون فيها بشر

غير معرف يقول...

عندما قلت ان المسئوليه تقع علي الطرفين لم احددمن عليه الجزء الاكبر هل زرتي الصعيدوشاهدتي ازياء السيدات فهي غايه في الوقار والحشمه ومعني ان يتم تصوير امراءة انها من المؤكد فيها شيء مختلف عن الجميع او تتجول بحريه علي اساس جميع الموجودين سيدات واطفال عموما هذةوجهه نظري وللعلم انا امراءة نظرت للامور بطريقه محايدة بعيدا عن النوع شكرا لردك

دنــــيــــــا مـحـيـرانـي يقول...

بيلا
كلامك المفروض يكون بوست مش تعليق
تسلم ايدك
تحياتي
-------------------------------
مهند
يا عزيزي الافعال اهم من الاقوال و هي بتمنع الغير محجبات المسلمات ليه؟؟؟؟؟؟
ممكن تقولي واضحه وضح الشمس المحجبات ينعموا بالكافيه بتاعها و الباقي لا
حريه شخصيه ايه يا مهند الاي بتقولها ده مش بيتها ده مكان عام و هي انسانه مشهوره يعني مسئوله عن تصرفتها و تؤثر في عدد كبير من الناس معلشي الكافيه مش زي المندره
بس كان نفسي تعلق علي الخبر الاول عشان بجد هو الاي يهمني اكتر
شكرا علي الحوار معك
تحياتي

دنــــيــــــا مـحـيـرانـي يقول...

نقول بقي غير معروفه
بذمتك و عينيك واحده رايحه مقابر هاتبقي لبسه غلط ازي فهمني بس
و جميل الاختلاف في الراي لا يفسد للود قضيه عامه
تحياتي

احساس برضوا حى يقول...

عزيزتى
اول خبر طبعا كان المفروض يشوفوا حل تانى غير حبس النساء بس انتى بتتكلمى عن معركة حصلت وشباب ماتوا ويمكن الحظر ده بس السنه دى علشان الموضوع حامى ويمكن فى نساء كتير فرحانة وسعيدة بالحظر علشان خايفه على اخ او اب او ابن ليها كان ممكن يموت فى معركة وخناقه لاكن المهم الحظر ده طول السنة ولا لا ولو على اساس حد يصور واحده طيب ما ده ممكن يحصل طول السنة يعنى الفكرة مش عمليه بس على اد تفكيرهم
الموضوع التانى شوفى من حق اى حد يفتح مكان يحمل بعض الخوصية زى ما فى مكان لازم الدخول بالبدله السموكن مثلا ولا فى حمامات ممنوع النزول فيها بشورت للبنت وممنوع محجابات يشتغلوا فى اعمال كتير اظن ده هو قمة العنصرريه
وانا قريت لفهمى هويدى مقال فى الموضوع ده وبان ان العداء على المحجبات واكيد من حق كل نوعية تفكير تحب تتجمع مع بعضها زى نوادى القضاه او نوادع الاطباء الموضوع مفهوش عنصريه العنصريه ان المكان يكون للجميع ولما تيجلى تخش مسيحيه يقولوها اتحجبى علشان تخشى الكافيه او مكان للجميع ولما بتخش يقولولها اقلعى حجابك هو ده العنصريه بدل للجميع يتقبل الجميع بدل خاص ومحدد لاى ناس بشكل معين يبقا من حقهم
وانتى بتتكلمى على الكافيه ده ليه بالذات انتى مش عارفه ان اماكن كتير فى مصر بتكون ممنوعه على ناس وناس ولا ايه
وانتى كتبتى
عنصريه ضد المرأه----- عنصريه ضد المرأة الصعيديه -------عنصريه ضد المرأه الفقيره ---- عنصريه ضد المرأة المسلمه الغير محجبة ------ عنصرية ضد المرأة المسيحيه
ونسيتى ليه تكتبى عنصرية ضد المرأه المحجبة يا ريت تجوبى ليه ليه ليه
شوفتى وصلنا لايه التدين صعب ندافع عنه فى بلادنا علشان منكنش متخلفيين
تحياتى وكل سنة وانتى طيبة
سلام

فى القلب يقول...

و الله البوست رائع ويناقش قضيه تشغلنا
كلنا وهى عنصريه المرأه للمرأه

عارفه المشكله فى تخصيص شئ وليس تركه على طبيعته مثل قول مقهى للنساء فقط ولم أحدد ما نوع الأنثى أعتقد أن ذلك حل غير عنصرى كما سبق وتكرمتى بالأشاره

دنــــيــــــا مـحـيـرانـي يقول...

