31‏/12‏/2007

مبروك يا وائل


احيانا تختلف مع افكاره و كثيرا تصفه بالجرئ و الباحث عن الحق في كل مكان

يطلب الحريه لكل انسان و يرفض الظلم لاي شخص

يطلب القصاص و اظهار الحقيقه دائما

لا يخاف يريد الحق للبسطاء

يريد الحريه للمظلومين

مفجر الخبطات الصحفيه الجرئيه

و هو الان علي قائمة الغير مرغوب فيهم من الجهات الأمنية

و منتظرين وقوعه في اي لحظه فهو خصمهم الاول

هو من جعل للمدونينين صوت مسموع

و جعل الكثير يهتم و يدخل الي هذا العالم الجريء

الذي يحمل الكثير من صفوة عقول الجيل الحالي

هو من جعل للتدوين رسالة حقيقه لكل من يبحث عن الحق في هذا البلد

و يبحث عن حقوق المظلمين بارضها

و يريد الحريه لها و لعقول اهلها

هو من يحمل رايه التدوين و حارسها

ان اردت ان تعرف اخر شيء يحدث في مصر فاذهب عنده تجد المفيد

اسميه عن جداره

زعيم المدونينين

لذلك ليس من العجب ان تختاره شبكه
و تضعه في المركز الاول

هذا فخر للمدونينين المصرين و العرب ايضاء

انا اتكلم عن وائل عباس

هذا المدون الحر

الذي لا اعرفه شخصيا و لكني من المتابعين له

و لا اخفي سرا انني دخلت عالم التدوين بعد ادماني لمدونته الواعي المصري

وهو من شجعني بدون معرفه سابقه نهائيا لدخول هذا العالم الجميل الذي وجدت فيه ضآلتي

و عرفت من خلال افكاره و كلماته ان من الممكن ان تكشف الظلم و تجد من يشجعك

بل من الممكن أن الحق يأخذ مجراه

و هذا ما حدث في قضية عماد الكبير


زعيم المدونينين
وائل عباس

الف مبروك ك ك ك ك

تستحقها عن جداره و شرفتنا يا بطل

هناك 12 تعليقًا:

Mohamed A. Ghaffar يقول...

ليس زعيمى انا على الأقل

دنــــيــــــا مـحـيـرانـي يقول...

محمد عبد الغفار
لا احد يتفق علي احد طول الوقت
تحياتي

البنت الشلبية يقول...

انا مبحبوش
قريت مرة انه سافر فى شهر لحوالى اربع بلاد
منين جاب الفلوس للسفريات دى كلها
بيقولو بيغطو مؤتمرات بتتكلم عن الحرية
مقولناش حاجة الحرية حلوة بالذات فى بلدنا
لكن ده ياريته بيعملها علشان البلد
ده واحد حقق مصالح شخصية ليه واضحة اوى كمان اسلوبه كله شتايم
زى ما يكون واحد بيتخانق مع واحد فى حارة ..
اعرف ناس كتير مبتحترمهوش
=======
سيبك انتى
كل سنة وانتى طيبة السنة الجديدة الهجرية والميلادية

mohand يقول...

السلام عليكم

ههههههههههههههههههه
مش معقول كل بوست هقعد انتقد
طيب هتقولي مستقصدك

اتفق مع الاستاذ محمد انه مش زعيمي طبعا
دا غير ان علاء هو اللي قبله في التدوين
وبيقال عنه شيخ المدونين وزعيمهم
رغم اني برضه لا اعتبر التاني شيخي او زعيمي
-------------
اتفق مع البنت شلبية برضه في النقطة اللي قالتها
--------------
هو فاز بالجائزه نتيجة التصويت
والتصويت ده اللي عن طريق مدونتة والاعلان فيها وفي باقي المدونات

وعيز اقولك عن معلومة في نزاهه التصويت ومشكلتة معانا احنا كعرب

التصويت علي الانترنت يتبع الضمير في الاول والاخر
يعني الامريكان والاوربيين
بيدخلوا يصوتوا مره واحده بس
عشان كل واحد ياخد حقه
حضرتك احنا بنقعد نصوت لما نملي الصفحة تصويت
واحد هيشكك في كلامي ويقول بس الاي بي بيظهر
هقوله اعمل ريستارت للروتر بتاعك
وادخل باي بي جديد
ولا هيظهر
طبعا انا بشكك في التصويت عبر الانترنت ليس الا
----------------
وعموما اتفقي معاه برحتك
بس انا لا اتفق معاه تماما
واللي بيذيعه ده مش جهد شخصي منه
الناس هي اللي بتبعتله الكليبات علي الايميل
يعني هو ما هو الا وسيلة


تحياتي

mohand يقول...

اه نسيت كل سنه وانتي طيبه

محمد الجرايحى يقول...

الأخت الفاضلة : دنيا
السلام عليكم ورحمة الله وبركاته
أشكرلك نقلك للخبر وأكيد هذا الفوز
خطوة فى صالح التدوين...
تقبلى تقديرى واحترامى
أخوك
محمد

غير معرف يقول...

تم إعادة افتتاح بلوجرز تايمز لسان المدونين العرب

http://bloggers-times.blogspot.com

دنــــيــــــا مـحـيـرانـي يقول...

لا يوجد انسان يتفق عليه كل الناس ده اكيد و للن نختلف من الزعيم او الشيخ المهم ان وائل وجه مشرف للتدوين و ناسه و الجايزه اكبر دليل
و ممكن فعلا انه بيرسل له كل شيء طب يتحمل المسؤلية ليه ؟؟ و يضع نفسه في وش الداخلية ليه؟؟؟
و علي العموم
و ياريت نكسب زيه حد يكره
---------------------------
كل سنه و انتو طيبين و السنه الجديده تكون جديده و جميله علينا جميعا امين يارب

حسن ارابيسك يقول...

دنيا محيراني
المهم في الموضوع أن عالم التدوين أصبح عالم يُحسب له ألف حساب
وأصبح يهابه الكثير والكثير من أصحاب الجلالة وأصحاب البلاط وأصحاب الجزارة

شـــــهــــروزة يقول...

معلش اختلف معاكى

شخصية العام هى دماغ ماك

المالك الحقيقى والناشر الأول لفيديو عماد الكبير
واللى اتحسب زورا" وعدوانا" على اخونا فى الانسانية الأرزقى وائل عباس

أة بالمناسبة

هو ليس زعيمى أنا ايضا"





هو مين اللى أداله اللقب دة؟

(: (:

شــــمـس الديـن يقول...

السلام عليكم و رحمة الله و بركاتة

ازيك يا دنيا ....

اكيد محدش بيتفق علي حد ... بس فيه ناس ممكن اغلب الناس تتفق عليهم ... انهم كويسين ...

لكن كون الن الناس دي كلها - و هم لهم اوزانهم و فكرهم المحترم - يتفقون علي شئ ما ... فاعتقد ان الامر بيه ان كما يقولون

و فعلا كما قالت شهروزة ... مدون العام هو دماغ ماك بتاع فيديو عماج الكبير و اشار اليه الاستاذ فهمي هويدي بنفسة ....

هو معلش انا مليش زعيم في التدوين و لو هيكون فيه حد الاستاذ وائل مش موجود في اللستة اصلا اللي هختار منها زعماء

كل سنة و انت طيبة بمناسبة موسم الاعياد

دمتي بحفظ الله

شــــمـس الديـن يقول...
أزال المؤلف هذا التعليق.