٢٥‏/٦‏/٢٠٠٧

جايلك يا بحر ------- جايلك يا بحر


شط إسكندرية يا شط الهوى رحنا إسكندرية رمانا الهوى يا دنيا هنية و ليالي رضية أحملها بعينيه شط إسكندرية البحر و رياحو و الفلك الغريب يحملها جراحو و يرحل في المغيب يتمهل شوية و يتودع شوية و تعانق المية شط إسكندرية ليالي مشيتك يا شط الغرام و إن أنا نسيتك ينساني المنام و الشاهد عليه غنوة أمارية و النسمة البحرية و شط إسكندرية

يا سلام يا سلام يا فيروز ------- حتي عايز حاجه من اسكندريه؟
انا رايحه اسكندريه رايح للبحر ارمي هموم سنه كامله فيه
عدت علي من اخر مره شفتها رايحه للبحر و حشني اوي احكيلو و اغنيلوه

رايحه لسماء الصافيه و نجومها الكتير الاي بتلاليء زي الماس و بيشفهموش غير في سماء اسكندريه
رايحه لرمله الصفراء الذهبيه الاي ببني عليها بيوت الحب و السعاده مع اطفالي و العب معهم زي ماكون اصغر منهم وامسك الجردل و المعلقه و الشوكه و العب في الرمله زي الطفله معهم
رايحه لبئر سبع الاي وقفت قدمه من زمان و اقعدت اتريق علي الناس الاي يتمنوا أمنيه و يرموا فيه امنيتهم و قلت نفسي انا هاتمني من ربي بس و يومها قعدت بجانب البئر علي الكورنيش و تأملت السماء و البحر و النجوم و قعده اتكلم مع الله و اسأله امنياتي فأجد بعد قليل من الوقت كل ما تمنيته تحقق
رايحه للمنتزه اجمل مكان في اسكندريه ذكريات الجامعه و المعسكرات اجمل فترات حياتي
رايحه شارع خالد بن الوليد و جيب جوزي الاي بخلص عليه اول باول
رايحه اكل الفطير بالقشطه و السكر و الهريسه الحلوه المسكره و احلي حواوشي كلته في حياتي
و احلي ايس كريم في محطه الرمل

هناك في اسكندريه كل شيء جويه بيتغير حتي روحي بتتغير
الكلام خدني و اقعدت ارغي و ارغي كل الاي انا عايزه اقوله خالي بالكوا من مدونتي و ابقوا زورها من وقت لتاني لاغيت ما ارجع من الآجازه هاتوحشوني بس معلش البحر بيناديني وانا برد عليه
جايلك يا بحر -------- جايلك يا بحر

هناك ١٦ تعليقًا:

مدونة كسبان يقول...