احساس برضه حي
مين قال ان مافيش تميز ضد المراه المحجبه يا سيد ي انا محجبه و رفضت في كذا عمل بسبب حجابي و عشان اني امراه التميز ضد المراه موجود و بصورها كتير المختلفه احنا هنا بنرصد حاله قدمنا لكن لو اتكلمنا عن التميز ضد المراه ببختلاف مواصفاتها مش هانخلص المحجبه و الغير محجبه المسيحيه الفقيره و علي كل لون الاي استفزني ان التميز في الحاله ديه اتي من امراه و ممكن يفسر من خلال منظور ديني يعني البلوي بقت اكتر
و كمان عارف لو المكان ده بس للنساء كنت هارحب و هاقول كمان و النبي كمان اما التميز الديني لالانثي اسمحلي مش كل غير محجبه وحشه و كمان ربنا هو الاي هايحسب مش احنا شويه شويه هايكون مكان للرجال بلحية و البدون ممنوع دخوله يارب عرفت اوصل وجهه نظري
اما بالنسبه للخبر الاول كلامك ممكن يكون مقبول من الناحيه العاطفيه زي ماهما شيوخ القريتين اتصرفوا بطريقه عاطفيه يا سيدي في حاجه اسمها عقاب و قانون لو الولد الاي عامل كده اترب و اخد جزاءه مافيش حد تاني يقدر يعملها لكنهم استسهلوا و قالوا نحبس الستات و خلاص يعني هما برضه معالجوش السبب الرئيس و معلشي هو التصوير اقتصر بس علي العيد ما الستات هاتروح طول السنه تضمن منين انه ما يتركرش تاني
ياسيدي لازم نعترف ان الرجال دائما يجوا علي النساء عشان هما الاضعف و يعرفوا يتحكموا كويس فيهم
اسفه علي الاطاله بس كان لازم اوضح
تحياتي لك

دنــــيــــــا مـحـيـرانـي يقول...

في القلب
عندك حق فعلا وا هي ديه المصيبه لو كانت للنساء بس ماكنش حد يقدر يتكلم اما كمان تحديد و كمان تحديد ديني مصيبه و الله
نورتني يا جميل

mohand يقول...

السلام عليكم


اسمحيلي يعني


انا مش شايف فيها اي حاجه

هتشغل قرآن طوال اليوم
وتشغل قناة الناس بصوت عالي
الغير محجبه عايزه تروح تعمل ايه

وبعدين هو مش مكان عام
زي بالظبط نادي الشبان المسلمين
ونادي الشبان المسيحيين

شوفتي حد من الطرفين بيروح نادي التانين ؟

معتقدش يعني

انا لسه عند كلمتي
من حقها ميه في الميه

وحريتها

----------------
الموضوع الاول بقي
انتي مش هتقدري توصلي لتفكير الناس دي
خصوصا قنا وسوهاج
محافظتين صعب جدا تغييري تفكير الرجال والنساء فيهما
صدقيني
لو قولتلي الكلام ده لواحده من القرية نفسها اللي اتمنعوا منها
هتقولك وانتي مالك انتي تدخلي ليه؟
حد عينك محامية عننا
انا واثق من الكلام ده

يا مراكبي يقول...

عزيزتي .. الموضوعين اللي أثرتيهم ما هم إلا واجهة قميئة لفكر مريض متغلل في مجتمعاتنا التي تم بالجهل وعدم الإدراك

تتميز مجتمعاتنا بشيزوفرينيا صريحة .. نسجن السسيدات بدل ما نعالج الجناة .. تكره الست جوزها علشان بيضايقها شوية وتنكد على جوز بنتها علشان معرفش إيه وهي أول واحدة بتوصي إبنها على إنه يدبح القطة لمراته

من الآخر .. المجتمع رجالا ونساء مشاركين في كل ده للأسف

وطبعا الحياة تستحيل بدون نساء .. ورجال معا

شــــمـس الديـن يقول...

السلام عليكم و رحمة الله و بركاتة

ازيك يا دنيا ... عاملة ايه ؟؟؟

شوفي يا سيتي
مصر دي ام الدنيا ... و ايضا بلد العجايب ...
في الحالة الاولي
انت اه متضايقه علشان شايفة ان اللي بيحصل دا تمييز ضد المراة ... لكن علشان تحكمي علي المجتمع و يطلع حكمك صحيح ... لازم تشوف يالخريطة الادراكية بتاعة الافراد هناك ... يعني بيفكروا ازاي و بيحكموا علي الاشياء ازاي ... هناك انا اولا معرفش النساء بيبقي لبسهم ازاي ...علشان اقول هل واحدة لبست لبس يحرض انها تتصور مثلا ... و لكني اعتقد ان العمالو الصنايعية و اردئة الفئات بتاخد اجازة و بتخرج في العيد ... انت جربتي تخرجي في اماكن عامة في العيد قبل كدا ؟؟؟ مع احترامي الشديد و لكن هتلاقي الامر لا يسر ...

اكيد هتلاقي واحد من الصيع دول هو اللي صور البنت ... و حصلت علي اساسة مجزرة ... لانك متعرفيش هناك الشباب ممكن يكون عندة كبت او خيالة مريض او اي شئ و يعمل في الصورة اشياء لا يرضي احد عنها هناك ... هناك مجتمعات غيورة و منغلقة و كلام الناس فيه المحرك الاساسي للاحداث يعني انت مش تعرفي المجتمع هناك بيدار ازاي و مش عايزة اقول لك انا اتعاملت شوية في حي شعبي و كان اللي بيظلم المراة هي المراة ! يعني اللي يقول لك ان الست متعرفش لا تعمل اي شئ هو الست اللي زييها !!! طبعا دا قلة مستوي تعليمي و ثقافي بدرجة اولي و بجد اصعب شئ علي الاطلاق انك تغيير فكر مجتمع مغلق زي مجتمعات الصعيد

الامر اعقد من هذا عزيزتي

اجي بقي لموضوع حنان ترك
اولا انا قرأت الخبر من مصدرين مختلفين و مش عايزة اقول لك ان كل مصدر تكادي تحسي انه بيوظف الحدث لخدمة اغراضة و الحقيقة تضيع ما بيه هذا و ذاك !!!!التحيز الاعمي ضد الاسلام و التحيس ايضا مع الاسلام

لكن انا شايفة انها و بصراحة حرة تعمل اللي هي عايزاه لان فعلا فيه اماكن لا يدخلها المحجبات ... و هي لو هتشغل قران طول اليوم اكيد دا مش هيناسب فئة معينة اللي هما غير المسلمات ...

اشكال التمييز العنصري بقيت كتيرة اوي في مجتمعنا و طالما بقينا مجتمع ليبرالي يبقي مش تستبعدي ان اي حاجة تحصل فيه ...و في الاخر اللي معاه فلوس هو اللي بيتحكم و ظط في اي حد بيتكم

لانه من يملك هو من يحكم

دمت بكل الخير

nour el 3ozamaa يقول...

كل عام وانتم بخير وادعوكم لمشاهدة موضوع فضيحة جامعة القاهره وهذا الموضوع اقسم انه حقيقي

تحياتى

al3ozamaa.blogspot.com

عدى النهار يقول...

لا أعتقد إن فى إختلاف على وجود عادات كثيرة محتاجة تنقية وتغيير لكن أيضاً طريقة عرض الأخبار لا تخلو من تصعيد لصور سيئة
يعنى الخبر الأول كنت أتمنى إن الصحف التى نشرت الخبر كانت زارت القريتين وقامت بعمل صحفى سليم وبعد ذلك نقلت الصورة وإستخدمت عناوين محايدة. للعلم نفس الخبر كان ممكن نشره بعناوين صحفية تغير نظرة الناس لما حدث مثلاً "عشرات الفتايات بقريتين فى صعيد مصر تتحدى بشجاعة قرارات مجحفة لرجال وكبراء القريتين". وده فعلاً حصل لكن تم نشره فى اللينك فى البوست مسبوقاً بكلمة "الطريف". ما وددت قوله هو أن صياغة الخبر فيها الكثير من الإثارة والإستخفاف بالناس

بالنسبة للخبر الثانى مش فاهم هل الإعلان عن من طرف أصحاب المقهى يقول أنه مفتوح للمحجبات فقط والطبقة الراقية فقط أم أن الخبر أيضاً تم نشره بهذه الصورة من أجل الإثارة؟ لا تنسي أن روزاليوسف المعروفة بتوجهها هى التى نشرت الخبر بهذه الصورة المستفذة. أنا ممكن أنظر للمقهى نفس نظرتى لأماكن الترفيه الموجودة بالبلد ودخولها عملياً محظور على فئة عريضة من المجتمع رجال ونساء ومسلمين وأقباط بسبب تكلفة دخوله وبدون إعلان عن ذلك. وعليه ممكن نأخذ خبر المقهى من روزاليوسف ونطلقه على هذه الأماكن مع تغير كلمة المقهى للنادى الفلانى أو المول أو المحل أو ..... الفلانى

دنــــيــــــا مـحـيـرانـي يقول...