دينا
~~~~~~~~
هتوحشينااااااااا

اوعى البحر يأثر فيكى و مترجعيش للتدوين تانى بعد الرحله
والله ابوظلك تصميم المدونة

رجاء لو سمحت
تاخدى ورقة وقلم وتكتبى بوست من هناك
ساعة الغروب على البحر


معاكى حق بجد والله
الجو بقى حر مووووووت

وترجعى لينا بالسلامه وعموما متخافيش
اى حد هيقرب للمدونة أو يأذيها هبوظله مدونته

بس والنبى ابقى افتكرينا بفطرتين بالسكر
اصل كسبان بيموت فيه

Heart Beat يقول...

اتمنى لك اجازة سعيدة ان شاء الله

غير معرف يقول...

اختي العزيزة : اجازة سعيدة باذن الله و متعك الله و أسرتك بالصحة و راحة البال
أتابع مدونتك و لكن هذه أول مرة أعلق و السبب هو معشوقتي الاسكندرية و كلامك عنها
أتمنى لو أستطيع السلام على كل من و ما أعرفه فيها و ادعي لي ازورها قريب
في أمان الله
خالد
قطر

momken يقول...

اجازة سعيده يا دنيا واسكندريه فيها الف نت كافيه تتبعى المدونه منهم
اسكندريه بلدى وانا بحب الى بيحب بلدى

بين شطين وميه عشقتكم عنيا ياغلين عليا يا اهل اسكندريه

اسكندريه احسن ناس عالبحر ماشيه تتمخطر من سيدى بشر لابو العباس ايوة ياعالم عالمنظر

اه ياواد ياسكندرانى دى عنيك بتقولى بس قلبك بيقولى تانى ومحدش بيا حس

شــــمـس الديـن يقول...

ياه

نفسي اصيف

ابقي جيبيلنا معاكي شوية هوا و شوية رمل و شوية مية في زجاجة

اتمني لك اجازة سعيدة

تروحي و ترجعلينا بالف سلامة ...هتوحشينا

محمد حمدي يقول...

انا مستغرب جدا من البوست دة

اولا افكرك بنفسى انا محمد حمدى الى كتب البوست دة

http://demaghy.blogspot.com/2007/06/blog-post_14.html

والى انتى رديتى عليه بالرد دة

http://demaghy.blogspot.com/2007/06/blog-post_14.html#c975629300154772735

وقولتى فيه

"
ياه يا محمد انت كنت بتحكي علي و علي ايامي يا ه و الف ياه كانت اجمل ايام و اجمل احساس اما الان فقدنا قدره الاحساس بالشوق و الانتظار و الرجاء من حولنا ليدعونا نستمتع لقد ارجعتني لسنين اعشقها للسنين اتمني رجوعها فبرغم التقدم الرهيب الذي نشعر به الان الا انه سرق مننا اجمل الاحساسيس و الاشياء التي كنا نهفو لها فكل شيء الان متاح و هذه هي المشكله شكرا للك لتذكيري باجمل الايام في حياتى "

دلوقتى جه دورى عشان اندهش انا كمان من التوافق بينى وبينك .. تصورى انى بقرا بوستك دة وانا بحضر نفسى لسفر اسكندريه بكرة ولمدة شهرين

اما عن اسكندريه فا بجد مينفعش اتكلم عنها .. هى اكبر من الكلام

تحياتى ليكى ولدماغنا الواحدة وياريت نتواصل شخصيا

مدونة كسبان يقول...

انا تحت امرك
بالنسبة لموضوع الشعار

تابعى تعليقاتى فى المدونة بتاعتى

بس متنسيش الفطير اللى بالسكر

مدونة كسبان يقول...

انا عملت شعار جديد للمدونة بتاعتى
ياريت تقول لى رأيك فيه ايه بقى
ولو عايزه تبدليه بدل الشعار القديم اوك

يا مراكبي يقول...

تروحي وتيجي بالسلامة

ياريت شوية فريسكا بالسمسم .. حاجة كده من ريحة الحبايب

ياااااه .. بقى لي كير قوي ما روحتش إسكندرية .. أنا بأنزل القاهرة خطف أصلا وبالعافية

الطائر الحزين يقول...

احب الاسكندرية فى الشتاء ايوة فى الشتاء حاجة تانية فعلا

بخصوص الاجندة الحمرا وسؤالك هناك نعم هى كما تظنى وكما فهمتى

مجلة لوتـس الإلكترونيـة يقول...

الاخت الكريمة
اسكندرية كلها تنور بوجودك فيها
أجازة سعيدة في أجمل بلاد الله
بس اوعي تنسي كشري بندق وأيس كريم سكر وكبدة هريدي عند المجمع ، لأن أيام الدراسة كنت نقول اللي ياكل من كبدة هريدي لازم يرجعلها تاني
اوعي تنسي كمان زيارة بير مسعود - مش بير سبع - وتلمي صدرك بهوا اسكندرية ، واللي مش ممكن تلاقيه في أي مدينة في العالم
مرة تانية أجازة سعيدة

بندقه لسه بقشرها يقول...

Hello donia
first time here in you blog and that post caught my eyes so i wanted to wish u a fantastic vacation and to get back safely for your fans here.
i will take a look at the other posts so bye for now.

ذو النون المصري يقول...

مبروك الرحله
يا بختك
كان نفسي اروح اسكندريه بقالي زمن لكن المتاح حاليا بلطيم و راس البر و بس
هههههههههههه
تحياتي

ibn nasser - ابن ناصر يقول...

اجازه سعيده ..وانا لسه جاي من اسكندريه

تحياتي

غير معرف يقول...

الأخت الكريمة: دنيا
السلام عليكم ورحمة الله وبركاته
واتمنى لك أجازة سعيدة
وفى انتظار عودتك لنا سريعاً

أخوك
محمد

دنـيـا محيراني(ايناس لطفي يقول...

شكرا لكل من جاء لزيارتي و تمني لي اجازه سعيده يارب كلكوا تصيفوا زي
شكر كتيرررررر