عزيزي مهند
نادي شباب المسلمين و المسيحيين واضح وضوح الشمس هو غرضه ايه و حتي دول ساعات كتير بيدعو بعض المختلفين عنهم في الندوات و في بعض اعمال جميعيتهم و مش بيمنعوا الشباب الغير ملتحي مثلا
اما و حياتك كافيه اكل و شرب وشراء عبايات و اكسسورات و قعدات حريم هايبقي في ايه عايزه جمعيه الشابات المسلمات تقول و تعلن مش تميز
ثانيا هو سمع القرآن و قناة الناس مش بيسمعهم غير المحجبات بس و لا هما مسلمين و التانين دول مسلمين درجه تانيه
كلمني بالمنطق يا مهند لا هو دفاع او نقد علي طول الخط
اما بالنسبه للقريتين معنديش تعليق غير فعلا لو صدقت كلامك يبقي هاشوف فعلا الفيلم الخاص بضرب النساء بطالبان زي ما عرضته عن قريب جدا في الصعيد
و يقوله انتو دخليكوا ايه لو ده في بيت اي حد منهم اما قانون يسري علي قريتين كاملتين احنا عايشين فين هنا
المنطق يا مهند
تحياتي

دنــــيــــــا مـحـيـرانـي يقول...

يا مراكبي
كنت فين يا راجل من زمان صوت رجالي ينقذني من الفيضان الذكوري ضدي
انت فسرت باجاده ممتازه ما يحدث بالفعل
تحياتي
----------------------------
شموسه حبيبتي
تحليلك في كتير من المنطق و الاي ممكن فعلا اقول احتمال في الخبر الاول بس برضه لا اعفيهم من سهوله اختيار الحل
اما بالنسبه للحنان ترك
يا بنتي هي عايزه جمعيه اسلاميه تقول
اما عايزه تجمع نسائي تبقي للكل مش تخصص و في كتير فعلا مش محجبات لكن و الله فعلا احسن كتير من محجبات في اخلاقهم و سلوكيتهم و احساسهم بربنا اما انها تحدد انا رافضها بشده
كمان ده مكان عام مش بيتها تحدد زي ما هي عايزه و انسانه مشهوره و تؤثر في عدد كبير من الناس لو كل واحد سيبنا يعمل الاي هو عايزه يبقي تاني يوم هنلاقي البلد في فوضي عارمه
ربنا يستر تحياتي يا جميل

دنــــيــــــا مـحـيـرانـي يقول...

عدي النهار
اشكر مره ثانيه علي الاهتمام بالتعليقك اوافققك الراي بالنسبه للخبر الاول و بالفعل ممكن اننا نفتقد الحقيقه الكامله للخبر لعدم وجود تغطيه فعليه للموضوع و لكننا لان ما امامنا و هو يقول حاله صريحه من التميز
اما بالنسبه للخبر الثاني
موافق جدا في اماكن من بعيد كده بتقول او تفكر انك تحلم بيه مش تدخله و ديه معروفه لاصحاب الطبقه الغنيه بكل انواعها
يا سيدي نحن نعيش عصر التميز لكل شيء و اي شيء و لكن اكثر الاشيءاء تميز ضد المراه باختلاف صفاتها و مواصفاتها
تحياتي ثانيه علي التعليق

barb michelen يقول...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

احساس لسه حى يقول...

عزيزتى
انتى قولتى ان فيه تميز ضد المرأه المحجبه بس فى البوست مقولتيش كده قولتى التميز ضد اى أمراه بس نسيتى المحجبه مع انى بشوف ان بيحصل معاها اكبر تميز ولو متعرفيش اطلبى منى امثلة اجبلك
كمان التميز لو فى كافيه اظن مش هيضر حد لو اعتبرناه تميز يعنى ادامك الف كافيه غيره تفتكرى لو نساء مسحيات عملت تجمع فى كافيه كان هيحصل المشكلة دى الموضوع كله ترصد لاى شئ علشان نقول ان الفنانة دى وحشه وعنصريه
شوفى كفكرة اعمل كافيه اللى يخشوا محجبات بس يمكن فيها شئ جميل ان اى واحده مش محجبه تحس انها مرفضه من فئه معينه او بعض الفئه دى وهن محجبات صدقينى ممكن انسانه تتحجب بسبب موقف زى ده كمان موضوع اللى غير الحجاب انتى سويتى سنة بفرض الحجاب اظنه فرض
وعلشان متعبكيش البلد دى المتدين فيها هو اللى بيحصل معاه عنصريه واعرف سباب علشان اللحية اتفضوا فى شغل كتير ونفس الشغل اتقبل فيه مسيحى يعنى شوفتى التميز والتفضيل وصل لايه
من الاخر احسن تخنقينى علشان التطويل خلى فيه خصوصيه بس لو جت على كافيه او نادى يبقا سهل لاكن لما الموضوع يمس اكل العيش والشغل ده اللى يضايق
موضوع شويخ القريه زى ما قوتلك ممكن تكون النساء موافقين ومرتاحيين لكده
والموضوع موضوع سنة وبس واظن مش هيتكرر تانى فى تفاصيل فى الموضوع يمكن مش عرفناها ودى دايمن المشكلة خبر يبرز تفاصيل ويضيع تفاصيل تانى
تحياتى واسف تالت للاطالة
كل سنة وانتى طيبة
سلام

شـــــهــــروزة يقول...

والله مش عارفة اقولك اية

الخبرين لما قريتهم فى وقتهم صدمونى لدرجة مقدرتش اعقب على اى حاجة منهم

الصعيد
والشرق عموما
عادته ولا حيشتريها؟؟؟
الضحية فى النهاية هى الجانى
وناس محدثة تكنولوجيا
بدل ما تستخددمها كما انتجت له
مبقاش وراهم اى حاجة الا تصوير البنات والسيدات
يا سلام يا سلام
فعلا الفراغ بيعمل أكتر من كدة
أعاد عليا أحداث السعودية لما حصل زى كدة لكن فى المطاعم و الحدائق العامة وكدة ، وتداولها بالبلوتووث فيما بينهم وهم قاعدين حتى بدون سابق معرفة
حاجة وساخة وهبل يعنى
فقررت السعودية قرار عجبنى وقتها كعقاب لهم على سؤ استخدامهم ما فى ايديهم
ممنعتش النساء من الخروج من بيوتهن
لكن منعت استخدام الهواتف النقالة المعتمدة على خاصية البلوتووث والتصوير كمان
لكن لم تستطع الحكومة هناك من الصمود كثيرا لضغوط الشعب المتمدن اللى مبقاش يستغنى عن البلوتووث ولا الكاميرات فى الموبايلات
لكن منعت تواجد الشباب بمفرده او كشلة مثلا او صحبة فى اماكن تجمع العوائل
ولازم اللى يتفسح يكون معاه أمه أو أخته أو زوجته وهكذا

وخصصت شرطة مخصوص لمراقبة الأماكن دى وخصوصاااا لو حد معاه موبايل بلوتووث وماسكه فى ايده
يبقا يومه مالوش لون

دة فى رأيي عقاب افضل من عقاب الضحية
اللى ميقدّرش قيمة التكنولوجيا اللى فى ايده
يبقا لا يستحقها


لكن حنان ترك اعتقد انه كان منتجع تجميلى عالى التكلفة قررت انها تعمله لنساء محجبات من طبقة معينة
الهاى كلاس يعنى
قال يعنى هم محتاجين منها الخدمة دى

يبدو ان السيدة حنان ترك تناست عمدا مع سبق الاصرار والترصد ان هناك أميات من فتيات وسيدات الوطن حرمن من ادنى حقوق التعلين لأنهم لا يملكن حق مصاريف المدرسة أو الكتب
واتجهن للعمل وكسب قوتهن بأكتاف تناطح أكتاف الرجال

وللمصادفة

لا يحتجن الى مراكز تجميل ولا ترفيه
فاللى فيهم مكفيهم

يبدو أنها تناست ايضا المرأة المعيلة التى يزخر بها مجتمعنا الآن وتحتاج كل مليم من ذوى الخزائن لتنمية عائلتها وازهار اعمالها لكى لا تمد يدها بالاحسان او لطلب الصدقة من هذا وذاك لتربية ابناءها

كان الأولى بها تخصيص ولو ربع ما دفعته فى هذا المنتجع الفضائى لرعاية أولاد الشوارع اللى عملت عنهم مسلسل مخصوص قطع قلوبنا وهز مشاعرنا
أو للمصحات النفسية للغير قادرين زى ما أظهرتها فى أحداث مسلسها الأشهر سارة؟؟؟

ولا هو تمثيل علينا والسلام؟
والمخرج عاوز كدة؟
والسبوبة حكمت و السلام؟؟؟؟

ويأمرون الناس بالبر وينسون أنفسهم؟؟؟

الناس دى يا عزيزتى بتخاطب ناس من كوكب تانى عايشين فى بلد تانية

لا هم منا ولا احنا منهم


وأعتذر عن التطويل
تحياتى

دنــــيــــــا مـحـيـرانـي يقول...

احساس لسه حي
يا عزيزي ان مافيش تميز ضد المراه المحجبه انا محجبه و عانيت و مازالت اعاني من تميز ضد حجابي
عشان احدد كلامي اكتر
يوجد تميز عام م م ضد المرأه باختلاف صفاتها و مواصفاتها و الاي شايف غير كده يقول امثله و زي ما قولت عندك سيبك من كريمه الستات الاي في المجتمع و اتكلم علي الاغلب و الاكتر
التميز موجود و الاي عرضه صور منه و تميز ضد المراه و تميز ديني كمان كمان الاي بيحدد دخول الناس علي اساس ديني انا اعرف بيكون هئية دينيه جمعيه دينيه حاجه واضحه وضوح الشمس
اما تقولي ده ممكن يجذبالغير محجبه عشان تتحجب اسمحلي كلام غير منطقي تنفيذ فرض من فروض الله مش بالعافيه و سهل جدا واحده مسيحيه مثلا تلبس طرحه و تدخل مش هاقول مسلمه عمر مكان تنفيذ فروض الله بالطريقه ديه هو ايه الاي يهم المظهر و لا القلب
اما بالنسبه للقريتين لو كنت اقرايت اللنكات الاي وضعتها هتلاقي في نفس الخبر ان في بعض البنات رفضه الكلام ده و تحدوا الحظر و خرجوا و مين ده الاي هايرضه او يكون سعيد بانه محبوس و ممنوع من الخروج و كمان في العيد
كلامني بالمنطق يا حسام ارجوك
كلامك لما يطول انا لا بتخنق و لا حاجه هي فرصه للحوار و محاوله توصيل الافكار
منورني دائما حتي لو مخالفني علي طول الخط
تحياتي

دنــــيــــــا مـحـيـرانـي يقول...

شهروزه حبيبتي
زعيمه نساء التدوين
كل كلمه قولتيه جاي علي الجرح قوي بالنسبه للخبر الاول اول مره اعرف ان السعودين فكروا بتعقل و الله في الموضوع ده بجد برافوا عليهم يجوا الشيوخ الاي عملين حماه العرض و الشرف يشفوا الناس هناك اتعملت ازي
اما بالنسبه لحنان ترك عندك حق الستات الغلابه اصلا ممكن ما يعرفهش هم معندوهمش وقت للفرجه علي التلفزيون و قرات اخبارها هما كل همهم ازي يدبروا حياتهم اللي اخر الشهر
تصدقي يا شهروزه انا ابتدات احس ان غلط لما ربطت من الحالتين عشان الاتنين ناس غريبه عن بعض خالص
منورني دائما
تحياتي

شـــــهــــروزة يقول...

لاء طبعا ربطك بين الموضوعينن قيم جداا
خصوصا من الزاوية اللى انتى شفتيهم بيها.. ودى زاوية خاصة بيكى تماماا محدش شاركك فيها قبل كتابتك عنها على فكرة

ازاى بنطالب بمعاملة عادلة وانسانية لنا واحنا أول من ننتهك انسانيتنا بأنفسنا ونرجع نلطم ونصرخ من تمييز المجتمعات الشرقية لنا؟
اذا كنا بنصنف نفسنا كنساء تصنيف طبقى؟
دول سيدات هاى كلاس
ودول نص كلاس
ودول نص نعل
ودول بانص خالص

وفى الخبر الأول تركهم للجانى اللى يمتلك سلاح الجريمة كمان
ومسكوا فى الغلابة مكسورين الجناح وحبسوهم
الحريم

انا اعتقد انك ربطتى بامتياز بين الحالتين

تحياتى فعلا على الموضوع

---------

كسفتينى يا شيخة باللقب الأولانى دة
والله وشى أحمر

حتى شوفى؟
(وش أحمر ومكسوووف)

mohand يقول...

السلام عليكم
:(:(:(:(:(
منطقية
يعني منطقية الحرية مش موافقاها
علي اعتبار ان حنان ترك بما انها مشهوره تبقي مسئوله عن الشعب كله
طبع انا مش نقد بغرض النقد
بس انا حتي الان برضه بدعم حنان ترك وموافقها ميلون الميه

انتي كل اللي في دماغك انه تمييز ضد المسيحيات والغير محجبات علي اساس انهم اخلاقهم وحشه وخلافه
موضعتيش مكان للخصوصية اساسا

انا هعمل نادي بكره واسميه نادي الاهلاوية
وممنوع منعا باتا اي حد يكون منتمي لاي نادي تاني يدخله
حد هيقولي ليه كده؟
انا حر والنادي منتمي لمشجعي النادي الاهلي ومحدش غيرنا يكون فيه

وبعدين الخبر كان هجوم علي المحجبات
في بلدك اللي بتديهم حقهم قوي
وبتمنع المنتقبات من دخول وزارة الاوقاف حضرتك

وبعض جهات في الدولة وادخلي عند مدونات منتقبات واقري بيكتبوا ايه

هتقوليلي ما انتي ضد ده وده
هقولك لا هما بقي ضد ده وده لاء
هي روزاليوسف منها لله دايما
---------------
بالنسبة لموضوع الصعيد
انا هعمل اتصالاتي مع بتوع قنا واعرف منهم القصة صح
وهبقي ارد عليكي

محمد الجرايحى يقول...

الأخت الفاضلة
السلام عليكم ورحمة الله وبركاته
وكيف تستقيم الحياة بدون النساء؟؟؟
إن الرجال والنساء ..هما معاً قوام الحياة...
إنه لشئ مؤسف أختى أن تحدث مثل هذه السلوكيات والأفعال على أرض الإسلام
هذا الدين الذى أجل المرأة منذ مبعثه
ووضعها فى المنزلة الرفيعة وشدد نبى الإسلام ( محمد صلى الله عليه وسلم)على حسن معاملة المرأة وكان من آخر وصاياه إكرام المرأة....

أختى : لقد أصبح البون شاسع بين الإسلام وأبناء الإسلام

تقبلى تقديرى واحترامى
أخوك
محمد

دنــــيــــــا مـحـيـرانـي يقول...

شهروزه حبيبتي و الزعيمه فغلا
لفب تستحقي عن جداره يا عزيزتي
تحياتي
----------------------------
مهند
يا عزيزي انا موافق ان روزاليوسف متخصصه في رفض اي شيء متدين في بلدنا موافق جدا لكن مش معني شيء حصل فعلا غريب ما نصدقهش
انت مؤيد لتصرفاتها لك الف حق و انا رافضها لي الف حق
و يا سيدي التميز ضد المحجبات و المنقبات و اضح جدا و انا عنيت و مازالت اعاني منه لاني محجبه لكني رؤيتي للحريه لا تجعلني احكم من خلال غطاء الراس او الوجه او اللحيه و لا احكم علي غيري انني افضل منه من الناحيه الدينيه لاني محجبه هذا خطا و اكبر خطا نقع فيه الان و اسميه التدين الظاهري
كمان يا سيدي هي غير مسئوله عن الشعب كله كلام محدد انها تؤثر علي عدد كبير منهم لانها مشهوره و محبوبه
اتمني ان تتقص عن قصه قنا بجد عشان فعلا الموضوع ده هو الاهم
تحياتي لوجودك عندي دائما

دنــــيــــــا مـحـيـرانـي يقول...

محمد الجريحي
اخي العزيز ليت يوجد رجال بكثره مثلك في مجتمعنا لو وجدوا الدنيا هاتتغير للاحسن اكيد
تحياتي

احساس برضوا حى يقول...

عزيزتى
برضوا بكرر انتى لما قولتى فى تميز ضد المراه ليه مقولتبيش فى البوست ضد المراه المحجبة ما انك بتعانى منه وانا بشوف التميز ضد المحجبات اكتر ما بيحصل ضد المسحيات يعنى
تانى شئ لو كافيه اتعمل للمسحيات فقط مثلا هيشغلوا فيه ترنيم مسيحية وجنت محجبة اعترضت على الكلام ده هتفرج عليها خلق الله وكله هيقول يعنى خلاص الكافيه ده يا بلاش يعنى حبكت الكافيه ده علشان كده زعلان من اهتمامك الزائد حتى لو فيه منع لانه فى الاخر كافيه مش شغل اظن كافيه من عشرة الاف كافيه لو للمحجبات بس مش مشكله عارفه بقه لو مش فنانة اللى عملت كده مكنش هيحصل اى كلام فى الموضوع وهيبقا عادى انا اشوف الموضوع يزعل اوى لو شغل عمل مش كافيه اظن ده شئ مش هيضر اى حد اما الموعظه الله اعلم بقه مش انا وانتى اكيد لما واحده من الف واحده هتعدى عليه وتعرف انها ممنوعة تخش هنا لانها مش محجبه يمكن تفكر تتحجب بقول واحده من الف واحده ومش علشان الكافيه بس اكيد هيكون فى حاجات تانى اثرت فيها والكافيه ممكن يكون اخر سبب او من الاسباب
ممكن يحصل كده ولا لا اكيد ممكن
والمسحية اللى هتلبس طرحه علشان تخش ليه هتعمل كده هى هتخش الجنة وياستى لو واحده فكرت تعمل كده كويس هتسمع قران وكام حديث جوه يمكن تعلن اسلامها
خلينى نتكلم فى الواقع والمعقول بس
واظن الكافيه ده مش شئ مهم قوى هنحرم منه المسحيات هستنا بوستات منك بقه تتكلمى عن الاعمال والاماكن وبعض الشغل اللى بنسمع كل يوم ان مرفوضه علشان محجبه شغل مش كافيه اظن الاهم فالمهم والشغل اهم من الف كافيه
كل سنة وانتى طيبة
وانتى قولتى طول برحتك استحملى بقه
سلام

دنــــيــــــا مـحـيـرانـي يقول...

عزيزي حسام انا عرضت صوره استفزتني فعرضتها اكيد هاتكلم عما انا نفسه بعاني من تميز ضد حجابي ده اكيد بس ده مش معني اني لا اتتكلم عما اراره ضد حريه الاخريات المخلفات معي في الشكل و الديانه كما اريد ان لا اتميز بسبب حجابي ارفضه لغيري ممن يخالفوني هي ديه الحريه الاي فاهمها و بكتب بيها
و عندك حق مش الكافيه هو الاي حاجه كبيره في حاجات اكبر و اهم المشكله زي ماقلت انت انها مشهوره بالتالي بتاثر علي عدد كبير من الناس هو ده الخطر عشان المشهور مؤثر عشان كده بيستفدوا منهم في اي شيء عايزين يروجوا عنها فاهمني
و ياسيدي لو واحده من الالف اتاثرت و اتحجبت خير و بركه بس بيني و بينك معتقدش
منورني دائما
تحياتي

ibn_abdel_aziz يقول...

نعم فيه تمييز ضد المرأة وأنا أعرفه بالأرقام في مجالات عديدة وكثيرة
وهو تمييز مبني علي فكرة أن الذكر أفضل وأقدر وهو الذي يحمي ويرزق
وهي فكرة يجب أن يعاد نقاشها حسب الظروف الواقعية والتاريخية بل وكذلك الوضع الاقتصادي والسياسي

هناك نساء يستحققن الذبح ؟ وأكثر ما أصابني من أذي كان من نساء اكتشفت فيهن اللؤم وخبث الباطن
لكن لا استطيع ان أعمم
بل أزعم ان كثيرا من النساء يلجئن الي الحيلة والكيد لانهن تعودن علي ان هذا هو الاسلوب الامثل لتخفيف الخسائر لان الاصل هو حرمانهن من الحقوق

وبالتالي حتي الرجل الذي يقدم لامراة يد الاكرام والفضل قد تنهشه امرأة لا تصدق انه مختلف لان الاصل هو العكس للاسف

قصص التمييز والسحق اكثر من ان تحصي وهي عديدة بعدد شعر رأسي
وبعضها يشيب لها الولدان
وانا املك منها حقائق لا روايات
منها علي سبيل المثال
وهي قصة موثقة في محاضر شرطة دولة عربية اطلعت عليها ضمن قصص اخري كنا نحصيها لمعرفة حجم تفشي ظلم النساء الاجتماعي
كانت هذه القصة

شاب اعتدي علي اخته جنسيا وتعود علي ذلك وحاولت البوح فخافت من اهلها ولم تعرف الا صديقة لها التي نصحتها بالهرب

للاسف الفتاة حبلت من اخيها وحاولت الاجهاض ففشلت

تم اكتشاف الحمل وعرف الاب والام ان الفاعل هو الاخ
ماذا حدث للاخ ؟
لا شئ
الام قادت حركة اعدام ..اي نعم..الأم
قامت باستدراج الفتاة وسقتها شرابا مخدرا
ثم بقروا بطنها وقتلوها وجنينها حتي يتم اخفاء معالم الجريمة
وحتي تنتهي القصة ولا يتم تلويث شرف الاسرة

الشاب لم يحدث له شئ
والذي نفذ الاعدام الاب والاخ ..الاخ المغتصب

والام خططت

وتم دفن الفتاة ببطنها المبقور في الصحراء

سمعة الاسرة في مجتمعات مزيفة سمحت بجريمة مثل هذه
والادهي ان الام تلك المرأة الاخري ....ظلمت ابنتها بلا اي احساس بالذنب
لانها هي الاخري مغسولة الدماغ في نظام بشع

التمييز والوصم وسحق الحقوق هي امور انااراها كل يوم بعيني
تحدث من الجميع حتي الذين يقولون قال الله وقال الرسول
وهم اكثر الناس ظلما احيانا

والله اعلم

صاحب المضيفة يقول...

هو الموقف صعب فعلا

لكن ساعات بتحكم الواحد بتصرفات معينة لازم يعملها

ممكن من باب الحب

وممكن من باب العشرة والألفة وطول الحياة مع الطرف الأخر

يمكن ؟؟؟؟

لكن يظل الاحتمال له حدود في النهاية

دمت بكل الخير